Eksodo 40
1 Kenaka Yehova anati kwa Mose,
| וידבר יהוה אל משה לאמר |
2 “Imika chihema, tenti ya msonkhano, tsiku loyamba la mwezi.
| ביום החדש הראשון באחד לחדש תקים את משכן אהל מועד |
3 Uyikemo bokosi la umboni ndipo uphimbe bokosilo ndi katani.
| ושמת שם את ארון העדות וסכת על הארן את הפרכת |
4 Ulowetsemo tebulo ndi kuyika zimene zimakhala pamenepo. Kenaka ulowetse choyikapo nyale ndipo uyikepo nyale zake.
| והבאת את השלחן וערכת את ערכו והבאת את המנרה והעלית את נרתיה |
5 Uyike guwa lofukiza la golide patsogolo pa bokosi la umboni ndipo uyike katani ya pa chipata cha chihema.
| ונתתה את מזבח הזהב לקטרת לפני ארון העדת ושמת את מסך הפתח למשכן |
6 “Uyike guwa lansembe yopsereza patsogolo pa chipata cha chihema, tenti ya msonkhano.
| ונתתה את מזבח העלה לפני פתח משכן אהל מועד |
7 Uyike beseni pakati pa tenti ya msonkhano ndi guwa lansembe ndipo uyikemo madzi.
| ונתת את הכיר בין אהל מועד ובין המזבח ונתת שם מים |
8 Upange bwalo lozungulira chihemacho ndipo uyike katani ya pa chipata cha bwalolo.
| ושמת את החצר סביב ונתת את מסך שער החצר |
9 “Utenge mafuta wodzozera ndipo udzoze chihema ndi chilichonse chili mʼmenemo ndipo zidzakhala zoyeretsedwa.
| ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש |
10 Kenaka udzoze guwa lansembe lopsereza ndi ziwiya zake zonse. Ulipatule guwalo ndipo lidzakhala loyera kwambiri.
| ומשחת את מזבח העלה ואת כל כליו וקדשת את המזבח והיה המזבח קדש קדשים |
11 Udzoze beseni ndi miyendo yake ndipo uzipatule.
| ומשחת את הכיר ואת כנו וקדשת אתו |
12 “Ubwere ndi Aaroni ndi ana ake pa chipata cha tenti ya msonkhano ndipo uwasambitse ndi madzi.
| והקרבת את אהרן ואת בניו אל פתח אהל מועד ורחצת אתם במים |
13 Kenaka umuveke Aaroni zovala zopatulika, umudzoze ndi kumupatula kotero kuti athe kunditumikira monga wansembe.
| והלבשת את אהרן את בגדי הקדש ומשחת אתו וקדשת אתו וכהן לי |
14 Ubweretse ana ake ndipo uwaveke minjiro.
| ואת בניו תקריב והלבשת אתם כתנת |
15 Uwadzoze monga momwe unadzozera abambo awo, kotero kuti anditumikire monga ansembe. Kudzozedwako kudzakhala unsembe wawo pa mibado ndi mibado”
| ומשחת אתם כאשר משחת את אביהם וכהנו לי והיתה להית להם משחתם לכהנת עולם--לדרתם |
16 Mose anachita zonse monga Yehova anamulamulira.
| ויעש משה ככל אשר צוה יהוה אתו--כן עשה |
17 Kotero anayimika chihema tsiku loyamba la mwezi woyamba mʼchaka chachiwiri.
| ויהי בחדש הראשון בשנה השנית--באחד לחדש הוקם המשכן |
18 Nthawi imene Mose anayimika chihema, anayika matsinde mʼmalo ake, kuyimitsa maferemu, kulowetsa mitanda ndi kuyika nsichi.
| ויקם משה את המשכן ויתן את אדניו וישם את קרשיו ויתן את בריחיו ויקם את עמודיו |
19 Kenaka anayika tenti pamwamba pa chihema ndipo anayika chophimba pa tenti monga momwe Yehova analamulira Mose.
| ויפרש את האהל על המשכן וישם את מכסה האהל עליו מלמעלה--כאשר צוה יהוה את משה |
20 Iye anatenga miyala ya umboni nayika mʼbokosi lija ndi kuyika chivundikiro pamwamba pake.
| ויקח ויתן את העדת אל הארן וישם את הבדים על הארן ויתן את הכפרת על הארן מלמעלה |
21 Kenaka analowetsa bokosilo mʼchihema ndipo anapachika katani ndi kubisa bokosi la umboni monga momwe Yehova analamulira iye.
