Mga Salmo 41
1 Bulahan siya nga nagapalandong sa mga kabus: Si Jehova magaluwas kaniya sa adlaw sa kadautan.
| למנצח מזמור לדוד ב אשרי משכיל אל-דל ביום רעה ימלטהו יהוה |
2 Si Jehova magabantay kaniya, ug magahatag kaniya ug kinabuhi, Ug mabulahan siya sa ibabaw sa yuta; Ug dili mo siya igatugyan sa kabubut-on sa iyang mga kaaway.
| יהוה ישמרהו ויחיהו--יאשר (ואשר) בארץ ואל-תתנהו בנפש איביו |
3 Si Jehova magapalig-on kaniya sa ibabaw sa higdaanan sa kasakit: Pagahumokon mo ang tibook niyang higdaanan diha sa iyang balatian.
| יהוה--יסעדנו על-ערש דוי כל-משכבו הפכת בחליו |
4 Ako miingon: Oh Jehova, malooy ka kanako: Ayuhon mo ang akong kalag; kay nakasala ako batok kanimo.
| אני-אמרתי יהוה חנני רפאה נפשי כי-חטאתי לך |
5 Ang akong mga kaaway nagapumulong ug dautan batok kanako, nga nagaingon: Anus-a ba siya mamatay, ug ma-hanaw ang iyang ngalan?
| אויבי--יאמרו רע לי מתי ימות ואבד שמו |
6 Ug kong siya moanhi sa pagpakigkita kanako, siya magasulti ug bakak; Ang iyang kasingkasing nagatigum ug kasal-anan alang sa iyang kaugalingon: Sa diha nga mopanaw siya sa halayong dapit, siya magasulti niana.
| ואם-בא לראות שוא ידבר--לבו יקבץ-און לו יצא לחוץ ידבר |
7 Ang tanan nga nanagdumot kanako, nanaglibak batok kanako sa tingub; Batok kanako nanaglalang (sila) alang sa akong kadautan.
| יחד--עלי יתלחשו כל-שנאי עלי--יחשבו רעה לי |
8 Ang usa ka mangil-ad nga sakit, matud nila, motakud kaniya; Ug karon nga siya nagahigda na, dili na siya makabalik sa pagbangon.
| דבר-בליעל יצוק בו ואשר שכב לא-יוסיף לקום |
9 Oo, ang akong suod nga higala, nga gisaligan ko, Nga nakakaon sa akong tinapay, Nag-alsa sa iyang tikod batok kanako.
| גם-איש שלומי אשר-בטחתי בו-- אוכל לחמי הגדיל עלי עקב |
10 Apan ikaw, Oh Jehova, malooy ka kanako, ug patindoga ako, Aron igabayad ko kanila ang balus.
| ואתה יהוה חנני והקימני ואשלמה להם |
11 Pinaagi niini maila ko nga ikaw nahamuot kanako, Tungod kay ang akong kaaway dili makadaug kanako.
| בזאת ידעתי כי-חפצת בי כי לא-יריע איבי עלי |
12 Ug mahitungod kanako, ikaw nagasagang sa akong pagkatarung, Ug nagapapuyo kanako sa atubangan sa imong nawong sa walay katapusan.
| ואני--בתמי תמכת בי ותציבני לפניך לעולם |
13 Bulahan si Jehova, ang Dios sa Israel, Gikan sa walay katapusan ngadto sa walay katapusan. Hinaut unta, ug Hinaut unta.
| ברוך יהוה אלהי ישראל--מהעולם ועד העולם אמן ואמן |
