Yesaya 12

1 Tsiku limenelo aliyense wa inu adzati: “Ndikukuyamikani, Inu Yehova; chifukwa ngakhale munandipsera mtima, mkwiyo wanu wachoka, ndipo mwanditonthoza.

In that day you will say, "I will give thanks to you, Jehovah; for you were angry with me, but your anger has turned away and you comfort me.

2 Zoonadi, Mulungu ndiye Mpulumutsi wanga; ndidzamudalira ndipo sindidzachita mantha. Yehova ndiye mphamvu yanga ndi nyimbo yanga; Iye wakhala chipulumutso changa.”

Look, in the God of my salvation I will trust, and will not be afraid. For Jehovah is my strength and my and song, and he has become my salvation."

3 Mudzakondwera popeza Yehova ali ngati chitsime cha chipulumutso chanu.

Therefore with joy you will draw water out of the wells of salvation.

4 Tsiku limenelo mudzati: “Yamikani Yehova, tamandani dzina lake; mulengeze ntchito zake pakati pa mitundu ya anthu, ndipo mulalike kuti dzina lake ndi lopambana.

In that day you will say, "Give thanks to Jehovah. Call on his name. Declare his doings among the peoples. Proclaim that his name is exalted.

5 Imbirani Yehova, pakuti wachita ntchito zazikulu; zimenezi zidziwike pa dziko lonse lapansi.

Sing to Jehovah, for he has done excellent things. Let this be known in all the earth.

6 Fuwulani ndi kuyimba mwachimwemwe, inu anthu a ku Ziyoni; pakuti Woyerayo wa Israeli ndi wamkulu pakati panu.”

Cry aloud and shout, you inhabitant of Zion; for the Holy One of Israel is great in the midst of you."