Mga Salmo 76

1 Ang Dios ginaila sa Juda: Sa Israel daku ang iyang ngalan.

למנצח בנגינת מזמור לאסף שיר נודע ביהודה אלהים בישראל גדול שמו׃

2 Sa Salem usab atua ang iyang tabernaculo, Ug ang iyang puloy-anan atua sa Sion.

ויהי בשלם סכו ומעונתו בציון׃

3 Didto gipamali niya ang mga udyong sa pana; Ang taming, ug ang espada, ug ang gubat. (Selah)

שמה שבר רשפי קשת מגן וחרב ומלחמה סלה׃

4 Mahimayaon ikaw ug halangdon, Gikan sa kabukiran sa pangayam.

נאור אתה אדיר מהררי טרף׃

5 Ang mga mabaskug sa kasingkasing gipangagawan, (Sila) nahinanok sa ilang pagkatulog; Ug walay bisan usa sa mga tawong kusgan nga nakakaplag sa ilang mga kamot.

אשתוללו אבירי לב נמו שנתם ולא מצאו כל אנשי חיל ידיהם׃

6 Sa imong pagbadlong, Oh Dios ni Jacob, Silang duruha, ang carro ug ang kabayo gipanghulog ngadto sa usa ka pagkatulog nga ikamatay.

מגערתך אלהי יעקב נרדם ורכב וסוס׃

7 Ikaw, bisan ikaw gayud, ang angay pagakahadlokan; Ug kinsa man ang makabarug sa imong pagtan-aw sa diha nga sa makausa ikaw masuko?

אתה נורא אתה ומי יעמד לפניך מאז אפך׃

8 Gikan sa langit gipadungog mo ang paghukom; Ang yuta nahadlok, ug mihilum,

משמים השמעת דין ארץ יראה ושקטה׃

9 Sa diha nga ang Dios mobangon sa paghukom, Aron sa pagluwas sa tanang mga maaghup sa yuta. (Selah)

בקום למשפט אלהים להושיע כל ענוי ארץ סלה׃

10 Sa pagkamatuod gayud ang kaligutgut sa tawo magadayeg kanimo: Ang nahabilin sa imong kaligutgut imong igabakus sa ibabaw nimo.

כי חמת אדם תודך שארית חמת תחגר׃

11 Manaad, ug mamayad kamo kang Jehova nga inyong Dios: Padad-a ug mga gasa kadtong tanan nga nanaglibut ngadto kaniya nga takus pagakahadlokan.

נדרו ושלמו ליהוה אלהיכם כל סביביו יובילו שי למורא׃

12 Pagaputlon niya ang espiritu sa mga principe: Siya mao ang gikalisangan sa mga hari sa yuta.

יבצר רוח נגידים נורא למלכי ארץ׃