Mga Salmo 130

1 Gikan sa mga kahiladman, nagtuaw ako kanimo, Oh Jehova.

Out of the depths I have cried to thee, O Jehovah.

2 Ginoo, patalinghugi ang akong tingog: Papatalinghugi sa imong mga igdulungog Ang tingog sa akong mga pagpangaliyupo.

Lord, hear my voice. Let thine ears be attentive to the voice of my supplications.

3 Kong ikaw, Jehova, magatimaan pa unta sa mga kasal-anan, Oh Ginoo, kinsa ba ang arang makabarug?

If thou, Jehovah, should note iniquities, O Lord, who could stand?

4 Apan adunay pagpasaylo diha kanimo, Aron ikaw takus gayud nga kahadlokan.

But there is forgiveness with thee, that thou may be feared.

5 Nagahulat ako kang Jehova, ang akong kalag nagahulat, Ug sa iyang pulong milaum ako.

I wait for Jehovah. My soul waits, and in his word do I hope,

6 Ang akong kalag nagahulat sa Ginoo Labaw niadtong mga magbalantay nga nanagpaabut sa kabuntagon; Oo, labaw kay sa mga tawong-magbalantay nga nagapaabut sa kabuntagon.

my soul for the Lord more than watchmen for the morning, watchmen for the morning.

7 Oh Israel, lumaum ka kang Jehova; Kay kang Jehova anaa ang mahigugmaong-kalolot, Ug kaniya anaa ang madagayaong pagtubos.

O Israel, hope in Jehovah, for with Jehovah there is loving kindness, and with him is plentiful redemption.

8 Ug siya magatubos sa Israel Gikan sa tanan niyang mga kasal-anan.

And he will redeem Israel from all his iniquities.