Mga Salmo 112

1 Dayegon ninyo si Jehova. Bulahan ang tawo nga may kahadlok kang Jehova, Nga diha sa iyang mga sugo nagakalipay sa hilabihan gayud.

הללו יה אשרי איש ירא את יהוה במצותיו חפץ מאד׃

2 Ang iyang kaliwat mahimong gamhanan sa ibabaw sa yuta: Mahimong bulahan ang kaliwatan sa mga matul-id.

גבור בארץ יהיה זרעו דור ישרים יברך׃

3 Mga bahandi ug katigayonan maoy anaa sa iyang balay; Ug ang iyang pagkamatarung molungtad sa walay katapusan.

הון ועשר בביתו וצדקתו עמדת לעד׃

4 Sa mga matul-id mohayag ang suga taliwala sa kangitngitan: Siya puno sa gracia, ug maloloy-on ug matarung.

זרח בחשך אור לישרים חנון ורחום וצדיק׃

5 Maayo alang sa tawo nga magapakita ug kalooy ug magapahulam; Siya magapalig-on sa iyang katungod diha sa paghukom.

טוב איש חונן ומלוה יכלכל דבריו במשפט׃

6 Kay siya dili gayud matrug; Ang mga matarung pagahandumon sa walay katapusan.

כי לעולם לא ימוט לזכר עולם יהיה צדיק׃

7 Siya dili mahadlok sa mga balita nga dautan: Ang iyang kasingkasing malig-on, nga nagasalig kang Jehova.

משמועה רעה לא יירא נכון לבו בטח ביהוה׃

8 Malig-on ang iyang kasingkasing, siya dili mahadlok, hangtud nga makita niya ang iyang tinguha ibabaw sa iyang mga kabatok.

סמוך לבו לא יירא עד אשר יראה בצריו׃

9 Nagasabwag siya, nagahatag siya sa mga hangul; Ang iyang pagkamatarung nagalungtad sa walay katapusan: Ang iyang sungay pagabayawon uban ang kadungganan.

פזר נתן לאביונים צדקתו עמדת לעד קרנו תרום בכבוד׃

10 Ang tawong dautan makakita niini, ug maguol; Magapakagut siya sa iyang mga ngipon, ug dayong kawagtang: Mangahanaw ang tinguha sa mga dautan.

רשע יראה וכעס שניו יחרק ונמס תאות רשעים תאבד׃