San Lucas 14

1 YA susede na anae jumalom gui guima un magas Fariseo, para uchocho pan, gui sabado na jaane, ya sija maespipiaja.

It happened on a Sabbath, when he was gone to eat at the house of one of the rulers, who was a Pharisee, that while the Pharisees were observing him,

2 Ya, estagüe, un taotao gaegue gui menaña na malango binaya.

a man who had a dropsy stood before him.

3 Ya manope si Jesus, ya jacuentuse manmagas y lay, yan y Fariseo sija, ilegña: Tunas numajomlo gui sabado na jaane pat aje?

Then Jesus addressing himself to the lawyers and Pharisees, said, Is it lawful to cure on the Sabbath?

4 Ya sija manmamatquiquiloja. Ayonae jacone güe, ya janajomlo, ya jasotta na ujanao.

They being silent, he took hold of the man, healed and dismissed him.

5 Ya jaope sija ilegña: Jaye guiya jamyo, yanguin guaja gaña asno pat guaca, podong gui jalom tupo, ada ti enseguidas ujatsa gui sabado na jaane?

Then resuming his discourse, he said to them, Who, amongst you, if his ass or his ox fall into a pit on the Sabbath day, will not immediately pull him out?

6 Ya ti siña talo manmanope ni estesija.

And to this they were not able to make him a reply.

7 Ya jasangan un acomparasion ni y manmaconbida, anae jaatituye ni y jaayig y mas managquilo na tachong gui lamasa; ya ilegña nu sija:

Observing how eager the guests were to possess the higher places at the table, he gave them this injunction,

8 Yanguin quinenbida jao ni un taotao para y guipot, chamo fatatachong gui mas tagquilo na tachong; sa ufato otro na mas onrao qui jago, ni y quinenbidaña locue;

When you are invited to a wedding, do not occupy the highest place at table, lest one more considerable than you be bidden,

9 Ya ufato y cumonbida jao ya ualog nu jago: Nae este lugat y este taotao; ya ayonae untutujon mumamajlao yanguin sumaga jao gui mas uttimo na lugat.

and he who invited you both, come and say to you, Give place to this man; and you should then rise with confusion, to take the lowest place.

10 Lao yanguin quinenbida jao, janao ya fatachong gui mas tagpapa na lugat; sa yanguin mato y cumonbida jao, ualog nu jago: Amigo, janao falag iya jululo; ya ayonae unguaja inenra gui menan ayo sija y mangachongmo ni y manmatachong gui lamasa.

But when you are invited, go to the lowest place, that when he who invited you comes, he may say to you, Friend, go up higher; for that will do you honor before the company.

11 Sa jayeja y manataquilo maesa güe, unaumitde güe ya y umunaumitde güe, umanataquilo.

For whoever exalts himself, shall be humbled; and whoever humbles himself, shall be exalted.

12 Ya ilegña nu ayo y guinin cumonbida güe: Yanguin mamatinas jao nataloane pat sena, chamo umagagange y manamigumo sija, ni y mañelumo, ni y manparientesmo, ni y manrico na tiguangmo; sa noseaja unmaconbida locue talo, ya unmaapase.

He said also to him who had invited him, When you give a dinner, or a supper, do not invited your rich friends, brothers, cousins, or neighbors, lest they also invite you, in their turn, and you be recompensed.

13 Lao yanguin gumupot jao, agange y mamoble, yan y manmanco yan y mancojo, yan y manbachet;

But when you give an entertainment, invite the poor, the maimed, the lame, the blind;

14 Ya undichoso; sa ti siña maapase jao; lao unmaapase gui quinajulo y manunas.

and you shall be happy; for, as they have not the means to requite you, you shall be requited at the resurrection of the righteous.

15 Ya anae jajungog este, uno gui mangachongña ni y manmatachong gui lamasa, ilegña nu güiya: Dichoso ayo y uchocho pan gui raenon Yuus.

One of the guests, hearing this, said to him, Happy be he who shall feast in the Reign of God.

16 Lao ilegña nu güiya: un taotao jafatinas un dangculon sena, ya mangonbida megae:

Jesus said to him, A certain man made a great supper, and invited many.

17 Ya jatago y tentagoña gui oran sena, na ualog ni ayo sija y manmaconbida: Nije; sa esta todo listo.

And at supper time he sent his servants, to tell those who had been invited to come presently; for, that all was ready.

