Mga Salmo 148

1 Dayegon ninyo si Jehova. Dayegon ninyo si Jehova gikan sa kalangitan: Dayegon ninyo siya diha sa mga kahitas-an.

Hallelujah! Praise Jehovah from the heavens; praise him in the heights.

2 Dayegon ninyo siya, kamong tanang mga manolonda: Dayegon ninyo siya, kamong tanang mga panon niya.

Praise ye him, all his angels; praise ye him, all his hosts.

3 Dayegon ninyo siya, adlaw ug bulan: Dayegon ninyo siya, kamong tanang kabitoonan sa kahayag.

Praise him, sun and moon; praise him, all ye stars of light.

4 Dayegon ninyo siya, kamong mga langit sa kalangitan, Ug kamong katubigan nga anaa sa ibabaw sa kalangitan.

Praise him, ye heavens of heavens, and ye waters that are above the heavens.

5 Ipapagdayeg kanila ang ngalan ni Jehova; Kay siya nagsugo, ug (sila) nangahimo.

Let them praise the name of Jehovah, for he it is that commanded, and they were created:

6 Iya usab nga gitukod (sila) hangtud sa mga katuigan nga walay katapusan: Gibuhat niya ang usa ka pahibalo nga dili mahanaw.

And he established them for ever and ever; he made [for them] a statute which shall not pass.

7 Dayega si Jehova gikan sa yuta Kamong mga mananap sa dagat, ug ngatanan kamong mga kahiladman;

Praise Jehovah from the earth, ye sea-monsters, and all deeps;

8 Kalayo ug ulan-nga-yelo, nieve ug inalisngaw; Hangin sa bagyo, nga nagatuman sa iyang pulong;

Fire and hail, snow and vapour, stormy wind fulfilling his word;

9 Kabukiran ug tanang kabungtoran; Mga mabungaong kahoy ug tanang mga cedro;

Mountains and all hills, fruit-trees and all cedars;

10 Kamananapan ug tanang kahayupan; Mga butang nanagkamang ug nanaglupad nga kalanggaman;

Beasts and all cattle, creeping things and winged fowl;

11 Mga hari sa yuta ug tanan nga mga katawohan; Mga principe ug tanang mga maghuhukom sa yuta;

Kings of the earth and all peoples, princes and all judges of the earth;

12 Mga batan-ong lalake ug mga ulay; Mga tigulang ug kabataan:

Both young men and maidens, old men with youths, —

13 Ipapagdayeg kanila ang ngalan ni Jehova; Kay ang iyang ngalan lamang mao ang gibayaw; Ang iyang himaya maoy labaw sa yuta ug sa kalangitan.

Let them praise the name of Jehovah: for his name alone is exalted; his majesty is above the earth and the heavens.

14 Ug ginabayaw niya ang sungay sa iyang katawohan, Ang pagdayeg sa tanan niyang mga balaan; Bisan sa mga anak sa Israel, ang katawohan nga haduol kaniya. Dayegon ninyo si Jehova.

And he hath lifted up the horn of his people, the praise of all his saints, [even] of the children of Israel, a people near unto him. Hallelujah!