Panultihon 24

1 Dili ka masina sa mga dautang tawo; Ni magtinguha ka sa pagpakiguban kanila:

Be not thou envious against evil men, nor desire to be with them.

2 Kay ang ilang kasingkasing magatoon sa pagdaugdaug, Ug ang ilang mga ngabil magapamulong sa dautang buhat.

For their heart meditates oppression, and their lips talk of mischief.

3 Pinaagi sa kaalam natukod ang usa ka balay; Ug pinaagi sa salabutan kini nalig-on;

Through wisdom a house is built, and by understanding it is established,

4 Ug pinaagi sa kahibalo nangapuno ang mga lawak Sa tanang mga bililhon ug makalilipay nga mga bahandi.

and by knowledge the chambers are filled with all precious and pleasant riches.

5 Ang usa ka tawo nga manggialamon kusganon man; Oo, ang usa ka tawo sa kahibalo magauswag sa kagahum.

A wise man is strong, yea, a man of knowledge increases might.

6 Kay pinaagi sa maalamon nga pagmando ikaw magahimo sa imong gubat; Ug diha sa panon sa mga magtatambag walay kapildihan.

For by wise guidance thou shall make thy war, and in the multitude of counselors there is safety.

7 Ang kaalam hataas ra kaayo alang sa usa ka buang: Siya dili makabuka sa iyang baba diha sa ganghaan.

Wisdom is too high for a fool. He opens not his mouth in the gate.

8 Siya nga magalalang sa pagbuhat ug dautan, Ang mga tawo magatawag kaniya nga usa ka mamumuhat sa kadautan.

He who devises to do evil, men shall call him a mischief-maker.

9 Ang hunahuna nga binuang sala man; Ug ang mayubiton maoy usa ka dulumtanan sa mga tawo.

The thought of folly is sin. And the scoffer is an abomination to men.

10 Kong ikaw punawan sa adlaw sa kalisdanan, Ang imong kusog diyutay ra.

If thou faint in the day of adversity, thy strength is small.

11 Luwason mo kadtong nangadala ngadto sa kamatayon, Ug kadtong mga naandam naaron pagapatyon tan-awa nga sila imong magunitan.

Deliver those who are carried away to death, and hold thou back those who are ready to be slain.

12 Kong ikaw moingon: Ania karon, wala kami manghibalo niini; Wala ba siya nga nagatimbang sa mga kasingkasing magahunahuna niini? Ug siya nga nagabantay sa imong kalag, wala ba siya mahibalo niini? Ug wala ba siya magabalus sa tagsatagsa ka tawo sumala sa iyang buhat?

If thou say, Behold, we did not know this, Does not he who weighs the hearts consider it? And he who keeps thy soul, does he not know it? And shall not he render to every man according to his work?

13 Anak ko, kumaon ka ug dugos, kay kini maayo; Ug ang mga tinulo sa udlan, nga mga matam-is sa imong pagtilaw:

My son, eat thou honey, for it is good, and the droppings of the honeycomb, which are sweet to thy taste,

14 Sa ingon niini ikaw mahibalo ug kaalam nga modangat sa imong kalag; Kong ikaw makakaplag niini, nan adunay usa ka balus, Ug ang imong paglaum dili makawang.

so the knowledge of wisdom is to thy soul. If thou have found it, then there shall be a reward, and thy hope shall not be cut off.

15 Ayaw pagbanhig, Oh dautan nga tawo, batok sa puloy-anan sa matarung; Ayaw paggun-oba ang iyang dapit nga pahulayan:

Lay not in wait, O wicked man, against the habitation of the righteous. Do not destroy his resting place.

16 Kay ang usa ka matarung nga tawo mapukan sa makapito, ug mobangon pag-usab; Apan ang dautan ginalaglag pinaagi sa pagkaalaut.

For a righteous man falls seven times, and rises up again, but the wicked are overthrown by calamity.

