Job 31
1 Ako nakigsaad sa akong mga mata; Nan unsaon ko man ang pagsud-ong sa usa ka ulay?
| ברית כרתי לעיני ומה אתבונן על-בתולה |
2 Kay unsaon man ang bahin nga gikan sa Dios sa kahitas-an, Ug ang panulondon gikan sa Makagagahum nga atua sa itaas?
| ומה חלק אלוה ממעל ונחלת שדי ממרמים |
3 Dili ba kagul-anan alang sa mga dili matarung, Ug kadautan alang sa mga malinapason?
| הלא-איד לעול ונכר לפעלי און |
4 Wala ba siya magasud-ong sa Ug magaihap sa akong tanan nga mga lakang?
| הלא-הוא יראה דרכי וכל-צעדי יספור |
5 Kong ako naglakaw sa kabakakan, Ug ang akong tiil nahamalintak sa limbong
| אם-הלכתי עם-שוא ותחש על-מרמה רגלי |
6 (Ipatimbang ako sa usa ka maayong timbangan, Aron ang Dios masayud sa katul-id sa akong kasingkasing);
| ישקלני במאזני-צדק וידע אלוה תמתי |
7 Kong ang akong lakang mingtipas sa dalan, Ug ang akong kasingkasing nagasunod sa akong mga mata, Ug kong aniay buling nga nahitapot sa akong mga kamot:
| אם תטה אשרי מני הדרך ואחר עיני הלך לבי ובכפי דבק מאום |
8 Nan papugasa ako, ug lain ang pakan-a, Oo, ipaibut ang abut sa akong uma.
| אזרעה ואחר יאכל וצאצאי ישרשו |
9 Kong ang akong kasingkasing nahaylo sa lain nga babaye, Ug ako nakaghulat sa pultahan sa akong isigkatawo;
| אם-נפתה לבי על-אשה ועל-פתח רעי ארבתי |
10 Nan ang akong asawa pagalinga ngadto sa uban, Ug pasagdi nga ang uban managyukbo kaniya.
| תטחן לאחר אשתי ועליה יכרעון אחרין |
11 Kay kana usa ka sala nga makalilisang; Oo, usa ka paglapas nga angayng pagasilotan sa mga maghuhukom:
| כי-הוא (היא) זמה והיא (והוא) עון פלילים |
12 Kay mao kanay usa ka kalayo nga magasunog hangtud sa Pagkalaglag, Ug arang makag-ibut sa tibook nakong abut.
| כי אש היא עד-אבדון תאכל ובכל-תבואתי תשרש |
13 Kong ako nakagtamay sa katungod sa akong binatonang lalake ug binatonang babaye, Sa diha nga sila mingsupak kanako;
| אם-אמאס--משפט עבדי ואמתי ברבם עמדי |
14 Unsa man unya ang akong buhaton sa diha nga mobangon ang Dios? Ug sa diha nga siya modu-aw, unsa man ang akong itubag kaniya?
| ומה אעשה כי-יקום אל וכי-יפקד מה אשיבנו |
15 Wala ba magbuhat usab kaniya ang nagbuhat kanako diha sa tagoangkan? Wala ba kaming duha himoa sa sulod sa tagoangkan?
| הלא-בבטן עשני עשהו ויכננו ברחם אחד |
16 Kong ang kabus gidid-an ko sa ilang gikinahanglan, Kun gikawang ko ang mga mata sa balo nga babaye,
| אם-אמנע מחפץ דלים ועיני אלמנה אכלה |
17 Kun ako lamang usara ang nagakaon sa akong hungit, Ug ang mga ilo wala makatilaw niana
| ואכל פתי לבדי ולא-אכל יתום ממנה |
18 (Dili, sukad sa akong pagkabatan-on siya nagatubo uban kanako nga ingon ako sa amahan niya, Ug ako nagmatoto sa balong babaye sukad pa sa tagoangkan sa akong inahan);
| כי מנעורי גדלני כאב ומבטן אמי אנחנה |
19 Kong dinhay bisan kinsa nga nakit-an nako nga namatay tungod sa pagkawalay bisti, Kun ang hangul walay saput;
| אם-אראה אובד מבלי לבוש ואין כסות לאביון |
20 Kong ang iyang hawak wala magpanalangin kanako, Ug kong siya wala kainiti tungod sa balhibo sa akong carnero;
| אם-לא ברכוני חלצו ומגז כבשי יתחמם |
21 Kong gibakyaw ko ang akong kamot batok sa mga ilo, Tungod kay nakita ko ang akong magtatabang diha sa ganghaan:
| אם-הניפותי על-יתום ידי כי-אראה בשער עזרתי |
22 Nan ipatagak ang akong abaga gikan sa balikhaw, Ug ang akong bukton maputol unta gikan sa bukog.
| כתפי משכמה תפול ואזרעי מקנה תשבר |
23 Kay ang kagul-anan gikan sa Dios makapahadlok kanako, Ug tungod sa iyang pagkahalangdon ako dili makabuhat bisan unsa.
