Yobu 16
1 Pamenepo Yobu anayankha kuti,
| ויען איוב ויאמר |
2 “Ndinamvapo zambiri monga zimenezi; nonsenu ndinu anthu osatha kutonthoza mtima mnzanu.
| שמעתי כאלה רבות מנחמי עמל כלכם |
3 Kodi mawu anu ochulukawo adzatha? Kodi chikukuvutani nʼchiyani kuti muzingoyankhula mawu otsutsawa?
| הקץ לדברי-רוח או מה-ימריצך כי תענה |
4 Inenso ndikanatha kuyankhula monga inu, inuyo mukanakhala monga ndilili inemu; Ine ndikanatha kuyankhula mawu omveka bwino kutsutsana nanu ndi kukupukusirani mutu wanga.
| גם אנכי-- ככם אדברה לו יש נפשכם תחת נפשי-- אחבירה עליכם במלים ואניעה עליכם במו ראשי |
5 Ndipo mawu a pakamwa panga akanakulimbikitsani; chitonthozo chochokera pa milomo yanga chikanachepetsa ululu wanu.
| אאמצכם במו-פי וניד שפתי יחשך |
6 “Koma ine ndikati ndiyankhule ululu wanga sukuchepa; ndipo ndikati ndikhale chete, ululu wanga sukuchokabe.
| אם-אדברה לא-יחשך כאבי ואחדלה מה-מני יהלך |
7 Ndithudi, Inu Mulungu mwanditha mphamvu; mwawononga banja langa lonse.
| אך-עתה הלאני השמות כל-עדתי |
8 Inu mwandimanga ndipo kundimangako kwakhala umboni; kuwonda kwanga kwandiwukira ndipo kukuchita umboni wonditsutsa.
| ותקמטני לעד היה ויקם בי כחשי בפני יענה |
9 Mulungu amabwera kwa ine mwankhanza ndipo amadana nane, amachita kulumira mano; mdani wanga amandituzulira maso.
| אפו טרף וישטמני--חרק עלי בשניו צרי ילטש עיניו לי |
10 Anthu amatsekula pakamwa pawo kundikuwiza; amandimenya pa tsaya mwachipongwe ndipo amagwirizana polimbana nane.
| פערו עלי בפיהם--בחרפה הכו לחיי יחד עלי יתמלאון |
11 Mulungu wandipereka kwa anthu ochita zoyipa ndipo wandiponyera mʼmanja mwa anthu oyipa mtima.
| יסגירני אל אל עויל ועל-ידי רשעים ירטני |
12 Ine ndinali pamtendere, koma Mulungu ananditswanya; anandigwira pa khosi ndi kundiphwanya. Iye anandisandutsa choponyera chandamale chake;
| שלו הייתי ויפרפרני-- ואחז בערפי ויפצפצני ויקימני לו למטרה |
13 anthu ake oponya mauta andizungulira. Mopanda kundimvera chisoni, Iye akulasa impsyo zanga ndipo akutayira pansi ndulu yanga.
| יסבו עלי רביו-- יפלח כליותי ולא יחמל ישפך לארץ מררתי |
14 Akundivulaza kawirikawiri, akuthamangira pa ine monga munthu wankhondo.
| יפרצני פרץ על-פני-פרץ ירץ עלי כגבור |
15 “Ndasokerera chiguduli pa thupi langa ndipo ndayika mphamvu zanga pa fumbi.
| שק תפרתי עלי גלדי ועללתי בעפר קרני |
16 Maso anga afiira ndi kulira, ndipo zikope zanga zatupa;
| פני חמרמרה (חמרמרו) מני-בכי ועל עפעפי צלמות |
17 komatu manja anga sanachite zachiwawa ndipo pemphero langa ndi lolungama.
| על לא-חמס בכפי ותפלתי זכה |
18 “Iwe dziko lapansi, usakwirire magazi anga; kulira kwanga kofuna thandizo kusalekeke!
| ארץ אל-תכסי דמי ואל-יהי מקום לזעקתי |
19 Ngakhale tsopano mboni yanga ili kumwamba; wonditchinjiriza pa mlandu wanga ali komweko.
| גם-עתה הנה-בשמים עדי ושהדי במרמים |
20 Wondipembedzera ndi bwenzi langa, pamene maso anga akukhuthula misozi kwa Mulungu;
| מליצי רעי אל-אלוה דלפה עיני |
21 iye, mʼmalo mwanga, amamudandaulira Mulungu monga munthu amadandaulira bwenzi lake.
| ויוכח לגבר עם-אלוה ובן-אדם לרעהו |
22 “Pakuti sipapita zaka zambiri ndisanayende mʼnjira imene sindidzabwerera.”
| כי-שנות מספר יאתיו וארח לא-אשוב אהלך |
