Job 28
1 Sa pagkatinuod adunay mina alang sa salapi, Ug usa ka dapit alang sa bulawan nga ilang pagaulayon.
| כי יש לכסף מוצא ומקום לזהב יזקו |
2 Ang puthaw pagakuhaon gikan sa yuta, Ug ang tumbaga pagatunawon gikan sa bato.
| ברזל מעפר יקח ואבן יצוק נחושה |
3 Ang tawo magapahunong sa kangitngit, Ug didto sa kahiladman magapangita, Sa mga bato nga atua sa mangitngit ug landong sa kamatayon.
| קץ שם לחשך ולכל-תכלית הוא חוקר אבן אפל וצלמות |
4 Halayo sa pinuy-anan sa mga tawo siya magabugwal sa usa ka gahong; Sila hingkalimtan sa tiil nga moagi sa ibabaw, Sila nanagbitay halayo sa mga katawohan, sila nanagtabyog.
| פרץ נחל מעם-גר--הנשכחים מני-רגל דלו מאנוש נעו |
5 Mahitungod sa yuta, gikan niana magagula ang tinapay; Ug ang ilalum niana ingon ug gibali pinaagi sa kalayo.
| ארץ--ממנה יצא-לחם ותחתיה נהפך כמו-אש |
6 Ang mga bato niini maoy dapit sa mga zafiro, Ug kana may mga pulvos sa bulawan.
| מקום-ספיר אבניה ועפרת זהב לו |
7 Nianang dalana walay langgam nga dumadagit nga nagpanghibalo, Ni makakita niana ang mata sa ananangkil:
| נתיב לא-ידעו עיט ולא שזפתו עין איה |
8 Ang mga mananap nga palabilabihon wala makatala niana, Ni makaagi dinha ang mabangis nga leon.
| לא-הדריכוהו בני-שחץ לא-עדה עליו שחל |
9 Gibutang niya ang iyang kamot sa ibabaw sa batong santikan; Gilintuwad niya ang mga bukid hangtud sa mga gamut.
| בחלמיש שלח ידו הפך משרש הרים |
10 Siya nagahimo ug mga kanal sa taliwala sa mga bato; Ug ang iyang mata makakita sa tanang butang bililhon.
| בצורות יארים בקע וכל-יקר ראתה עינו |
11 Siya magabugkos sa mga kasapaan aron dili na manaligdig; Ug ang butang nga tinago, iyang gibutyag sa kahayag.
| מבכי נהרות חבש ותעלמה יצא אור |
12 Apan asa ba ang kaalam igkita? Ug hain ba ang pinuy-anan sa salabutan?
| והחכמה מאין תמצא ואי זה מקום בינה |
13 Ang tawo wala masayud sa bili niana; Ni igkita kini sa yuta sa mga buhi.
| לא-ידע אנוש ערכה ולא תמצא בארץ החיים |
14 Ang kahiladman nagaingon: Kini wala diri kanako; Ug ang dagat nagaingon: Kana wala diri kanako.
| תהום אמר לא בי-היא וים אמר אין עמדי |
15 Kana dili mabatonan tungod sa bulawan, Ni ang salapi pagatimbangon tungod sa bili niini.
| לא-יתן סגור תחתיה ולא ישקל כסף מחירה |
16 Kini dili kabilhan sa bulawan sa Ophir, Sa malahalon nga onyx, kun sa zafiro.
| לא-תסלה בכתם אופיר בשהם יקר וספיר |
17 Ang bulawan ug bildo dili ikatanding niini, Ni kabayloan kini ug mga lunsay nga bulawan.
| לא-יערכנה זהב וזכוכית ותמורתה כלי-פז |
18 Ang guso ug ang salamin dili pagahisgutan: Oo, ang bili sa kaalam labaw pa kay sa mga mutya.
| ראמות וגביש לא יזכר ומשך חכמה מפנינים |
19 Ang topacio sa Ethiopia dili ikagtanding niini, Ni kabilhan kini sa bulawang lunsay.
| לא-יערכנה פטדת-כוש בכתם טהור לא תסלה |
20 Diin man diay magagikan ang kaalam? Ug hain man ang dapit sa salabutan?
| והחכמה מאין תבוא ואי זה מקום בינה |
21 Sanglit tinago man gikan sa mga mata sa mga buhi, Ug sinalipdan gikan sa kalanggaman sa kalangitan.
| ונעלמה מעיני כל-חי ומעוף השמים נסתרה |
22 Ang Kagun-oban ug Kamatayon nanag-ingon: Ang kagahub niana nabatian namo sa among mga igdulungog.
| אבדון ומות אמרו באזנינו שמענו שמעה |
23 Ang Dios nasayud sa dalan niini, Ug siya nahibalo sa dapit niana.
| אלהים הבין דרכה והוא ידע את-מקומה |
24 Kay siya nagatan-aw ngadto sa mga kinatumyan sa yuta, Ug nagasud-ong sa ilalum sa tibook langit;
| כי-הוא לקצות-הארץ יביט תחת כל-השמים יראה |
25 Sa iyang pagtimbang sa hangin: Oo, sa taksanan ang katubigan iyang gitakus.
| לעשות לרוח משקל ומים תכן במדה |
26 Sa diha nga siya nagbuhat ug balaod sa ulan, Ug alagianan alang sa kilat sa dalugdug;
| בעשתו למטר חק ודרך לחזיז קלות |
27 Unya siya nakakita niini, ug nagsaysay niini; Iyang gipahaluna kini, oo, ug kini gipangita.
| אז ראה ויספרה הכינה וגם-חקרה |
28 Ug miingon siya sa tawo: Ania karon, ang kahadlok sa Ginoo, nga mao ang kaalam; Ug ang paglikay sa dautan mao ang salabutan.
| ויאמר לאדם--הן יראת אדני היא חכמה וסור מרע בינה |