| כי פחד אלי איד אל ומשאתו לא אוכל |
24 Kong ang bulawan maoy gihimo ko nga akong paglaum, Ug giingon ko ang bulawang lunsay: Ikaw mao man ang akong pagsalig;
| אם-שמתי זהב כסלי ולכתם אמרתי מבטחי |
25 Kong ako nagkasadya tungod kay daghan ang akong bahandi, Ug tungod kay daku ang natigum sa akong kamot;
| אם-אשמח כי-רב חילי וכי-כביר מצאה ידי |
26 Kong nakita ko ang adlaw sa diha nga kana minghayag, Kun ang bulan nga nagpanaw sa kadan-ag,
| אם-אראה אור כי יהל וירח יקר הלך |
27 Ug ang akong kasingkasing nahaylo sa tago, Ug ang akong baba mihalok sa akong kamot:
| ויפת בסתר לבי ותשק ידי לפי |
28 Kini usab maoy usa ka sala nga pagasilotan sa mga maghuhukom; Kay igalimod ko unta ang Dios nga atua sa itaas.
| גם-הוא עון פלילי כי-כחשתי לאל ממעל |
29 Kong gikalipay ko ang pagkalaglag niadtong nagdumot kanako, Kun nagpahataas ako sa akong kaugalingon sa diha nga siya hingkaplagan sa kadautan:
| אם-אשמח בפיד משנאי והתעררתי כי-מצאו רע |
30 (Oo, wala ko pasagdi ang akong baba nga makasala Sa pagpangayo sa iyang kinabuhi uban ang usa ka panghimaraut);
| ולא-נתתי לחטא חכי-- לשאל באלה נפשו |
31 Kong ang mga tawo sa akong balong-balong wala manag-ingon: Kinsay makakita ug mausa nga wala mabusog sa iyang makaon?
| אם-לא אמרו מתי אהלי מי-יתן מבשרו לא נשבע |
32 (Ang dumuloong wala makapuyo sa dalan; Apan gibuksan ko ang akong mga pultahan alang sa lumalangyaw);
| בחוץ לא-ילין גר דלתי לארח אפתח |
33 Kong ingon kang Adam ako nagtabon sa akong mga kalapasan, Sa pagtago sa akong sala sulod sa akong dughan,
| אם-כסיתי כאדם פשעי-- לטמון בחבי עוני |
34 Tungod kay nahadlok ako sa daku nga panon sa katawohan, Ug kay nakapalisang kanako ang pagtamay sa mga kabanayan, Busa ako naghilum ug wala gumala sa akong pultahan,
| כי אערוץ המון רבה-- ובוז-משפחות יחתני ואדם לא-אצא פתח |
35 Oh, nga ania untay usa nga magpatalinghug kanako? (Ania karon, ania ang akong timaan, patubaga kanako ang Makagagahum) Ug nga ania unta kanako ang sumbong nga gisulat sa akong kabatok!
| מי יתן-לי שמע לי-- הן-תוי שדי יענני וספר כתב איש ריבי |
36 Sa pagkamatuod akong pas-anon kana unta sa akong abaga; Ibugkos ko kana kanako ingon sa usa ka purongpurong:
| אם-לא על-שכמי אשאנו אענדנו עטרות לי |
37 Kaniya akong ipahayag unta ang gidaghanon sa akong mga lakang; Ingon sa usa ka principe, siya pagaduolon ko.
| מספר צעדי אגידנו כמו-נגיד אקרבנו |
38 Kong ang akong yuta nagasinggit batok kanako, Ug ang mga tudling niana managdungan sa pagpanghilak;
| אם-עלי אדמתי תזעק ויחד תלמיה יבכיון |
39 Kong gikaon ko ang mga bunga niana sa walay bayad, Kun gipildi ko ang kinabuhi sa mga tag-iya niana:
| אם-כחה אכלתי בלי-כסף ונפש בעליה הפחתי |
40 Kasampinitan ang patugka ilis sa trigo, Ug kogon ilis sa cebada. Natapus ang mga pulong ni Job.
| תחת חטה יצא חוח--ותחת-שערה באשה תמו דברי איוב |
