Mga Salmo 23

1 Si Jehova mao ang akong magbalantay; Walay makulang kanako.

Jehovah is my shepherd, I shall not want.

2 Siya nagapahigda kanako sa mga sibsibanan nga malunhaw; Siya nagatultol kanako sa daplin sa mga tubig nga malinaw.

He makes me to lie down in green pastures. He leads me beside still waters.

3 Gipalig-on niya ang akong kalag: Ginamandoan niya ako sa mga dalan sa pagkamatarung tungod sa iyang ngalan.

He restores my soul. He guides me in the paths of righteousness for his name's sake.

4 Oo, bisan magalakaw ako latas sa walog sa landong sa kamatayon, Ako walay kahadlok sa bisan unsa nga dautan; Kay ikaw nagauban kanako; Ang imong baras ug ang imong sungkod, kini nagapalig-on kanako.

Yea, tho I walk through the valley of the shadow of death, I will fear no evil, for thou are with me, thy rod and thy staff, they comfort me.

5 Ikaw nagaandam ug pagkaon sa atubangan ko tinambongan sa akong mga kaaway: Gidihog mo ang akong ulo sa lana; Ang akong copa nagaawas.

Thou prepare a table before me in the presence of my enemies. Thou have anointed my head with oil. My cup runs over.

6 Sa pagkamatuod ang kaayo ug ang mahigugmaong-kalolot magasunod kanako sa adlaw ngatanan sa akong kinabuhi; Ug sa balay ni Jehova magapuyo ako sa walay katapusan.

Surely goodness and loving kindness shall follow me all the days of my life, and I shall dwell in the house of Jehovah forever.