Mga Salmo 99

1 Si Jehova, nagahari; papanguroga ang mga katawohan: Siya nagalingkod ibabaw sa mga querubin; pauyoga ang yuta.

The Lord is king; let the nations tremble: he is throned upon cherubs; let earth quake.

2 Si Jehova maoy daku sa Sion; Ug siya maoy labing hataas sa tanang mga katawohan.

The Lord is great in Zion, he is high over all the nations.

3 Padayega (sila) sa imong daku ug makalilisang nga ngalan: Balaan man siya.

Let them praise your great and terrible name. Holy is he.

4 Ang kalig-on sa hari nahigugma usab sa justicia; Ikaw nagatukod sa pagkatul-id; Ikaw nagapatuman ug justicia ug pagkamatarung diha kang Jacob.

You are a king who loves justice, equity you have established: justice and right you have wrought for Jacob.

5 Bayawa ninyo si Jehova nga atong Dios, Ug managsimba kamo didto sa tumbanan sa iyang mga tiil: Balaan man siya.

Exalt the Lord our God, bow down at his footstool. Holy is he.

6 Si Moises ug si Aaron anaa sa taliwala sa iyang mga sacerdote, Ug si Samuel lakip kanila nga nanagsangpit sa iyang ngalan; Nanagsangpit (sila) kang Jehova, ug siya mitubag kanila.

Among his priests were Moses and Aaron, Samuel among those who called on his name. They called to the Lord, and he gave them answer.

7 Siya misulti kanila diha sa haligi nga panganod: Nanagbantay (sila) sa iyang mga pagpamatuod, Ug sa kabalaoran nga iyang gihatag kanila.

He spoke to them in the pillar of cloud, they kept his commands and the statute he gave them.

8 Ikaw mitubag kanila, Oh Jehova nga among Dios: Ikaw mao ang Dios nga nagpasaylo kanila, Bisan ikaw nagpanimalus sa ilang mga buhat.

Lord our God, you gave them answer. A God of forgiveness were you to them, who suffered their deeds to go unpunished.

9 Bayawa ninyo si Jehova nga atong Dios, Ug managsimba kamo didto sa bungtod sa iyang pagkabalaan; Kay si Jehova nga atong Dios balaan man.

Exalt the Lord our God; bow down at his holy mountain. For holy is the Lord our God.