Mga Salmo 120

1 Sa akong kalisdanan mitu-aw ako kang Jehova, Ug iyang gitubag ako.

שיר המעלות אל-יהוה בצרתה לי-- קראתי ויענני

2 Luwasa ang akong kalag, Oh Jehova, gikan sa mga ngabil nga bakakon, Ug gikan sa dila nga malimbongon

יהוה--הצילה נפשי משפת-שקר מלשון רמיה

3 Unsa ba ang igahatag kanimo, ug unsa ba ang dugang nga pagabuhaton kanimo, Ikaw dila nga malimbongon?

מה-יתן לך ומה-יסיף לך-- לשון רמיה

4 Mga mahait nga udyong sa gamhanan, Nga adunay mga baga sa enebro.

חצי גבור שנונים עם גחלי רתמים

5 Alaut ako, nga milangyaw ako sa Mesech, Nga nagapuyo ako sa mga balong-balong sa Kedar!

אויה-לי כי-גרתי משך שכנתי עם-אהלי קדר

6 Dugay na nga nagpuyo ang akong kalag Uban kaniya nga nagadumot sa pakigdait.

רבת שכנה-לה נפשי-- עם שונא שלום

7 Ako uyon sa pakigdait: Apan kong ako mosulti, (sila) alang sa pakiggubat.

אני-שלום וכי אדבר המה למלחמה