Yobu 23
1 Pamenepo Yobu anayankha kuti,
| ויען איוב ויאמר |
2 “Leronso kudandaula kwanga nʼkwakukulu kwambiri; Iye akundilanga kwambiri ngakhale ndi kubuwula.
| גם-היום מרי שחי ידי כבדה על-אנחתי |
3 Ndikanangodziwa kumene ndikanamupeza Mulungu; ndikanangopita kumene amakhalako!
| מי-יתן ידעתי ואמצאהו אבוא עד-תכונתו |
4 Ndikanafotokoza mlandu wanga pamaso pake ndipo ndikanayankhula mawu odziteteza.
| אערכה לפניו משפט ופי אמלא תוכחות |
5 Ndikanadziwa mawu amene Iye akanandiyankha, ndi kulingalira bwino zimene akananena!
| אדעה מלים יענני ואבינה מה-יאמר לי |
6 Kodi Iye akanalimbana nane mwa mphamvu zake zazikulu? Ayi, Iye sakanayankhula zinthu zotsutsana nane.
| הברב-כח יריב עמדי לא אך-הוא ישם בי |
7 Kumeneko munthu wolungama akanafotokoza mlandu wake pamaso pake, ndipo woweruzayo akanandipeza wosalakwa nthawi zonse.
| שם--ישר נוכח עמו ואפלטה לנצח משפטי |
8 “Taonani, ndikapita kummawa, Iye kulibe kumeneko, ndikapita kumadzulo sinditha kumupeza kumeneko.
| הן קדם אהלך ואיננו ואחור ולא-אבין לו |
9 Akamagwira ntchito kumpoto, sindimuona kumeneko akapita kummwera, sindimuona.
| שמאול בעשתו ולא-אחז יעטף ימין ולא אראה |
10 Koma Iye amadziwa mmene ndimayendera; Iyeyo akandiyesa adzandipeza kuti ndili ngati golide.
| כי-ידע דרך עמדי בחנני כזהב אצא |
11 Mapazi anga akhala akuponda mʼmapazi ake; ndasunga njira yake ndipo sindinayitaye.
| באשרו אחזה רגלי דרכו שמרתי ולא-אט |
12 Sindinapatuke kusiya malamulo ochokera pakamwa pake; ndasunga mawu a pakamwa pake kupambana chakudya changa cha tsiku ndi tsiku.
| מצות שפתיו ולא אמיש מחקי צפנתי אמרי-פיו |
13 “Koma Iyeyo ndi wosasinthika, ndipo ndani angatsutsane naye? Iye amachita chilichonse chimene wafuna.
| והוא באחד ומי ישיבנו ונפשו אותה ויעש |
14 Iye amachita chimene watsimikiza kuti chindichitikire, ndipo malingaliro oterowa ali nawobe.
| כי ישלים חקי וכהנה רבות עמו |
15 Nʼchifukwa chake ndikuchita mantha kwambiri pamaso pake; ndikamaganiza zonsezi ndimamuopa.
| על-כן מפניו אבהל אתבונן ואפחד ממנו |
16 Mulungu walefula mtima wanga; Wamphamvuzonse wandiopseza kwambiri.
| ואל הרך לבי ושדי הבהילני |
17 Komatu sindinachititsidwe mantha ndi mdima, ndi mdima wandiweyani umene waphimba nkhope yanga.
| כי-לא נצמתי מפני-חשך ומפני כסה-אפל |
