Mga Salmo 13

1 Hangtud anus-a ba, Oh Jehova? hikalimtan mo ako sa walay katapusan? Hantud anus-a ba pagatagoon mo ang imong nawong gikan kanako?

How long will you forget me, O LORD? for ever? how long will you hide your face from me?

2 Hangtud anus-a ba magapakitambag ako sa akong kalag, Nga adunay kaguol sa akong kasingkasing sa tibook nga adlaw? Hangtud anus-a ba pagabayawon ang akong kaaway sa ibabaw nako?

How long shall I take counsel in my soul, having sorrow in my heart daily? how long shall mine enemy be exalted over me?

3 Palandunga, ug tubaga ako, Oh Jehova nga Dios ko: Hayagan mo ang akong mga mata, kay tingali unya mahikatulog ako sa paghikatulog nga sa kamatayon;

Consider and hear me, O LORD my God: lighten mine eyes, lest I sleep the sleep of death;

4 Aron dili magaingon ang akong kaaway. Gidaug ko siya; Tingali unya ang akong mga kabatok managkalipay sa diha nga matarug ako.

Lest mine enemy say, I have prevailed against him; and those that trouble me rejoice when I am moved.

5 Apan sa imong mahigugmaong-kalolot misalig ako; Ang akong kasingkasing magakalipay sa imong kaluwasan.

But I have trusted in your mercy; my heart shall rejoice in your salvation.

6 Magaawit ako kang Jehova, Tungod kay nagatagad siya kanako sa madagayaon gayud.

I will sing unto the LORD, because he has dealt bountifully with me.