Job 38
1 Unya si Jehova mitubag kang Job gikan sa alimpulos, ug miingon:
Then the LORD answered Job out of the whirlwind, and said:
2 Kinsa kini nga nagangitngit sa tambag Pinaagi sa mga pulong nga walay kahibalo?
Who is this that darkeneth counsel by words without knowledge?
3 Baksan mo karon ang imong hawak ingon nga usa ka tawo; Kay pangutan-on ko ikaw karon, ug tubagon mo ako.
Gird up now thy loins like a man; for I will demand of thee, and declare thou unto Me.
4 Diin ka man sa pagtukod ko sa kalibutan? Sumulti ka, kong daw anaay imong salabutan.
Where wast thou when I laid the foundations of the earth? Declare, if thou hast the understanding.
5 Kinsa ang nagbuot sa gidak-on niini, kong ikaw nasayud man ugaling? Kun kinsa ba ang nagabitad sa pasul sa ibabaw niana?
Who determined the measures thereof, if thou knowest? Or who stretched the line upon it?
6 Unsa ba ang gihimong patukoranan niini? Kun kinsa ba ang nagapahaluna sa pamag-ang niana,
Whereupon were the foundations thereof fastened? Or who laid the corner-stone thereof,
7 Sa nagakadungan pag-awit ang mga bitoon sa kabuntagon, Ug ang tanang mga anak sa Dios nagkaduyog sa pagsinggit sa kalipay?
When the morning stars sang together, and all the sons of God shouted for joy?
8 Kun kinsa ba ang nagtak-um sa mga pultahan sa dagat, Sa nabukas kini, ingon sa daw nagagula kini gikan sa taguangkan;
Or who shut up the sea with doors, when it broke forth, and issued out of the womb;
9 Sa gihimo nako ang panganod nga maoy bisti niana, Ug ang dagkung kangitngit maoy bakbak niana,
When I made the cloud the garment thereof, and thick darkness a swaddlingband for it,
10 Ug sa gipahamutang nako niini ang akong utlanan, Ug gipahaluna ang mga rehas ug mga pultahan,
And prescribed for it My decree, and set bars and doors,
11 Ug nag-ingon: Kutob ra dinhi ang imong kadangatan, apan dili na molabaw; Ug anhi ra dinhi ang pagapuyan sa imong mga balod nga mapahitas-on!
And said: 'Thus far shalt thou come, but no further; and here shall thy proud waves be stayed'?
12 Nakagsugo ka ba sa kabuntagon sukad sa sinugdan sa imong mga adlaw, Ug gikatultulan mo ba ang kaadlawon sa iyang pinuy-anan;
Hast thou commanded the morning since thy days began, and caused the dayspring to know its place;
13 Aron kini makaghupot sa mga kinatumyan sa yuta, Ug mauyog niana ang mga tawong dautan?
That it might take hold of the ends of the earth, and the wicked be shaken out of it?
14 Kini nabalhin ingon sa yanang sa ilalum sa patikan; Ug ang tanang mga butang nahiluna sama sa usa ka bisti:
It is changed as clay under the seal; and they stand as a garment.
15 Ug gikan sa mga tawong dautan ang ilang mga suga gipanguha, Ug ang taas nga bukton naputol.
But from the wicked their light is withholden, and the high arm is broken.
16 Nakaadto ka ba sa mga tubod sa ilalum sa dagat? Kun nakalakaw ka ba sa luklukanan sa kahiladman?
Hast thou entered into the springs of the sea? Or hast thou walked in the recesses of the deep?
17 Gipadayag ba kanimo ang mga ganghaan sa kamatayon? Kun nakakita ka ba sa mga pultahan sa landong sa kamatayon?
Have the gates of death been revealed unto thee? Or hast thou seen the gates of the shadow of death?
18 Nakita ba nimo ang tibook gilapdon sa yuta? Magpahayag ka, kong nasayud ka man ugaling niining tanan.
Hast thou surveyed unto the breadths of the earth? Declare, if thou knowest it all.
19 Hain ba ang dalan padulong sa pinuy-anan sa kahayag? Ug mahatungod sa kangitngitan hain ba ang dapit niini,
Where is the way to the dwelling of light, and as for darkness, where is the place thereof;
20 Aron kini madala mo sa iyag kinutoban, Ug aron makita mo ang agianan padulong sa balay niini?
That thou shouldest take it to the bound thereof, and that thou shouldest know the paths to the house thereof?
21 Sa walay duhaduha, ikaw nahibalo, sanglit daan ka na man nga natawo, Ug daku may uyamut ang gidaghanon sa imong mga adlaw!
