Mga Salmo 44

1 Oh Dios, sa among mga igdulngog nadungog namo, Ang among mga amahan nanagsugilon kanamo, Sa buhat nga gibuhat mo sa ilang mga adlaw, Niadtong karaang mga adlaw.

To the chief Musician for the sons of Korah, Maschil. We have heard with our ears, O God, our fathers have told us, what work thou didst in their days, in the times of old.

2 Ikaw sa imong kamot naghingilin sa mga nasud; Apan (sila) gipahamutang mo: Gisakit mo ang mga katawohan; Apan gipapatlaag mo (sila) sa halayong dapit.

How thou didst drive out the heathen with thy hand, and didst plant them; how thou didst afflict the people, and cast them out.

3 Kay (sila) wala makapanag-iya sa yuta pinaagi sa ilang kaugalingong pinuti, Ni sa ilang kaugalingong bukton nangaluwas (sila) Kondili sa imong toong kamot, ug sa imong bukton, ug sa kahayag sa imong nawong, Tungod kay nalooy ikaw kanila.

For they obtained not the land in possession by their own sword, neither did their own arm save them: but thy right hand, and thy arm, and the light of thy countenance, because thou hadst a favour to them.

4 Ikaw Oh Dios, mao ang akong Hari: Magsugo ka ug kaluwasan alang kang Jacob.

Thou art my King, O God: command deliverances for Jacob.

5 Pinaagi kanimo papahawaon namo ang among mga kabatok: Pinaagi sa imong ngalan among pagatumban ang mga nagatindog batok kanamo.

Through thee will we push down our enemies: through thy name we will tread them under that rise up against us.

6 Kay ako dili mosalig sa akong pana, Ni magaluwas kanako ang akong espada.

For I will not trust in my bow, neither shall my sword save me.

7 Apan ikaw nagluwas kanamo gikan sa among mga kabatok, Ug gipakaulawan mo (sila) ang mga nanagdumot kanamo.

But thou hast saved us from our enemies, and hast put them to shame that hated us.

8 Diha sa Dios anaa ang among pagpangandak sa tibook nga adlaw, Ug magahatag kami sa among mga pasalamat sa imong ngalan sa walay katapusan. (Selah)

In God we boast all the day long, and praise thy name for ever. (Selah)

9 Apan karon imong gisalikway kami, ug gidala mo kami ngadto sa kaulawan, Ug wala ka na mogula uban sa among kasundalohan.

But thou hast cast off, and put us to shame; and goest not forth with our armies.

10 Gipasibog mo kami gikan sa among kabatok; Ug kadtong nanagdumot kanamo nanagpangagaw gikan kanamo alang sa ilang kaugalingon.

Thou makest us to turn back from the enemy: and they who hate us have taken spoil for themselves.

11 Gibutang mo kami sama sa mga carnero nga gitagana alang sa pagkaon, Ug gipapatlaag mo kami sa taliwala sa mga nasud.

Thou hast given us like sheep appointed for food; and hast scattered us among the heathen.

12 Gibaligya mo ang imong katawohan sa walay bili, Ug wala madugangi ang imong bahandi tungod sa ilang bili.

Thou sellest thy people for nothing, and dost not increase thy wealth by their price.

13 Gibuhat mo kami ingon nga usa ka kaulawan sa among mga silingan, Usa ka yubitonon ug talamayon kanila nga nagalibut kanamo.

Thou makest us a reproach to our neighbours, a scorn and a derision to them that are around us.

14 Gihimo mo kami nga usa ka pagya sa taliwala sa mga nasud, Usa ka yango-yangoan sa ulo sa taliwala sa mga katawohan.

Thou makest us a by word among the heathen, a shaking of the head among the people.

15 Sa tibook nga adlaw ania ang akong kaulawan sa atubangan ko, Ug ang kaulaw sa akong nawong nagatabon kanako,

My confusion is continually before me, and the shame of my face hath covered me,

16 Tungod kay ang tingog niya nga nagatamay ug nagabalikas kanako, Pinaagi sa katarungan sa kaaway ug sa tigpapanimalus.

For the voice of him that reproacheth and blasphemeth; by reason of the enemy and avenger.

17 Kini ngatanan mingdangat sa ibabaw namo; bisan pa niini wala kami malimot kanimo, Ni maglapas kami sa imong tugon.

All this is come upon us; yet we have not forgotten thee, neither have we dealt falsely in thy covenant.

18 Ang among kasingkasing wala motalikod, Ni mosimang ang among mga lakang gikan sa imong dalan,

Our heart is not turned back, neither have our steps declined from thy way;

19 Nga bisan ikaw nagdugmok kanamo sa dapit sa mga irong-ihalas, Ug gitabonan mo kami sa landong sa kamatayon.

Though thou hast greatly broke us in the place of dragons, and covered us with the shadow of death.

20 Kong mahikalimot kami sa ngalan sa among Dios, Kun nabayaw ang among mga kamot sa lain nga dios;

If we have forgotten the name of our God, or stretched out our hands to a strange god;

21 Dili ba kami pagasusihon sa Dios? Kay siya nahibalo sa mga tinago sa kasingkasing.

Shall not God search out this? for he knoweth the secrets of the heart.

22 Oo, tungod kanimo gipamatay kami sa tibook nga adlaw; Ginaisip kami ingon sa mga carnero alang sa ihawan.

Yea, for thy sake are we killed all the day long; we are counted as sheep for the slaughter.

23 Pagmata, ngano nga nagakatulog ka, Oh Ginoo? Bumangon ka, ayaw kami pag-isalikway sa walay katapusan.

Awake, why sleepest thou, O Lord? arise, cast us not off for ever.

24 Ngano ba nga ginatagoan mo man ang imong nawong, Ug hingkalimtan mo ang among kasakit, ug ang among pagkadinaugdaug?

Why hidest thou thy face, and forgettest our affliction and our oppression?

25 Kay ang among kalag gipaumod ngadto sa abug: Ang among lawas nagatapot ngadto sa yuta.

For our soul is bowed down to the dust: our belly cleaveth to the earth.

26 Bumangon ka sa pagtabang q2 kanamo, Ug tubson mo kami tungod sa imong mahigugmaong-kalolot.

Arise for our help, and redeem us for thy mercies’ sake.