Job 33
1 Bisan pa niana, Job, ipakilooy ko kanimo, pamatia ang akong pakigpulong, Ug patalinghugi ang tanan ko nga mga pulong.
| ואולם שמע נא איוב מלי וכל דברי האזינה׃ |
2 Tan-awa karon, gibuka ko ang akong baba; Ang akong dila nagsulti sa sulod sa akong baba.
| הנה נא פתחתי פי דברה לשוני בחכי׃ |
3 Ang akong mga pulong magasaysay sa katul-id sa akong kasingkasing; Ug kadtong nasayran sa akong mga ngabil, igasulti nila sa kinasingkasing.
| ישר לבי אמרי ודעת שפתי ברור מללו׃ |
4 Ang Espiritu sa Dios nagbuhat kanako, Ug ang gininhawa sa Makagagahum nagahatag kanako ug kinabuhi.
| רוח אל עשתני ונשמת שדי תחיני׃ |
5 Kong ikaw makahimo, tumubag ka kanako; Andama ang imong igsusulti sa akong atubangan, tumindog ka.
| אם תוכל השיבני ערכה לפני התיצבה׃ |
6 Ania karon, ako sama kanimo sa atubangan sa Dios: Ako usab gibuhat gikan sa yutang kolonon.
| הן אני כפיך לאל מחמר קרצתי גם אני׃ |
7 Ania karon, ang akong pagkamakalilisang dili makapahadlok kanimo, Ni ang akong lulan magmabug-at kanimo.
| הנה אמתי לא תבעתך ואכפי עליך לא יכבד׃ |
8 Sa pagkamatuod nadunggan ko ang imong mga sulti, Ug nabatian ko ang tingog sa imong mga pulong nga nagaingon:
| אך אמרת באזני וקול מלין אשמע׃ |
9 Ako mahinlo, walay kalapasan; Ako inocente, ni may kadautan dinhi kanako:
| זך אני בלי פשע חף אנכי ולא עון לי׃ |
10 Ania karon, siya nakakaplag ug mga higayon batok kanako, Giisip niya ako nga iyang kaaway;
| הן תנואות עלי ימצא יחשבני לאויב לו׃ |
11 Gibutang niya ang akong mga tiil sa mga sepohan, Gitiman-an niya ang akong mga alagianan.
| ישם בסד רגלי ישמר כל ארחתי׃ |
12 Ania karon, tubagon ko ikaw, nga niini ikaw dili matarung; Kay ang Dios labing daku kay sa tawo.
| הן זאת לא צדקת אענך כי ירבה אלוה מאנוש׃ |
13 Ngano nga ikaw makigbisug batok kaniya, Sanglit wala man niya timan-i ang tanan niyang butang?
| מדוע אליו ריבות כי כל דבריו לא יענה׃ |
14 Kay sa makausa nagasulti ang Dios, Oo, sa makaduha, bisan ang tawo wala magatagad niana.
| כי באחת ידבר אל ובשתים לא ישורנה׃ |
15 Pinaagi sa usa ka damgo, sa usa ka panan-awon sa gabii, Sa diha nga ang halalum nga paghinanok anaa sa mga katawohan. Sa pagkatulog diha sa ilang mga higdaanan;
| בחלום חזיון לילה בנפל תרדמה על אנשים בתנומות עלי משכב׃ |
16 Unya iyang gibuksan ang mga igdulungog sa mga katawohan, Ug tak-uman ang ilang pahamatngon
| אז יגלה אזן אנשים ובמסרם יחתם׃ |
17 Aron isalikway niya ang tawo gikan sa iyang tuyo, Ug katagoan niya ang garbo gikan sa tawo;
| להסיר אדם מעשה וגוה מגבר יכסה׃ |
18 Gipugngan niya ang iyang kalag gikan sa gahong, Ug ang iyang kinabuhi gikan sa kamatayon pinaagi sa pinuti.
| יחשך נפשו מני שחת וחיתו מעבר בשלח׃ |
19 Siya gicastigo usab pinaagi sa sakit diha sa ibabaw sa iyang higdaanan, Ug sa kanunay nga pakig-away sa iyang kabukogan;
| והוכח במכאוב על משכבו וריב עצמיו אתן׃ |
20 Busa ang iyang kinabuhi lulud-on sa tinapay, Ug ang iyang kalag sa kalan-on nga labing lamian.
| וזהמתו חיתו לחם ונפשו מאכל תאוה׃ |
21 Ang iyang unod naut-ut na nga dili na makita; Ug ang iyang kabukogan nga kaniadto dili makita nanikil.
| יכל בשרו מראי ושפי עצמותיו לא ראו׃ |
22 Oo, ang iyang kalag nagakahaduol ngadto sa gahong, Ug ang iyang kinabuhi ngadto sa mga manlalaglag.
| ותקרב לשחת נפשו וחיתו לממתים׃ |
23 Kong kaniya anaay usa ka manolonda, Usa ka maghuhubad, usa sa matag-usa ka libo, Sa pagpadayag sa tawo kong unsa ang matarung alang kaniya;
| אם יש עליו מלאך מליץ אחד מני אלף להגיד לאדם ישרו׃ |
24 Nan mapuanguron ang Dios kaniya, ug magaingon: Luwasa siya gikan sa kahulogon sa gahong, Ako nakakaplag ug usa ka lukat.
| ויחננו ויאמר פדעהו מרדת שחת מצאתי כפר׃ |
25 Ang iyang unod mabag-o labi kay sa unod sa bata: Siya mahabalik sa mga adlaw sa iyang pagkabatan-on.
| רטפש בשרו מנער ישוב לימי עלומיו׃ |
26 Siya magaampo sa Dios, ug siya mahimuot kaniya, Busa magasud-ong siya sa iyang nawong sa kalipay: Ug igauli niya sa tawo ang iyang pagkamatarung.
| יעתר אל אלוה וירצהו וירא פניו בתרועה וישב לאנוש צדקתו׃ |
27 Siya magaawit sa atubangan sa mga tawo, ug mag-ingon: Ako nakasala, ug gibalit-ad ko ang matarung, Ug kana wala magpulos kanako:
| ישר על אנשים ויאמר חטאתי וישר העויתי ולא שוה לי׃ |
28 Iyang giluwas ang akong kalag gikan sa kahulogon sa gahong, Ug ang akong kinabuhi makakita sa kahayag.
| פדה נפשי מעבר בשחת וחיתי באור תראה׃ |
29 Ania karon, kining tanan nga mga butanga pagabuhaton sa Dios, Sa makaduha, oo, sa makatolo, sa usa ka tawo,
| הן כל אלה יפעל אל פעמים שלוש עם גבר׃ |
30 Aron sa pagpahauli sa iyang kalag gikan sa gahong, Aron siya kadan-agan sa kahayag sa mga buhi.
| להשיב נפשו מני שחת לאור באור החיים׃ |
31 Timan-i pag-ayo, Oh Job, patalinghugi ako: Humilum ka, ug ako mosulti.
| הקשב איוב שמע לי החרש ואנכי אדבר׃ |
32 Kong anaay imong igsusulti tubaga ako: Sumulti ka, kay buot ako magpakamatarung kanimo.
| אם יש מלין השיבני דבר כי חפצתי צדקך׃ |
33 Kong dili, magpatalinghug ka kanako: Humilum ka, ug tudloan ko ikaw sa kaalam.
| אם אין אתה שמע לי החרש ואאלפך חכמה׃ |
