Mga Salmo 145
1 Pagadayegon ko ikaw, Dios ko, Oh Hari; Ug pagadayegon ko ang imong ngalan hangtud sa mga katuigan nga walay katapusan.
| תהלה לדוד ארוממך אלוהי המלך ואברכה שמך לעולם ועד |
2 Sa matag-adlaw pagadayegon ko ikaw; Ug magadayeg ako sa imong ngalan hangtud sa mga katuigan nga walay katapusan.
| בכל-יום אברכך ואהללה שמך לעולם ועד |
3 Daku man si Jehova, ug takus gayud nga pagadayegon; Ug ang iyang pagkadaku dili gayud matukib.
| גדול יהוה ומהלל מאד ולגדלתו אין חקר |
4 Ang imong mga buhat igasugid nga may pagdayeg sa mga kaliwatan ngadto sa mga kaliwatan, Ug magamantala sa imong mga gamhanang buhat.
| דור לדור ישבח מעשיך וגבורתיך יגידו |
5 Mahitungod sa katahum sa himaya sa imong pagkahalangdon, Ug sa imong mga buhat nga kahibulongan, magapalandong ako.
| הדר כבוד הודך-- ודברי נפלאתיך אשיחה |
6 Ug ang kagahum sa imong makalilisang nga mga buhat pagasultihan sa mga tawo; Ug igapahayag ko ang imong pagkagamhanan.
| ועזוז נוראתיך יאמרו וגדלותיך (וגדלתך) אספרנה |
7 Ilang pagahisgutan ang handumanan sa imong dakung kaayohan, Ug manag-awit sa imong pagkamatarung.
| זכר רב-טובך יביעו וצדקתך ירננו |
8 Puno sa gracia ug maloloy-on si Jehova; Mahinay sa pagkasuko, ug daku sa mahigugmaong-kalolot.
| חנון ורחום יהוה ארך אפים וגדל-חסד |
9 Si Jehova maayo sa ngatanan; Ug ang iyang mga malomong kalooy anaa sa ibabaw sa tanan niyang mga buhat.
| טוב-יהוה לכל ורחמיו על-כל-מעשיו |
10 Ang tanan mong mga buhat managpasalamat kanimo, Oh Jehova; Ug ang imong mga balaan managdayeg kanimo.
| יודוך יהוה כל-מעשיך וחסידיך יברכוכה |
11 (Sila) managsulti mahitungod sa himaya sa imong gingharian, Ug managhisgut mahitungod sa imong gahum;
| כבוד מלכותך יאמרו וגבורתך ידברו |
12 Aron nga ang imong mga buhat nga gamhanan igapadayag ngadto sa mga anak sa mga tawo, Ug ang himaya sa pagkahalangdon sa iyang gingharian.
| להודיע לבני האדם--גבורתיו וכבוד הדר מלכותו |
13 Ang imong gingharian maoy gingharian nga walay katapusan, Ug ang imong ginsakpan magapadayon ngadto sa tanang mga kaliwatan.
| מלכותך מלכות כל-עלמים וממשלתך בכל-דור ודר |
14 Si Jehova magasapnay niadtong tanang mga nangapukan, Ug magabangon niadtong tanang mga nanghiumod.
| סומך יהוה לכל-הנפלים וזוקף לכל-הכפופים |
15 Ang mga mata sa ngatanan nagahulat kanimo; Ug ginahatagan mo (sila) sa ilang makaon sa matag-panahon.
| עיני-כל אליך ישברו ואתה נותן-להם את-אכלם בעתו |
16 Imong ginabuklad ang imong kamot, Ug ginatagbaw mo ang tinguha sa tagsatagsa ka butang nga buhi.
| פותח את-ידך ומשביע לכל-חי רצון |
17 Si Jehova maoy matarung sa tanan niyang mga paagi, Ug puno sa gracia sa tanan niyang mga buhat.
| צדיק יהוה בכל-דרכיו וחסיד בכל-מעשיו |
18 Si Jehova haduol kanilang tanan nga nanagsangpit kaniya, Sa tanan nga nanagsangpit kaniya sa kamatuoran.
| קרוב יהוה לכל-קראיו-- לכל אשר יקראהו באמת |
19 Pagatumanon niya ang tinguha niadtong mga may kahadlok kaniya; Pagapatalinghugan niya usab ang ilang pagtu-aw ug (sila) pagaluwason niya.
| רצון-יראיו יעשה ואת-שועתם ישמע ויושיעם |
20 Pagabantayan ni Jehova ang tanan kanila nga nahagugma kaniya; Apan ang tanang mga dautan iyang pagalaglagon.
| שומר יהוה את-כל-אהביו ואת כל-הרשעים ישמיד |
21 Ang akong baba magasulti sa pagdayeg kang Jehova; Ug ipapagdayeg sa tanan nga unod ang iyang balaan nga ngalan hangtud sa mga katuigan nga walay katapusan.
| תהלת יהוה ידבר-פי ויברך כל-בשר שם קדשו--לעולם ועד |
