Mga Salmo 24

1 Iya ni Jehova ang yuta ug ang pagkapuno niana; Ang kalibutan, ug (sila) nga mga nanagpuyo niini;

大衛的詩。 地和其中所充滿的， 世界和住在其間的，都屬耶和華。

2 Kay siya ang nagtukod niana sa ibabaw sa kadagatan, Ug gipalig-on niya sa ibabaw sa katubigan.

他把地建立在海上， 安定在大水之上。

3 Kinsa ang mosaka ngadto sa bungtod ni Jehova? Ug kinsa ba ang motindog sa iyang dapit nga balaan?

誰能登耶和華的山？ 誰能站在他的聖所？

4 Siya nga malinis ug mga kamot ug may usa ka putli nga kasingkasing; Siya nga wala magbayaw sa iyang kalag ngadto sa kabakakan, Ug wala makapanumpa sa malimbongon.

就是手潔心清，不向虛妄， 起誓不懷詭詐的人。

5 Siya magadawat ug panalangin gikan kang Jehova, Ug pagkamatarung gikan sa Dios sa iyang kaluwasan.

他必蒙耶和華賜福， 又蒙救他的上帝使他成義。

6 Kini mao ang kaliwatan kanila nga nanagpangita kaniya, Nga nagapangita sa imong nawong, bisan si Jacob. (Selah)

這是尋求耶和華的族類， 是尋求你面的雅各。 (細拉)

7 Sakwata ninyo, Oh mga ganghaan, ang inyong mga ulo; Ug sakwata ninyo ang inyong kaugalingon, mga pultahan nga walay katapusan: Ug ang Hari sa himaya mosulod.

眾城門哪，你們要抬起頭來！ 永久的門戶，你們要被舉起！ 那榮耀的王將要進來！

8 Kinsa ba kining Hari sa himaya? Si Jehova ang kusgan ug makagagahum, Si Jehova ang makagagahum sa panggubatan.

榮耀的王是誰呢？ 就是有力有能的耶和華， 在戰場上有能的耶和華！

9 Sakwata ninyo, Oh mga ganghaan, ang inyong mga ulo; Oo, sakwata ninyo (sila) kamong mga pultahan nga walay katapusan: Ug ang Hari sa himaya mosulod.

眾城門哪，你們要抬起頭來！ 永久的門戶，你們要把頭抬起！ 那榮耀的王將要進來！

10 Kinsa ba kining Hari sa himaya? Si Jehova sa mga panon, Siya mao ang Hari sa himaya (Selah)

榮耀的王是誰呢？ 萬軍之耶和華， 他是榮耀的王！ (細拉)