Thou knowest it, for thou wast then born, and the number of thy days is great!
22 Nakasulod ka ba sa kabahandian sa nieve, Kun nakita ba nimo ang mga kabahandian sa ulan-nga-yelo,
Hast thou entered the treasuries of the snow, or hast thou seen the treasuries of the hail,
23 Nga akong gitagana alang sa panahon sa kasamok, Alang sa adlaw sa gubat ug sa pakig-away?
Which I have reserved against the time of trouble, against the day of battle and war?
24 Hain ba ang dalan diin atua gibahin ang kahayag, Kun diin ang hangin nga timog ginasabwag sa ibabaw sa yuta?
By what way is the light parted, or the east wind scattered upon the earth?
25 Kinsa ba ang nagkutkut ug kanal alang sa tubig nga mosalanap; Kun usa ka agianan alang sa kilat sa dalugdug;
Who hath cleft a channel for the waterflood, or a way for the lightning of the thunder;
26 Sa pagpaulan niini sa yuta diin walay tawo nga nagpuyo; Didto sa kamingawan diin walay bisan usa ka tawo;
To cause it to rain on a land where no man is, on the wilderness, wherein there is no man;
27 Aron sa pagtagbaw sa yutang awaaw ug sa biniyaan, Ug aron sa pagpatubo sa linghod nga balili?
To satisfy the desolate and waste ground, and to cause the bud of the tender herb to spring forth?
28 May amahan ba ang ulan? Kun kinsa ba ang nag-anak sa mga tulo sa yamog?
Hath the rain a father? Or who hath begotten the drops of dew?
29 Kang kinsa bang taguangkan naggikan ang yelo? Ug ang tun-og sa gabii sa langit nga maputi kinsa ba ang nag-anak niini?
Out of whose womb came the ice? And the hoar-frost of heaven, who hath gendered it?
30 Ang katubigan mitago sa ilang kaugalingon ug nangahimo ingon sa bato, Ug ang ibabaw sa kahiladman natibugol.
The waters are congealed like stone, and the face of the deep is frozen.
31 Makabugkos ka ba sa mga pungpong sa mga Pleyades, Kun makabadbad ka ba sa mga gitagkos sa Orion?
Canst thou bind the chains of the Pleiades, or loose the bands of Orion?
32 Makamando ka ba sa mga Mazaroth sa ilang panahon? Kun makadumala ka ba sa Oso ug sa iyang mga kakuyog?
Canst thou lead forth the Mazzaroth in their season? Or canst thou guide the Bear with her sons?
33 Nahibalo ka ba sa mga tulomanon sa mga langit? Makahimo ka ba sa pagtukod sa gingharian niini diha sa yuta?
Knowest thou the ordinances of the heavens? Canst thou establish the dominion thereof in the earth?
34 Makahimo ka ba sa pagpatugbaw sa imong tingog sa kapanganoran, Aron ang kadagaya sa tubig makalapaw kanimo?
Canst thou lift up thy voice to the clouds, that abundance of waters may cover thee?
35 Makasugo ka ba sa mga kilat, aron sila manlakaw, Ug manag-ingon kanimo: Ania kami?
Canst thou send forth lightnings, that they may go, and say unto thee: 'Here we are'?
36 Kinsa ba ang nagbutang ug kaalam sa kinasulorang bahin? Kun kinsa ba ang naghatag ug salabutan sa utok?
Who hath put wisdom in the inward parts? Or who hath given understanding to the mind?
37 Kinsa ba ang makaihap sa mga panganod pinaagi sa kaalam? Kun kinsa ba ang arang makabubo sa mga botella sa langit,
Who can number the clouds by wisdom? Or who can pour out the bottles of heaven,
38 Sa diha nga ang abug managkatapok, Ug ang tibugol sa yuta managkaipon?
When the dust runneth into a mass, and the clods cleave fast together?
39 Makapangita ba ikaw sa tukbonon sa baye nga leon, Kun makatagbaw ka ba sa mga batan-ong leon,
Wilt thou hunt the prey for the lioness? Or satisfy the appetite of the young lions,
40 Sa diha nga sila nagalubog sa ilang mga lungib, Ug nanagpuyo sa mga langub aron sa pagbanhig?
When they couch in their dens, and abide in the covert to lie in wait?
41 Kinsa ba ang nagaandam sa uwak sa iyang makaon, Sa diha nga ang iyang mga kuyabog nanagsangpit sa Dios, Ug nanghisalaag tungod sa kakulangan sa makaon?
Who provideth for the raven his prey, when his young ones cry unto God, and wander for lack of food?
