Panultihon 11
1 Ang usa ka timbangan nga limbongan maoy usa ka dulumtanan kang Jehova; Apan ang matarung nga bato sa timbangan maoy iyang kalipay.
| מאזני מרמה תועבת יהוה ואבן שלמה רצונו׃ |
2 Kong ang pagkamapahitas-on moabut, nan modangat unya ang kaulaw; Apan sa mapinaubsanon mao ang kaalam.
| בא זדון ויבא קלון ואת צנועים חכמה׃ |
3 Ang kaligdong sa matul-id maoy magamando kanila; Apan ang pagkamasukihon sa maluibon maoy malaglag kanila.
| תמת ישרים תנחם וסלף בוגדים ושדם׃ |
4 Ang kadato dili magapulos adlaw sa kaligutgut; Apan ang pagkamatarung magaluwas sa tawo gikan sa kamatayon.
| לא יועיל הון ביום עברה וצדקה תציל ממות׃ |
5 Ang pagkamatarung sa tawong hingpit maoy magamando sa iyang dalan; Apan ang dautan mahulog pinaagi sa iyang kaugalingong pagkadautan.
| צדקת תמים תישר דרכו וברשעתו יפל רשע׃ |
6 Ang pagkamatarung sa tawong matul-id maoy magaluwas kanila; Apan ang maluibon malit-ag sa ilang kaugalingong kasal-anan.
| צדקת ישרים תצילם ובהות בגדים ילכדו׃ |
7 Kong ang dautang tawo mamatay, ang iyang ginapaabut mahanaw; Ug ang paglaum sa kasal-anan mahanaw;
| במות אדם רשע תאבד תקוה ותוחלת אונים אבדה׃ |
8 Ang tawong matarung maluwas gikan sa kasamok; Ug ang dautan moabut ilis kaniya.
| צדיק מצרה נחלץ ויבא רשע תחתיו׃ |
9 Pinaagi sa iyang baba ang tawo nga dili-diosnon magalaglag sa iyang isigkatawo; Apan pinaagi sa kahibalo ang tawong matarung mamaluwas.
| בפה חנף ישחת רעהו ובדעת צדיקים יחלצו׃ |
10 Kong maayo ang paglakat sa mga matarung, ang ciudad magakalipay; Ug sa mawala na ang dautan, adunay panaghugyaw.
| בטוב צדיקים תעלץ קריה ובאבד רשעים רנה׃ |
11 Tungod sa panalangin sa tawong matul-id ang ciudad igatuboy sa kahitas-an; Apan kini magun-ob tungod sa baba sa dautan.
| בברכת ישרים תרום קרת ובפי רשעים תהרס׃ |
12 Kadtong nagatamay sa iyang isigkatawo walay kaalam; Apan ang tawo nga may salabutan nagahilum.
| בז לרעהו חסר לב ואיש תבונות יחריש׃ |
13 Kadtong nagasuroy-suroy ingon sa usa ka tabian nagabutyag sa mga tinago; Apan kadtong may pagkamatinumanon sa espiritu nagatago sa usa ka butang.
| הולך רכיל מגלה סוד ונאמן רוח מכסה דבר׃ |
14 Diin walay maalamon nga pagmando, ang katawohan mangapukan; Apan diha sa panon sa mga magtatambag adunay kasigurohan.
| באין תחבלות יפל עם ותשועה ברב יועץ׃ |
15 Kadtong maoy pasalig alang sa usa ka dumuloong magaantus ug kalisud; Apan kadtong magadumot sa pagkapasalig anaa sa kasigurohan.
| רע ירוע כי ערב זר ושנא תקעים בוטח׃ |
16 Ang usa ka maloloy-ong babaye makabaton ug kadungganan; Ug ang tawo nga malupigon makabaton ug mga bahandi.
| אשת חן תתמך כבוד ועריצים יתמכו עשר׃ |
17 Ang tawo nga maloloy-on naga buhat ug maayo sa iyang kaugalingong kalag; Apan kadtong tigdagmal nagasakit sa iyang kaugalingong unod.
| גמל נפשו איש חסד ועכר שארו אכזרי׃ |
18 Ang mga dautan nagadawat sa limbong nga mga suhol; Apan kadtong nagapugas ug pagkamatarung may balus nga siguro.
| רשע עשה פעלת שקר וזרע צדקה שכר אמת׃ |
19 Kadtong kanunay sa pagkamatarung makadangat ngadto sa kinabuhi; Ug kadtong nagapangita sa dautan nagahimo niana alang sa iyang kaugalingong kamatayon.
| כן צדקה לחיים ומרדף רעה למותו׃ |
20 Kadtong masukihon diha sa kasingkasing maoy usa ka dulumtanan kang Jehova; Apan ang mga mahingpit sa ilang dalan maoy iyang kalipay.
| תועבת יהוה עקשי לב ורצונו תמימי דרך׃ |
21 Bisan ang kamot madugtong sa kamot, ang dautang tawo dili makagawas sa silot; Apan ang kaliwat sa mga matarung pagaluwason.
| יד ליד לא ינקה רע וזרע צדיקים נמלט׃ |
22 Maingon sa usa ka singsing nga bulawan diha sa simod sa baboy, Mao man ang usa ka maanyag nga babaye nga walay kabuot.
| נזם זהב באף חזיר אשה יפה וסרת טעם׃ |
23 Ang tinguha sa tawong matarung mao lamang ang maayo; Apan ang paalabuton sa dautan mao ang kaligutgut.
| תאות צדיקים אך טוב תקות רשעים עברה׃ |
24 Adunay nagasabulak ug nagadugang pa gayud; Ug adunay nagatipig nga labi pa kay sa gikinahanglan, apan kini nagadugang hinoon sa kawalad-on.
| יש מפזר ונוסף עוד וחושך מישר אך למחסור׃ |
25 Ang kalag nga mahinatagon mahimong matambok; Ug kadtong nagabisibis pagabisibisan usab sa iyang kaugalingon.
| נפש ברכה תדשן ומרוה גם הוא יורא׃ |
26 Kadtong nagahikaw sa makaon, pagatunglohon siya sa katawohan; Apan ang panalangin anaa sa ibabaw sa ulo niya nga nagabaligya niini.
| מנע בר יקבהו לאום וברכה לראש משביר׃ |
27 Kadtong nagapangita sa masingkamoton gayud sa maayo nagapangita ug kalooy; Apan kadtong nagapangita ug kadautan, kini modangat kaniya.
| שחר טוב יבקש רצון ודרש רעה תבואנו׃ |
28 Kadtong nagasalig sa iyang mga bahandi mapukan; Apan ang matarung magamauswagon ingon sa lunhaw nga dahon.
| בוטח בעשרו הוא יפל וכעלה צדיקים יפרחו׃ |
29 Kadtong nagasamok sa iyang kaugalingong balay magapanunod sa hangin; Ug ang buang mahimong ulipon sa manggialamon ug kasingkasing.
| עוכר ביתו ינחל רוח ועבד אויל לחכם לב׃ |
30 Ang bunga sa matarung maoy usa ka kahoy sa kinabuhi; Ug kadtong manggialamon makadani ug mga kalag.
| פרי צדיק עץ חיים ולקח נפשות חכם׃ |
31 Ania karon, ang matarung pagabalusan dinhi sa yuta; Labi pa gayud ang dautan ug ang makasasala!
| הן צדיק בארץ ישלם אף כי רשע וחוטא׃ |
