Mga Salmo 99

1 Si Jehova, nagahari; papanguroga ang mga katawohan: Siya nagalingkod ibabaw sa mga querubin; pauyoga ang yuta.

The LORD reigneth; let the people tremble: he sitteth [between] the cherubims; let the earth be moved.

2 Si Jehova maoy daku sa Sion; Ug siya maoy labing hataas sa tanang mga katawohan.

The LORD [is] great in Zion; and he [is] high above all the people.

3 Padayega (sila) sa imong daku ug makalilisang nga ngalan: Balaan man siya.

Let them praise thy great and terrible name; [for] it [is] holy.

4 Ang kalig-on sa hari nahigugma usab sa justicia; Ikaw nagatukod sa pagkatul-id; Ikaw nagapatuman ug justicia ug pagkamatarung diha kang Jacob.

The king’s strength also loveth judgment; thou dost establish equity, thou executest judgment and righteousness in Jacob.

5 Bayawa ninyo si Jehova nga atong Dios, Ug managsimba kamo didto sa tumbanan sa iyang mga tiil: Balaan man siya.

Exalt ye the LORD our God, and worship at his footstool; [for] he [is] holy.

6 Si Moises ug si Aaron anaa sa taliwala sa iyang mga sacerdote, Ug si Samuel lakip kanila nga nanagsangpit sa iyang ngalan; Nanagsangpit (sila) kang Jehova, ug siya mitubag kanila.

Moses and Aaron among his priests, and Samuel among them that call upon his name; they called upon the LORD, and he answered them.

7 Siya misulti kanila diha sa haligi nga panganod: Nanagbantay (sila) sa iyang mga pagpamatuod, Ug sa kabalaoran nga iyang gihatag kanila.

He spake unto them in the cloudy pillar: they kept his testimonies, and the ordinance [that] he gave them.

8 Ikaw mitubag kanila, Oh Jehova nga among Dios: Ikaw mao ang Dios nga nagpasaylo kanila, Bisan ikaw nagpanimalus sa ilang mga buhat.

Thou answeredst them, O LORD our God: thou wast a God that forgavest them, though thou tookest vengeance of their inventions.

9 Bayawa ninyo si Jehova nga atong Dios, Ug managsimba kamo didto sa bungtod sa iyang pagkabalaan; Kay si Jehova nga atong Dios balaan man.

Exalt the LORD our God, and worship at his holy hill; for the LORD our God [is] holy.