Yobu 20
1 Pamenepo Zofari wa ku Naama anayankha kuti
| ויען צפר הנעמתי ויאמר׃ |
2 “Kuvutika kwa mʼmaganizo kwanga kwandifulumiza kuti ndiyankhe chifukwa ndasautsidwa kwambiri.
| לכן שעפי ישיבוני ובעבור חושי בי׃ |
3 Ndikumva kudzudzula kondinyoza, ndipo kumvetsetsa kwanga kwa zinthu kwandifulumiza kuti ndiyankhe.
| מוסר כלמתי אשמע ורוח מבינתי יענני׃ |
4 “Ndithudi iwe ukudziwa momwe zinthu zakhala zikuchitikira kuyambira kale, kuchoka nthawi imene munthu analengedwa pa dziko lapansi,
| הזאת ידעת מני עד מני שים אדם עלי ארץ׃ |
5 kuti chisangalalo cha woyipa nʼchosachedwa kutha, chimwemwe cha wosapembedza Mulungu nʼchakanthawi kochepa.
| כי רננת רשעים מקרוב ושמחת חנף עדי רגע׃ |
6 Ngakhale atamayenda mapewa ake ali mmwamba ndipo mutu wake uli nengʼaa,
| אם יעלה לשמים שיאו וראשו לעב יגיע׃ |
7 iye adzatheratu monga momwe imatayikira ndowe yake yomwe; iwo amene ankamuona adzati, ‘Kodi uje uja ali kuti?’
| כגללו לנצח יאבד ראיו יאמרו איו׃ |
8 Adzazimirira ngati maloto ndipo sadzapezekanso, adzachotsedwa ngati masomphenya a usiku.
| כחלום יעוף ולא ימצאוהו וידד כחזיון לילה׃ |
9 Diso limene linamuona silidzamuonanso; sadzapezekanso pamalo pake.
| עין שזפתו ולא תוסיף ולא עוד תשורנו מקומו׃ |
10 Ana ake adzabwezera zonse zimene iyeyo analanda anthu osauka;
| בניו ירצו דלים וידיו תשבנה אונו׃ |
11 Mphamvu zaunyamata zimene zili mʼthupi mwake zidzagona naye limodzi mʼfumbi.
| עצמותיו מלאו עלומו ועמו על עפר תשכב׃ |
12 “Ngakhale zoyipa zili zozuna mʼkamwa mwake ndipo amazibisa kunsi kwa lilime lake,
| אם תמתיק בפיו רעה יכחידנה תחת לשונו׃ |
13 ngakhale salola kuzilavula, ndipo amazisunga mʼkamwa mwake,
| יחמל עליה ולא יעזבנה וימנענה בתוך חכו׃ |
14 koma chakudya chake chidzawawasa mʼmimba mwake; chidzasanduka ngati ndulu ya njoka mʼkati mwa iyeyo.
| לחמו במעיו נהפך מרורת פתנים בקרבו׃ |
15 Adzachisanza chuma chimene anachimeza; Mulungu adzachitulutsa mʼmimba mwa munthuyo.
| חיל בלע ויקאנו מבטנו יורשנו אל׃ |
16 Iye adzayamwa ndulu ya njoka ndipo ululu wa mphiri udzamupha.
| ראש פתנים יינק תהרגהו לשון אפעה׃ |
17 Sadzasangalala ndi timitsinje, mitsinje yoyenda uchi ndi mafuta.
| אל ירא בפלגות נהרי נחלי דבש וחמאה׃ |
18 Ayenera kubweza zimene anazigwirira ntchito osazidya; sadzasangalala ndi phindu la malonda ake.
| משיב יגע ולא יבלע כחיל תמורתו ולא יעלס׃ |
19 Pakuti iye anapondereza anthu osauka ndipo anawasiya wopanda thandizo; iyeyo analanda nyumba zimene sanamange.
| כי רצץ עזב דלים בית גזל ולא יבנהו׃ |
20 “Chifukwa choti umbombo wake sutha, sadzatha kusunga chilichonse chimene amakondwera nacho.
| כי לא ידע שלו בבטנו בחמודו לא ימלט׃ |
21 Palibe chatsala kuti iye adye; chuma chake sichidzachedwa kutha.
| אין שריד לאכלו על כן לא יחיל טובו׃ |
22 Ngakhale ndi munthu wachuma, mavuto adzamugwera; mavuto aakulu adzamugwera.
| במלאות שפקו יצר לו כל יד עמל תבואנו׃ |
23 Akadya nʼkukhuta, Mulungu adzamugwetsera ukali wamoto ngati mvula yosalekeza.
| יהי למלא בטנו ישלח בו חרון אפו וימטר עלימו בלחומו׃ |
24 Ngakhale athawe mkondo wachitsulo, muvi wamkuwa wosongoka udzamulasa.
| יברח מנשק ברזל תחלפהו קשת נחושה׃ |
25 Muviwo adzawutulutsira ku msana, songa yake yowala kuchoka mʼmphafa mwake. Adzagwidwa ndi mantha aakulu;
| שלף ויצא מגוה וברק ממררתו יהלך עליו אמים׃ |
26 mdima wandiweyani ukudikira chuma chake. Moto wopanda wowukoleza udzamupsereza ndi kuwononga zonse zotsala mʼnyumba yake.
| כל חשך טמון לצפוניו תאכלהו אש לא נפח ירע שריד באהלו׃ |
27 Zamumlengalenga zidzawulula kulakwa kwake; dziko lapansi lidzamuwukira.
| יגלו שמים עונו וארץ מתקוממה לו׃ |
28 Chigumula cha madzi chidzawononga nyumba yake, katundu wake adzatengedwa pa tsiku la ukali wa Mulungu.
| יגל יבול ביתו נגרות ביום אפו׃ |
29 Izi ndi zimene Mulungu amasungira anthu oyipa, mphotho imene Mulungu amayikira iwowo.”
| זה חלק אדם רשע מאלהים ונחלת אמרו מאל׃ |
