Mga Salmo 6

1 Oh Jehova, ayaw ako pagbadlonga diha sa imong kapungot, Ni pagcastigohon mo ako diha sa imong mainit nga kaligutgut.

For the Leader; with string-music; on the Sheminith. A Psalm of David. O LORD, rebuke me not in Thine anger, neither chasten me in Thy wrath.

2 Malooy ikaw kanako, Oh Jehova; kay nalaya ako: Ayohon mo ako, Oh Jehova, kay ang akong mga bukog nangatay-og.

Be gracious unto me, O LORD, for I languish away; heal me, O LORD, for my bones are affrighted.

3 Ang akong kalag usab nagubot sa hilabihan gayud: Ug ikaw, Oh Jehova, hangtud ba anus-a?

My soul also is sore affrighted; and Thou, O LORD, how long?

4 Bumalik ka, Oh Jehova, luwasa ang akong kalag: Luwason mo ako tungod sa imong mahigugmaong-kalolot.

Return, O LORD, deliver my soul; save me for Thy mercy's sake.

5 Kay diha sa kamatayon walay paghandum mahitungod kanimo: Kinsa ba ang magapasalamat kanimo didto sa Sheol? (Sheol h7585)

For in death there is no remembrance of Thee; in the nether-world who will give Thee thanks? (Sheol h7585)

6 Gikapuyan na ako sa akong pagagulo: Sa matag-gabii ginapalunopan ko ang akong higdaanan; Ang akong kama ginabisibisan ko sa akong mga luha;

I am weary with my groaning; every night make I my bed to swim; I melt away my couch with my tears.

7 Ang akong mata namad-an na tungod sa kaguol; Nahalap kini tungod sa tanan ko nga mga kaaway.

Mine eye is dimmed because of vexation; it waxeth old because of all mine adversaries.

8 Pahalayo kanako, ngatanan kamo nga mamumuhat sa kasal-anan: Kay si Jehova nagpatalinghug sa tingog sa akong paghilak.

Depart from me, all ye workers of iniquity; for the LORD hath heard the voice of my weeping.

9 Si Jehova nagpatalinghug sa akong pagpangaliyupo; Si Jehova magadawat sa kong pag-ampo.

The LORD hath heard my supplication; the LORD receiveth my prayer.

10 Mangaulaw ug mangalisang sa hilabihan ang tanan ko nga mga kaaway: (Sila) motalikod, (sila) pagapakaulawan sa kalit gayud.

All mine enemies shall be ashamed and sore affrighted; they shall turn back, they shall be ashamed suddenly.