18 Ya jatutujon cada uno umescusa güe. Y fenenana ilegña: Mamajanyo un pidason tano, ya nesesitayo jujanao ya julie; jugagao jao na unescusayo.

But they all, without exception, made excuses. One said, I have purchased a field, which I must go and see; I pray you have me excused.

19 Ya y otro ilegña: Mamajanyo sinco pares na nobiyo para mancareta, ya bae jujanao ya juchague: jugagao jao na unescusayo.

Another said, I have bought five yoke of oxen, which I am going to prove; I pray you have me excused.

20 Ya y otro ilegña: Umasaguayo, ya enaomina ti siñayo mato.

A third said, I have married a wife; and, therefore, I can not go.

21 Ya tumalo guato y tentago, ya janatungo y senotña nu este sija. Ayo nae y magas y guima ninagoslalalo, ya ilegña ni y tentagoña: Janao, lasajyao falag y caye sija yan y chalan gui siudad, ya uncone mague y mamoble, yan y mancojo, yan y manbachet, yan y manmanco.

The servant being returned, related all to his master. Then the master of the house was angry, and said to his servants, Go immediately into the streets and lanes of the city, and bring in here the poor, the maimed, the lame, and the blind.

22 Ya ilegña y tentago: Señot, esta mafatinas y tinagomo, ya trabia guaguajaja lugat.

Afterward, the servant said, Sir, your orders are executed, and still there is room.

23 Ya y señot ilegña ni y tentagoña: Janao falag y dangculo na chalan yan y lugat ni y guaja ngangao, ya unafuetsas sija, ya ufanjalom para ubula y guimajo.

The master answered, Go out into the highways, and along the hedges, and compel people to come, that my house may be filled:

24 Sa jusangane jamyo, na ni uno güije sija gui guinin manmaconbida, uchague y senajo.

for I declare to you, that none of those who were invited, shall taste of my supper.

25 Ya mañisija mangaegue yan un dangculon manadan taotao; ya jabira güe, ya ilegña nu sija:

As great multitudes traveled along with him, he turned to them, and said,

26 Achogja un taotao mato guiya guajo, ya ti jachatlie si tataña, yan si nanaña, yan y asaguaña, yan y famaguonña, yan mañeluña lalaje, yan y mañeluña famalaoan, yan y linâlâña locue, ti siñagüe disipulujo.

If any man come to me, and hate not his father and mother, and wife, and children, and brothers, and sisters; nay, and himself, too; he can not be my disciple.

27 Ya jayeja y ti cumatga y quiluusña, ya dumalalag yo; ti siñagüe disipulojo.

And whosoever does not follow me, carrying his cross, can not be my disciple.

28 Sa jaye guiya jamyo, ujaso manjatsa un tore, ya ti ufatachong finena ya utufong y para gastoña cao siña uninafunjayan?

For which of you, intending to build a tower, does not first, by himself, compute the expense, to know whether he have the means to complete it;

29 Sa noseaja yanguin esta japolo y simiento, ya ti siña janafunjayan; todo y lumie jatutujon manmanbotlea nu güiya,

lest, having laid the foundation, and being unable to finish, he become the derision of all who see it;

30 Ylegñija: Este na taotao jatutujon manjatsa, ya ti siña janafunjayan.

who will say, This man began to build, but was not able to finish.

31 Pat jaye y ray, anae jajanao para uguera contra y otro ray, ti ufatachong finena, ya ufañangane cao siña güe yan y dies mit, utagam y mamamaela yan veinte mit contra güiya?

Or what king, going to engage another king, with whom he is at war, does not first consult, by himself, whether he can, with ten thousand men, encounter him who comes against him with twenty thousand;

32 Patseno, mientras chachagoja y otro trabia, janajanao un compañia, ya ufangagao pas.

that if he can not, he may, while the other is at a distance, send an embassy to sue for peace.

33 Taegüenaoja locue; masquesea jaye guiya jamyo y ti rumechasa todo y güinajaña; ti siñagüe disipulujo.

So then, whosoever he be of you, who does not renounce all that he has, he can not be my disciple.

34 Y asiga mauleg; lao yanguin malingo y asiga maasenña, jaftaemano manasne?

Salt is good; but if the salt become insipid, with what shall it be seasoned?

35 Ti mauleg para y tano, ni para fanyútian basula; masenyuteja ni y taotao. Jaye y gaetalanga para ufanjungog, güiya uecungog.

It is fit neither for the land, nor for the dunghill, but is thrown away. Whosoever has ears to hear, let him hear.