Mga Salmo 124

1 Kong dili pa si Jehova maoy kakapig namo, Ipasulti sa Israel karon,

שיר המעלות לדוד לולי יהוה שהיה לנו יאמר נא ישראל׃

2 Kong dili pa si Jehova maoy kadapig namo, Sa diha nga ming-alsa ang mga tawo batok kanamo;

לולי יהוה שהיה לנו בקום עלינו אדם׃

3 Nan (sila) minglamoy na unta kanamo nga mga buhi, Sa diha nga misilaub ang ilang kaligutgut batok kanamo:

אזי חיים בלעונו בחרות אפם בנו׃

4 Nan minglunop na unta kanamo ang mga tubig, Ang baha mibanlas na unta ibabaw sa among kalag;

אזי המים שטפונו נחלה עבר על נפשנו׃

5 Nan mingsalanap na unta sa ibabaw sa among kalag ang mga tubig nga palabilabihon.

אזי עבר על נפשנו המים הזידונים׃

6 Dalayegon si Jehova, Nga wala magtugyan kanamo ingon nga tulokbonon ngadto sa ilang mga ngipon.

ברוך יהוה שלא נתננו טרף לשניהם׃

7 Ang among kalag giluwas ingon sa langgam nga gikan sa lit-ag sa mga mangangayam: Ang lit-ag nabungkag, ug kami gipalingkawas.

נפשנו כצפור נמלטה מפח יוקשים הפח נשבר ואנחנו נמלטנו׃

8 Ang among tabang anaa sa ngalan ni Jehova, Nga nagbuhat sa langit ug sa yuta.

עזרנו בשם יהוה עשה שמים וארץ׃