Mga Salmo 33
1 Managkalipay kamo kang Jehova, Oh kamong mga matarung: Kay sa mga matul-id matahum ang pagdayeg.
| רננו צדיקים ביהוה לישרים נאוה תהלה |
2 Managpasalamat kamo kang Jehova nga adunay alpa: Manag-awit kamo ug mga pagdayeg kaniya nga adunay tulonggon nga may napulo ka kuldas.
| הודו ליהוה בכנור בנבל עשור זמרו-לו |
3 Manag-awit kamo haniya sa usa ka alawiton nga bag-o; Managtugtug kamo sa dakung kabatid uban sa usa ka makusog nga paningog.
| שירו-לו שיר חדש היטיבו נגן בתרועה |
4 Kay ang pulong ni Jehova matulid man; Ug ang tanan niya nga buhat sa pagkamatinumanon gibuhat.
| כי-ישר דבר-יהוה וכל-מעשהו באמונה |
5 Siya nahagugma sa pagkamatarung ug sa justicia: Ang yuta napuno sa mahigugmaong-kalolot ni Jehova.
| אהב צדקה ומשפט חסד יהוה מלאה הארץ |
6 Pinaagi sa pulong ni Jehova nabuhat ang mga langit, Ug ang tanan nga panon nila pinaagi sa gininhawa sa iyang baba.
| בדבר יהוה שמים נעשו וברוח פיו כל-צבאם |
7 Gitigum niya ingon sa usa ka pinundok ang mga tubig sa dagat: Gibutang niya ang mga kahiladman sulod sa mga dapa.
| כנס כנד מי הים נתן באוצרות תהומות |
8 Pahadloka kang Jehova ang tibook nga yuta: Patindoga nga may kataha kaniya ang tanang mga pumoluyo sa kalibutan.
| ייראו מיהוה כל-הארץ ממנו יגורו כל-ישבי תבל |
9 Kay siya misulti, ug kini nahimo; Siya misugo, ug kini milungtad.
| כי הוא אמר ויהי הוא-צוה ויעמד |
10 Gipawalay bili ni Jehova ang tambag sa mga nasud; Gihimo niya ang pagpakyas sa mga hunahuna sa katawohan.
| יהוה הפיר עצת-גוים הניא מחשבות עמים |
11 Ang tambag ni Jehova nagapadayon sa walay katapusan, Ang mga hunahuna sa iyang kasingkasing ngadto sa tanang mga kaliwatan.
| עצת יהוה לעולם תעמד מחשבות לבו לדר ודר |
12 Bulahan ang nasud nga si Jehova mao ang Dios, Ang katawohan nga gipili niya alang sa iyang kaugalingong panulondon.
| אשרי הגוי אשר-יהוה אלהיו העם בחר לנחלה לו |
13 Gikan sa langit nagsud-ong si Jehova; Nakita niya ang tanang mga anak sa mga tawo;
| משמים הביט יהוה ראה את-כל-בני האדם |
14 Gikan sa dapit sa iyang puloyanan nagasud-ong siya Sa ibabaw sa tanang mga pumoluyo sa yuta.
| ממכון-שבתו השגיח-- אל כל-ישבי הארץ |
15 Siya nga nagaumol sa kasingkasing nila ngatanan, Nga nagapalandong sa tanan nila nga mga buhat.
| היצר יחד לבם המבין אל-כל-מעשיהם |
16 Walay hari nga maluwas pinaagi sa panon sa kasundalohan: Ang tawong gamhanan dili makagawas pinaagi sa daku nga kusog.
| אין-המלך נושע ברב-חיל גבור לא-ינצל ברב-כח |
17 Usa ka butang nga kawang ang usa ka kabayo alang sa pagluwas; Pinaagi sa kadaku sa iyang gahum dili siya makaluwas kang bisan kinsa.
| שקר הסוס לתשועה וברב חילו לא ימלט |
18 Ania karon, ang mata ni Jehova anaa sa ibabaw sa mga nagakahadlok kaniya, Sa ibabaw sa mga nagasalig sa iyang mahigugmaong-kalolot;
| הנה עין יהוה אל-יראיו למיחלים לחסדו |
19 Aron sa pagluwas sa ilang kalag gikan sa kamatayon, Ug aron sa pagbantay kanila nga buhi sa panahon sa gutom.
| להציל ממות נפשם ולחיותם ברעב |
20 Ang among kalag nagahulat kang Jehova: Siya mao ang among katabang ug ang among taming.
| נפשנו חכתה ליהוה עזרנו ומגננו הוא |
21 Kay kaniya magakalipay ang among kasingkasing, Kay sa iyang balaan nga ngalan misalig kami.
| כי-בו ישמח לבנו כי בשם קדשו בטחנו |
22 Ibutang sa ibabaw namo ang imong mahigugmaong-kalolot, Oh Jehova, Sumala sa among paglaum kanimo.
| יהי-חסדך יהוה עלינו כאשר יחלנו לך |
