Mga Salmo 112
1 Dayegon ninyo si Jehova. Bulahan ang tawo nga may kahadlok kang Jehova, Nga diha sa iyang mga sugo nagakalipay sa hilabihan gayud.
Hallelujah. Happy are those who fear the Lord, and greatly delight in his commandments.
2 Ang iyang kaliwat mahimong gamhanan sa ibabaw sa yuta: Mahimong bulahan ang kaliwatan sa mga matul-id.
Mighty on earth shall be their seed; a blessing shall rest on the race of the upright.
3 Mga bahandi ug katigayonan maoy anaa sa iyang balay; Ug ang iyang pagkamatarung molungtad sa walay katapusan.
Wealth and riches are in their houses, their prosperity stands forever.
4 Sa mga matul-id mohayag ang suga taliwala sa kangitngitan: Siya puno sa gracia, ug maloloy-on ug matarung.
To the upright arises light in the darkness; full of favour and pity and kindness are they.
5 Maayo alang sa tawo nga magapakita ug kalooy ug magapahulam; Siya magapalig-on sa iyang katungod diha sa paghukom.
It is well with those who show pity and lend, who support all their affairs upon justice.
6 Kay siya dili gayud matrug; Ang mga matarung pagahandumon sa walay katapusan.
For they will never be shaken; the just will be forever remembered.
7 Siya dili mahadlok sa mga balita nga dautan: Ang iyang kasingkasing malig-on, nga nagasalig kang Jehova.
They will not be afraid of evil tidings, with steady heart they trust the Lord.
8 Malig-on ang iyang kasingkasing, siya dili mahadlok, hangtud nga makita niya ang iyang tinguha ibabaw sa iyang mga kabatok.
Their heart is firm and unafraid: they know they will feast their eyes on their enemies.
9 Nagasabwag siya, nagahatag siya sa mga hangul; Ang iyang pagkamatarung nagalungtad sa walay katapusan: Ang iyang sungay pagabayawon uban ang kadungganan.
With lavish hands they give to the poor, and their prosperity stands forever. They are lifted to heights of triumph and honour.
10 Ang tawong dautan makakita niini, ug maguol; Magapakagut siya sa iyang mga ngipon, ug dayong kawagtang: Mangahanaw ang tinguha sa mga dautan.
The sight of them fills the wicked with anger: grinding their teeth with despair. The hopes of the wicked will come to nothing.