| ויבא את הארן אל המשכן וישם את פרכת המסך ויסך על ארון העדות--כאשר צוה יהוה את משה |
22 Mose anayika tebulo mu tenti ya msonkhano kumpoto kwa chihema, kunja kwa katani,
| ויתן את השלחן באהל מועד על ירך המשכן צפנה מחוץ לפרכת |
23 ndipo anayikapo buledi pamaso pa Yehova, monga momwe Yehova analamulira Mose.
| ויערך עליו ערך לחם לפני יהוה--כאשר צוה יהוה את משה |
24 Iye anayikanso choyikapo nyale mu tenti ya msonkhano moyangʼanana ndi tebulo mbali yakummwera kwa chihema.
| וישם את המנרה באהל מועד נכח השלחן על ירך המשכן נגבה |
25 Ndipo anayikapo nyale zija pamaso pa Yehova, monga Yehova analamulira Mose.
| ויעל הנרת לפני יהוה--כאשר צוה יהוה את משה |
26 Mose anayika guwa la golide mu tenti ya msonkhano patsogolo pa katani
| וישם את מזבח הזהב באהל מועד לפני הפרכת |
27 ndipo anapserezapo lubani wonunkhira monga Yehova anamulamulira.
| ויקטר עליו קטרת סמים--כאשר צוה יהוה את משה |
28 Kenaka anayika katani ya pa chipata cha chihema.
| וישם את מסך הפתח למשכן |
29 Iye anayika guwa lansembe yopsereza pafupi ndi chipata cha chihema, tenti ya msonkhano, ndipo anapereka nsembe yopsereza ndi nsembe ya ufa monga Yehova anamulamulira.
| ואת מזבח העלה שם פתח משכן אהל מועד ויעל עליו את העלה ואת המנחה--כאשר צוה יהוה את משה |
30 Iye anayika beseni pakati pa tenti ya msonkhano ndi guwa lansembe ndipo anathiramo madzi wosamba,
| וישם את הכיר בין אהל מועד ובין המזבח ויתן שמה מים לרחצה |
31 ndipo Mose, Aaroni ndi ana ake amasamba manja ndi mapazi awo.
| ורחצו ממנו משה ואהרן ובניו את ידיהם ואת רגליהם |
32 Iwo amasamba nthawi zonse akamalowa mu tenti ya msonkhano kapena kuyandikira guwa lansembe monga Yehova analamulira Mose.
| בבאם אל אהל מועד ובקרבתם אל המזבח--ירחצו כאשר צוה יהוה את משה |
33 Kenaka Mose anamanga bwalo kuzungulira chihema ndi guwa lansembe ndipo anayika katani ya pa chipata cha bwalo. Kotero Mose anamaliza ntchito.
| ויקם את החצר סביב למשכן ולמזבח ויתן את מסך שער החצר ויכל משה את המלאכה |
34 Kenaka mtambo unaphimba tenti ya msonkhano, ndipo ulemerero wa Yehova unadzaza mʼchihemacho.
| ויכס הענן את אהל מועד וכבוד יהוה מלא את המשכן |
35 Mose sanathe kulowa mu tenti ya msonkhano chifukwa mtambo unali utakhazikika pa chihemacho, ndipo ulemerero wa Yehova unadzaza mʼchihemacho.
| ולא יכל משה לבוא אל אהל מועד--כי שכן עליו הענן וכבוד יהוה מלא את המשכן |
36 Pa maulendo awo onse, mtambo ukachoka pamwamba pa chihema, Aisraeli ankasamukanso pamene analipo.
| ובהעלות הענן מעל המשכן יסעו בני ישראל בכל מסעיהם |
37 Koma ngati mtambo sunachoke, iwo sankasamukanso mpaka tsiku limene udzachoke.
| ואם לא יעלה הענן--ולא יסעו עד יום העלתו |
38 Kotero mtambo wa Yehova unkakhala pamwamba pa chihema usana, ndi mtambo wamoto umakhala usiku, pamaso pa nyumba yonse ya Israeli pa masiku onse aulendo wawo.
| כי ענן יהוה על המשכן יומם ואש תהיה לילה בו--לעיני כל בית ישראל בכל מסעיהם |
