Mga Salmo 148
1 Dayegon ninyo si Jehova. Dayegon ninyo si Jehova gikan sa kalangitan: Dayegon ninyo siya diha sa mga kahitas-an.
| הללו יה הללו את יהוה מן השמים הללוהו במרומים׃ |
2 Dayegon ninyo siya, kamong tanang mga manolonda: Dayegon ninyo siya, kamong tanang mga panon niya.
| הללוהו כל מלאכיו הללוהו כל צבאו׃ |
3 Dayegon ninyo siya, adlaw ug bulan: Dayegon ninyo siya, kamong tanang kabitoonan sa kahayag.
| הללוהו שמש וירח הללוהו כל כוכבי אור׃ |
4 Dayegon ninyo siya, kamong mga langit sa kalangitan, Ug kamong katubigan nga anaa sa ibabaw sa kalangitan.
| הללוהו שמי השמים והמים אשר מעל השמים׃ |
5 Ipapagdayeg kanila ang ngalan ni Jehova; Kay siya nagsugo, ug (sila) nangahimo.
| יהללו את שם יהוה כי הוא צוה ונבראו׃ |
6 Iya usab nga gitukod (sila) hangtud sa mga katuigan nga walay katapusan: Gibuhat niya ang usa ka pahibalo nga dili mahanaw.
| ויעמידם לעד לעולם חק נתן ולא יעבור׃ |
7 Dayega si Jehova gikan sa yuta Kamong mga mananap sa dagat, ug ngatanan kamong mga kahiladman;
| הללו את יהוה מן הארץ תנינים וכל תהמות׃ |
8 Kalayo ug ulan-nga-yelo, nieve ug inalisngaw; Hangin sa bagyo, nga nagatuman sa iyang pulong;
| אש וברד שלג וקיטור רוח סערה עשה דברו׃ |
9 Kabukiran ug tanang kabungtoran; Mga mabungaong kahoy ug tanang mga cedro;
| ההרים וכל גבעות עץ פרי וכל ארזים׃ |
10 Kamananapan ug tanang kahayupan; Mga butang nanagkamang ug nanaglupad nga kalanggaman;
| החיה וכל בהמה רמש וצפור כנף׃ |
11 Mga hari sa yuta ug tanan nga mga katawohan; Mga principe ug tanang mga maghuhukom sa yuta;
| מלכי ארץ וכל לאמים שרים וכל שפטי ארץ׃ |
12 Mga batan-ong lalake ug mga ulay; Mga tigulang ug kabataan:
| בחורים וגם בתולות זקנים עם נערים׃ |
13 Ipapagdayeg kanila ang ngalan ni Jehova; Kay ang iyang ngalan lamang mao ang gibayaw; Ang iyang himaya maoy labaw sa yuta ug sa kalangitan.
| יהללו את שם יהוה כי נשגב שמו לבדו הודו על ארץ ושמים׃ |
14 Ug ginabayaw niya ang sungay sa iyang katawohan, Ang pagdayeg sa tanan niyang mga balaan; Bisan sa mga anak sa Israel, ang katawohan nga haduol kaniya. Dayegon ninyo si Jehova.
| וירם קרן לעמו תהלה לכל חסידיו לבני ישראל עם קרבו הללו יה׃ |
