Panultihon 21
1 Ang kasingkasing sa hari anaa sa kamot ni Jehova maingon sa mga baha sa tubig: Siya nagapaliso niini sa bisan diin nga siya magabuot.
| פלגי-מים לב-מלך ביד-יהוה על-כל-אשר יחפץ יטנו |
2 Ang tagsatagsa ka dalan sa usa ka tawo matarung sa iyang kaugalingong mga mata; Apan si Jehova magatimbang sa mga kasingkasing.
| כל-דרך-איש ישר בעיניו ותכן לבות יהוה |
3 Ang pagbuhat sa pagkamatarung ug justicia Labi pang dawaton ni Jehova kay sa halad.
| עשה צדקה ומשפט-- נבחר ליהוה מזבח |
4 Ang usa ka tinan-awan nga mapahitas-on, ug ang usa ka palabilabihong kasingkasing, Bisan ang lamparahan sa dautan, sala man.
| רום-עינים ורחב-לב-- נר רשעים חטאת |
5 Ang mga hunahuna sa makugihon nagapadulong ngadto sa pagkadagaya; Apan ang tagsatagsa ka madalidalion nagadali lamang sa kawalad-on.
| מחשבות חרוץ אך-למותר וכל-אץ אך-למחסור |
6 Ang pagbaton ug mga bahandi pinaagi sa usa ka bakakong dila Maoy usa ka gabon nga ginapalid ngadto ug nganhi niadtong nagapangita sa kamatayon.
| פעל אצרות בלשון שקר-- הבל נדף מבקשי-מות |
7 Ang pagpanlupig sa dautan magasilhig kanila, Tungod kay sila nagadumili sa pagbuhat ug justicia.
| שד-רשעים יגורם כי מאנו לעשות משפט |
8 Ang dalan niadtong natugob sa kasal-anan baliko gayud kaayo; Apan alang niadtong mga ulay, ang iyang buhat matarung.
| הפכפך דרך איש וזר וזך ישר פעלו |
9 Maayo pa ang pagpuyo diha sa pamag-angan sa atop sa balay, Kay sa pakigkauban sa usa ka makig-awayong babaye sa usa ka halapad nga balay.
| טוב לשבת על-פנת-גג-- מאשת מדינים ובית חבר |
10 Ang kalag sa dautan nagatinguha sa dautan: Ang iyang isigkatawo dili makakaplag ug kalooy diha sa iyang mga mata.
| נפש רשע אותה-רע לא-יחן בעיניו רעהו |
11 Kong ang mayubiton pagasilotan, ang walay-pagtagad mahimong manggialamon; Ug kong ang manggialamon pahamatngonon siya makadawat ug kahibalo.
| בענש-לץ יחכם-פתי ובהשכיל לחכם יקח-דעת |
12 Ang tawong matarung nagatulotimbang sa balay sa dautan, Unsaon sa pagkaunlod sa dautan ngadto sa ilang kapildihan.
| משכיל צדיק לבית רשע מסלף רשעים לרע |
13 Bisan kinsa nga magasampong sa iyang mga idgulungog sa pagtu-aw sa kabus, Siya usab magatu-aw ra, apan dili pagapatalinghugan.
| אטם אזנו מזעקת-דל-- גם-הוא יקרא ולא יענה |
14 Ang usa ka gasa sa tago magapapoypoy sa kasuko; Ug ang usa ka hatag diha sa sabakan, sa hilabihan nga kasuko.
| מתן בסתר יכפה-אף ושחד בחק חמה עזה |
15 Maoy kalipay sa matarung ang pagbuhat ug justicia; Apan maoy usa ka pagkalaglag sa mga mamumuhat sa kasal-anan.
| שמחה לצדיק עשות משפט ומחתה לפעלי און |
16 Ang tawo nga nagasaagsaag gikan sa dalan sa pagsabut Magapahulay sa katilingban sa mga minatay.
| אדם--תועה מדרך השכל בקהל רפאים ינוח |
17 Siya nga mahigugmaon sa kalingawan mahimong kabus nga tawo: Siya nga mahigugmaon sa vino ug lana dili maadunahan.
| איש מחסור אהב שמחה אהב יין-ושמן לא יעשיר |
18 Ang dautan maoy usa ka lukat alang sa matarung; Ug ang maluibon modangat nga ilis sa matul-id
| כפר לצדיק רשע ותחת ישרים בוגד |
19 Maayo pang magpuyo sa usa ka yuta nga kamingawan, Kay sa pakig-ipon sa usa ka makig-awayon ug masuk-anon nga babaye.
| טוב שבת בארץ-מדבר-- מאשת מדונים (מדינים) וכעס |
20 Adunay bililhon nga bahandi ug lana diha sa puloy-anan sa manggialamon; Apan ang usa ka tawong buang magalamoy niana.
| אוצר נחמד ושמן--בנוה חכם וכסיל אדם יבלענו |
21 Kadtong magasunod sa pagkamatarung ug sa kalolot Makakaplag sa kinabuhi, pagkamatarung, ug kadungganan.
| רדף צדקה וחסד-- ימצא חיים צדקה וכבוד |
22 Ang usa ka manggialamon nga tawo makakatkat sa usa ka ciudad sa gamhanan, Ug makapukan sa kusog nga gisaligan niana.
| עיר גברים עלה חכם וירד עז מבטחה |
23 Bisan kinsa nga magabantay sa iyang baba ug sa iyang dila, Magabantay sa iyang kalag gikan sa mga kasamok.
| שמר פיו ולשונו-- שמר מצרות נפשו |
24 Ang tawong palabi-labihon ug garboso, mayubiton ang iyang ngalan; Siya magabuhat nga nagapakaaron-ingnon sa iyang pagkamapahitas-on.
| זד יהיר לץ שמו-- עושה בעברת זדון |
25 Ang tinguha sa tapulan nagapatay kaniya; Kay ang iyang mga kamot nagadumili sa pagbuhat.
| תאות עצל תמיתנו כי-מאנו ידיו לעשות |
26 Adunay maibug sa pagkahakog gayud sa tibook adlaw; Apan ang matarung nagahatag ug wala magatungina.
| כל-היום התאוה תאוה וצדיק יתן ולא יחשך |
27 Ang halad sa tawong dautan maoy usa ka dulumtanan; Daw unsa ka labaw pa gayud, kong iyang dad-on kini uban sa dautan nga hunahuna!
| זבח רשעים תועבה אף כי-בזמה יביאנו |
28 Ang usa ka bakakon nga saksi mahanaw; Apan ang tawo nga nagapamati nagapadayon sa iyang gipamulong.
| עד-כזבים יאבד ואיש שומע לנצח ידבר |
29 Ang usa ka tawong dautan magapagahi sa iyang nawong; Apan mahitungod sa matul-id siya magalig-on sa iyang mga dalan.
| העז איש רשע בפניו וישר הוא יכין דרכיו (יבין דרכו) |
30 Walay kaalam ni pagsabut Ni tambag batok kang Jehova.
| אין חכמה ואין תבונה-- ואין עצה לנגד יהוה |
31 Ang kabayo giandam batok sa adlaw sa gubat; Apan ang pagdaug iya kang Jehova.
| סוס--מוכן ליום מלחמה וליהוה התשועה |
