Mga Salmo 111

1 Dayegon ninyo si Jehova. Magapasalamat ako kang Jehova sa bug-os ko nga kasingkasing, Diha sa pagkatigum sa mga tawong matul-id ug sa katilingban.

Alleluja. [Confitebor tibi, Domine, in toto corde meo, in consilio justorum, et congregatione.

2 Dagku ang mga buhat ni Jehova, Ginapangita sa tanang mga nahamuot kanila.

Magna opera Domini: exquisita in omnes voluntates ejus.

3 Dungganon ug halangdon ang iyang buhat; Ug ang iyang pagkamatarung nagalungtad sa walay katapusan.

Confessio et magnificentia opus ejus, et justitia ejus manet in sæculum sæculi.

4 Iyang gihimo ang iyang mga buhat nga katingalahan nga pagahandumon: Puno sa gracia ug maloloy-on si Jehova.

Memoriam fecit mirabilium suorum, misericors et miserator Dominus.

5 Nagahatag siya ug makaon kanila nga may kahadlok kaniya: Sa gihapon siya mahinumdum sa iyang tugon.

Escam dedit timentibus se; memor erit in sæculum testamenti sui.

6 Ang gahum sa iyang mga buhat gipakita niya sa iyang katawohan, Sa paghatag kanila sa panulondon sa mga nasud.

Virtutem operum suorum annuntiabit populo suo,

7 Ang mga buhat sa iyang mga kamot mao ang kamatuoran ug ang justicia; Kalauman ang tanan niyang mga lagda.

ut det illis hæreditatem gentium. Opera manuum ejus veritas et judicium.

8 Napamatud-an (sila) sa gihapon nga sa walay katapusan; Nabuhat (sila) sa kamatuoran ug sa katul-iran.

Fidelia omnia mandata ejus, confirmata in sæculum sæculi, facta in veritate et æquitate.

9 Gipadala niya ang pagtubos sa iyang katawohan; Nagsugo siya sa iyang tugon sa walay katapusan: Balaan ug talahuron ang iyang ngalan.

Redemptionem misit populo suo; mandavit in æternum testamentum suum. Sanctum et terribile nomen ejus.

10 Ang pagkahadlok kang Jehova mao ang sinugdanan sa kaalam; Ang tanan nga nanagtuman sa iyang mga sugo adunay maayong salabutan: Ang iyang pagdayeg nagapadayon sa walay katapusan.

Initium sapientiæ timor Domini; intellectus bonus omnibus facientibus eum: laudatio ejus manet in sæculum sæculi.]