Mga Salmo 126

1 Sa gipabalik na ni Jehova (sila) nga mingpauli ngadto sa Sion, Nanghisama kami kanila nga nanagdamgo.

A Song of degrees. When Jehovah turned the captivity of Zion, we were like them that dream.

2 Unya ang among mga baba nangapuno sa pagkatawa, Ug ang among mga dila nangapuno sa pag-awit: Unya gipamulong nila sa taliwala sa mga nasud, Si Jehova nagbuhat sa dagkung mga butang alang kanila.

Then was our mouth filled with laughter, and our tongue with rejoicing: then said they among the nations, Jehovah hath done great things for them.

3 Si Jehova nagbuhat sa mga dagkung butang alang kanamo, Nga niini napuno kami sa kalipay.

Jehovah hath done great things for us; [and] we are joyful.

4 Papahaulii ang pagkabinihag namo, Oh Jehova, Ingon sa mga sapa sa Habagatan.

Turn our captivity, O Jehovah, as the streams in the south.

5 (Sila) nga nanagpugas ug mga luha magaani sa kalipay.

They that sow in tears shall reap with rejoicing:

6 Siya nga magalakaw ug magahilak, dinala ang binhi nga igpupugas, Sa walay duhaduha mobalik siya nga may kalipay, nga magadala uban sa iyang mga binangan nga humay.

He goeth forth and weepeth, bearing seed for scattering; he cometh again with rejoicing, bearing his sheaves.