Panultihon 2

1 Anak ko, kong dawaton mo ang akong mga pulong, Ug tigumon mo ang akong mga sugo diha kanimo;

בני אם-תקח אמרי ומצותי תצפן אתך

2 Aron nga ikiling mo ang imong igdulungog ngadto sa kaalam, Ug bansayon mo ang imong kasingkasing sa pagsabut;

להקשיב לחכמה אזנך תטה לבך לתבונה

3 Oo, kong ikaw magasangpit sa salabutan, Ug magapatugbaw sa imong tingog alang sa pagpakasabut;

כי אם לבינה תקרא לתבונה תתן קולך

4 Kong ikaw mangita kaniya ingon nga salapi, Ug magapangita kaniya ingon sa tinipigan nga mga bahandi:

אם-תבקשנה ככסף וכמטמונים תחפשנה

5 Unya ikaw makasabut sa pagkahadlok kang Jehova, Ug hikaplagan mo ang kahibalo sa Dios.

אז--תבין יראת יהוה ודעת אלהים תמצא

6 Kay si Jehova mohatag ug kaalam; Gikan sa iyang baba magagula ang kahibalo ug pagpakasabut:

כי-יהוה יתן חכמה מפיו דעת ותבונה

7 Siya magatigum ug halalum nga kaalam alang sa matul-id; Siya mao ang taming kanila nga nagalakat sa pagkahingpit sa kasingkasing;

וצפן (יצפן) לישרים תושיה מגן להלכי תם

8 Aron iyang mabantayan ang mga alagianan sa justicia, Ug ampingan ang dalan sa iyang mga balaan.

לנצר ארחות משפט ודרך חסידו ישמר

9 Unya masabut mo ang pagkamatarung ug ang justicia, Ug sa pagkatul-id, oo, ang tagsatagsa ka maayong alagianan.

אז--תבין צדק ומשפט ומישרים כל-מעגל-טוב

10 Kay ang kaalam mosulod ngadto sa imong kasingkasing, Ug ang kahibalo makapahimuot sa imong kalag;

כי-תבוא חכמה בלבך ודעת לנפשך ינעם

11 Ang pagkabuotan magabantay sa ibabaw nimo; Ang pagpakasabut magahupot kanimo:

מזמה תשמר עליך תבונה תנצרכה

12 Aron sa pagluwas kanimo gikan sa dalan sa dautan, Gikan sa mga tawong nagsulti sa mga binalit-ad nga butang;

להצילך מדרך רע מאיש מדבר תהפכות

13 Nga nagabiya sa mga alagianan nga matul-id, Aron sa paglakat sa mga dalan sa kangitngit;

העזבים ארחות ישר-- ללכת בדרכי-חשך

14 Nga nagamaya sa pagbuhat ug dautan, Ug nagakalipay sa pagkabinalitad sa tawong dautan;

השמחים לעשות רע יגילו בתהפכות רע

15 Nga mga baliko sa ilang mga dalan, Ug mga sukwahi sa ilang mga alagianan:

אשר ארחתיהם עקשים ונלוזים במעגלותם

16 Aron sa pagluwas kanimo gikan sa babaye nga dumuloong, Bisan gikan sa dumuloong nga nagaulog-ulog pinaagi sa iyang mga pulong;

להצילך מאשה זרה מנכריה אמריה החליקה

17 Nga nagabiya sa higala sa iyang pagkabatan-on, Ug nahikalimot sa tugon sa iyang Dios:

העזבת אלוף נעוריה ואת-ברית אלהיה שכחה

18 Kay ang iyang balay nagaharag ngadto sa kamatayon, Ug ang iyang mga alagianan ngadto sa mga minatay;

כי שחה אל-מות ביתה ואל-רפאים מעגלתיה

19 Walay mahiadto kaniya nga mahibalik pag-usab, Ni makadangat sila ngadto sa mga alagianan sa kinabuhi:

כל-באיה לא ישובון ולא-ישיגו ארחות חיים

20 Aron ikaw magalakaw sa dalan sa mga maayong tawo, Ug magabantay sa mga alagianan sa mga matarung.

למען--תלך בדרך טובים וארחות צדיקים תשמר

21 Kay ang mga matul-id magapuyo sa yuta, Ug ang hingpit magapabilin diha niana.

כי-ישרים ישכנו-ארץ ותמימים יותרו בה

22 Apan ang mga dautan pagaputlon gikan sa yuta, Ug ang mabudhion pagalukahon gikan niini.

ורשעים מארץ יכרתו ובוגדים יסחו ממנה