17 Ayaw pag-ikalipay kong ang imong kaaway mapukan, Ug ayaw papagmayaa ang imong kasingkasing kong siya mapukan,

Rejoice not when thine enemy falls, and let not thy heart be glad when he is overthrown,

18 Tingali unya si Jehova makakita niini, ug kini dili makapahimuot kaniya, Ug ipaiway niya ang iyang kasuko gikan kaniya.

lest Jehovah see it, and it displease him, and he turn away his wrath from him.

19 Ayaw ikasubo sa imong kaugalingon tungod sa mga mamumuhat sa kadautan; Ni masina ka sa dautan:

Fret not thyself because of evildoers, nor be thou envious at the wicked.

20 Kay walay igabalus sa dautan nga tawo; Ang lamparahan sa dautan pagapalongon.

For there shall be no reward to the evil man. The lamp of the wicked shall be put out.

21 Anak ko, kahadlokan mo si Jehova ug ang hari; Ug ayaw pagkuyog kanila nga mabalhin-balhinon:

My son, fear thou Jehovah and the king, and do not associate with those who are given to change.

22 Kay ang ilang kagul-anan modangat sa hinanali; Ug ang pagkalaglag gikan kanilang duruha, kinsay mahibalo niini?

For their calamity shall rise suddenly, and the destruction from them both, who knows it?

23 Kini usab maoy mga sanglitanan sa manggialamon. Ang may pagkapinalabi sa mga tawo diha sa paghukom dili maayo.

These also are from the wise: To have respect of persons in judgment is not good.

24 Siya nga magaingon sa dautan: Ikaw matarung, Ang mga katawohan magatunglo kaniya, ang mga nasud pagalud-on kaniya;

He who says to a wicked man, Thou are righteous, peoples shall curse him, nations shall abhor him.

25 Apan kanila nga magabadlong kaniya magakalipay, Ug ang usa ka maayong panalangin moabut kanila.

But to those who rebuke him shall be delight, and a good blessing shall come upon them.

26 Siya magahalok sa mga ngabil Niadtong nagahatag ug usa ka q2 matarung nga tubag.

He who gives a right answer kisses the lips.

27 Hikaya ang imong buhat sa gawas, Ug andama kini alang kanimo diha sa uma; Ug sa human niini tukora ang imong balay.

Prepare thy work outside, and make it ready for thee in the field, and afterwards build thy house.

28 Dili ka magsaksi batok sa imong isigkatawo sa walay gipasikaran; Ug dili ka maglimbong uban sa imong mga ngabil.

Be not a witness against thy neighbor without cause, and deceive not with thy lips.

29 Ayaw pag-ingon: Buhaton ko kaniya ingon sa iyang gibuhat kanako; Ako magahatag sa tawo sumala sa iyang buhat.

Say not, I will do so to him as he has done to me; I will render to the man according to his work.

30 Ako miagi duol sa uma sa tapulan, Ug sa kaparrasan sa tawo nga walay salabutan;

I went by the field of the sluggard, and by the vineyard of the man void of understanding.

31 Ug, ania karon, kini gipanugkan sa ibabaw ug mga tunok, Ang nawong niana naputos sa mga nipay, Ug ang bato nga kuta niana nalumpag na.

And, lo, it was all grown over with thorns. The face of it was covered with nettles, and the stone wall of it was broken down.

32 Unya nasud-ong ko, ug naghunahuna pag-ayo; Nakita ko, ug nadawat ko ang pahamatngon:

Then I beheld, and considered well. I saw, and received instruction:

33 Bisan pa niini diyutay nga katulog, usa ka diyutay nga hinanok, Usa ka diyutay nga pagkiyugpos sa mga kamot aron sa pagkatulog:

Yet a little sleep, a little slumber, a little folding of the hands to sleep,

34 Busa ang imong pagkakabus moabut ingon sa usa ka tulisan, Ug ang imong kawalad-on ingon sa usa ka tawo nga sangkap sa hinagiban.

so thy poverty shall come as a robber, and thy want as an armed man.