Panultihon 19
1 Maayo pa ang kabus nga magalakat diha sa iyang pagkahingpit-sa-kasingkasing Kay kaniya nga sukwahi sa iyang mga ngabil ug maoy usa ka buang.
| טוב רש הולך בתמו מעקש שפתיו והוא כסיל׃ |
2 Ang kalag usab nga walay kahibalo dili maayo; Ug kadtong magadali sa iyang mga tiil magapakasala.
| גם בלא דעת נפש לא טוב ואץ ברגלים חוטא׃ |
3 Ang binuang sa tawo nagapabaliko sa iyang dala; Ug ang iyang kasingkasing magalibak batok kang Jehova.
| אולת אדם תסלף דרכו ועל יהוה יזעף לבו׃ |
4 Ang bahandi magapadugang sa mga higala; Apan ang kabus ginapabulag gikan sa iyang mga higala.
| הון יסיף רעים רבים ודל מרעהו יפרד׃ |
5 Ang usa ka bakakon nga saksi dili pagagawason sa silot; Ug siya nga magapamulong sa mga bakak dili makalikay.
| עד שקרים לא ינקה ויפיח כזבים לא ימלט׃ |
6 Daghang magapakilooy sa kalomo sa maabiabihong tawo; Ug ang tagsatagsa ka tawo maoy usa ka higala kaniya nga magahatag ug daghang mga gasa.
| רבים יחלו פני נדיב וכל הרע לאיש מתן׃ |
7 Ang tanang kaigsoonan sa kabus magadumot kaniya: Daw unsa pa ka labaw sa iyang mga higala nga magapahilayo gikan kaniya! Siya magaagpas kanila uban sa mga pulong, apan sila milakat na.
| כל אחי רש שנאהו אף כי מרעהו רחקו ממנו מרדף אמרים לא המה׃ |
8 Kadtong magabaton ug kaalam mahagugma sa iyang kaugalingong kalag: Kadtong nagabantay sa salabutan makakaplag sa kaayohan.
| קנה לב אהב נפשו שמר תבונה למצא טוב׃ |
9 Ang usa ka bakakon nga saksi dili makagawas sa silot; Ug kadtong mamulong sa kabakakan mahanaw.
| עד שקרים לא ינקה ויפיח כזבים יאבד׃ |
10 Ang dinato nga pagkinabuhi dili angay sa usa ka buang; Labing dili angay nga ang usa ka ulipon magagahum sa mga principe.
| לא נאוה לכסיל תענוג אף כי לעבד משל בשרים׃ |
11 Ang pagkabuotan sa usa ka tawo makapahimo kaniya nga mahinay sa pagkasuko; Ug maoy iyang himaya ang pagpasaylo sa kalapasan.
| שכל אדם האריך אפו ותפארתו עבר על פשע׃ |
12 Ang kasuko sa hari maingon sa pagngulob sa usa ka leon; Apan ang iyang kalooy maingon sa yamog ibabaw sa balili.
| נהם ככפיר זעף מלך וכטל על עשב רצונו׃ |
13 Ang usa ka anak nga buang maoy kaalaut sa iyang amahan; Ug ang mga pakiglalis sa usa ka asawa maoy mga tinulo sa kanunay.
| הות לאביו בן כסיל ודלף טרד מדיני אשה׃ |
14 Balay ug mga bahandi maoy mga panulondon gikan sa mga amahan; Apan ang usa ka buotan nga asawa gikan kang Jehova.
| בית והון נחלת אבות ומיהוה אשה משכלת׃ |
15 Ang katapol makapahinanok sa halalum nga pagkatulog; Ug ang tapolan nga kalag magaantus sa kagutom.
| עצלה תפיל תרדמה ונפש רמיה תרעב׃ |
16 Kadtong magabantay sa sugo nagabantay sa iyang kalag; Apan kadtong danghag sa iyang mga dalan, mamatay.
| שמר מצוה שמר נפשו בוזה דרכיו יומת׃ |
17 Kadtong may kalooy sa kabus magapahulam kang Jehova, Ug ang iyang maayong buhat pagabayran niya pag-usab.
| מלוה יהוה חונן דל וגמלו ישלם לו׃ |
18 Castigoha ang imong anak, sa natan-aw mo nga aduna pay paglaum; Ug ayaw pag-ibutang ang imong kasingkasing sa iyang kalaglagan.
| יסר בנך כי יש תקוה ואל המיתו אל תשא נפשך׃ |
19 Ang usa ka tawo nga anaa sa daku nga kasuko magapas-an sa silot; Kay kong ikaw magaluwas kaniya, kinahanglan nga ikaw magabuhat niana pag-usab.
| גרל חמה נשא ענש כי אם תציל ועוד תוסף׃ |
20 Patalinghug sa tambag, ug dawata ang pahamatngon, Aron ikaw mahimong manggialamon sa imong kaulahian.
| שמע עצה וקבל מוסר למען תחכם באחריתך׃ |
21 Adunay daghang mga lalang sulod sa kasingkasing sa usa ka tawo; Apan ang pagtambag ni Jehova, kana molungtad.
| רבות מחשבות בלב איש ועצת יהוה היא תקום׃ |
22 Kanang makapahimo sa usa ka tawo nga hiligugmaon mao ang iyang kalolot; Ug ang usa ka kabus nga tawo maayo pa kay sa usa ka bakakon.
| תאות אדם חסדו וטוב רש מאיש כזב׃ |
23 Ang pagkahadlok kang Jehova nagapadulong ngadto sa kinabuhi; Ug kadtong makabaton niana magapuyo nga may pagkatagbaw; Siya dili pagadu-awon sa dautan.
| יראת יהוה לחיים ושבע ילין בל יפקד רע׃ |
24 Ang tapulan magalubong sa iyang kamot diha sa pinggan, Ug dili magadala niini pag-usab nganha sa iyang baba.
| טמן עצל ידו בצלחת גם אל פיהו לא ישיבנה׃ |
25 Bunali ang usa ka mayubiton, ug ang walay-pagtagad makakat-on ug pagkabuotan; Ug badlonga ang usa nga may salabutan, ug siya makasabut sa kahibalo.
| לץ תכה ופתי יערם והוכיח לנבון יבין דעת׃ |
26 Kadtong magapanlupig sa iyang amahan, ug magalutos sa iyang inahan, Maoy usa ka anak nga nagapakaulaw ug nagadala sa pagkatalamayon.
| משדד אב יבריח אם בן מביש ומחפיר׃ |
27 Hunong, anak ko sa pagpamati sa pahamatngon, Nga magatudlo lamang ngadto sa kasaypanan sa mga pulong sa kahibalo.
| חדל בני לשמע מוסר לשגות מאמרי דעת׃ |
28 Ang usa ka walay-bili-nga-saksi nagabiaybiay sa katarungan; Ug ang baba sa dautan nagalamoy sa kasal-anan.
| עד בליעל יליץ משפט ופי רשעים יבלע און׃ |
29 Ang mga paghukom giandam alang sa mga mayubiton, Ug ang mga labud alang sa bukobuko sa mga buang.
| נכונו ללצים שפטים ומהלמות לגו כסילים׃ |
