Job 15
1 Unya mitubag si Eliphaz nga Temanitahon, ug miingon:
| ויען אליפז התימני ויאמר׃ |
2 Angay ba nga ang usa ka tawo nga maalam motubag pinasikad sa kaalam nga walay hinungdan, Ug pun-on niya ang iyang kaugalingon sa hangin nga timog?
| החכם יענה דעת רוח וימלא קדים בטנו׃ |
3 Angay ba siya nga molantugi sa sulti nga walay kapuslanan, Kun sa mga pakigpulong nga wala siyay kahinguhaan?
| הוכח בדבר לא יסכון ומלים לא יועיל בם׃ |
4 Oo, ikaw nagasalikway sa kahadlok, Ug nagakunhod sa imong pag-ampo sa Dios.
| אף אתה תפר יראה ותגרע שיחה לפני אל׃ |
5 Kay ang imong kadautan nagatudlo sa imong baba, Ug imong gipili ang dila sa malimbongon.
| כי יאלף עונך פיך ותבחר לשון ערומים׃ |
6 Ang imong kaugalingong baba nagahukom kanimo, ug dili ako; Oo, ang imong kaugalingong mga ngabil nagpamatuod batok kanimo.
| ירשיעך פיך ולא אני ושפתיך יענו בך׃ |
7 Ikaw ba ang unang tawo nga gipanganak? Kun una ba ikaw nga gibuhat nganhi kay sa mga kabungtoran?
| הראישון אדם תולד ולפני גבעות חוללת׃ |
8 Nakadungog ka ba sa tinago nga kaalam sa Dios? Sa imong kaugalingon ba lamang gituga ang kaalam?
| הבסוד אלוה תשמע ותגרע אליך חכמה׃ |
9 Unsay hibaloan nimo nga wala namo hibaloi? Unsay imong hingsayran nga wala diri kanamo?
| מה ידעת ולא נדע תבין ולא עמנו הוא׃ |
10 Kanamo ania ang mga tawo nga ubanon ug mga gulang kaayo, Labi pang magulang kay sa imong amahan.
| גם שב גם ישיש בנו כביר מאביך ימים׃ |
11 Ang mga paglipay sa Dios diyutay ra ba kaayo alang kanimo, Bisan ang pulong nga malomo alang kanimo?
| המעט ממך תנחמות אל ודבר לאט עמך׃ |
12 Ngano nga nakapabugnaw kanimo ang imong kasingkasing, Ug ngano nga nagasiga ang imong mata,
| מה יקחך לבך ומה ירזמון עיניך׃ |
13 Nga ang imong espiritu imong ipangatubang batok sa Dios, Ug magapagula sa mga pulong gikan sa imong baba?
| כי תשיב אל אל רוחך והצאת מפיך מלין׃ |
14 Kinsa ba ang tawo nga siya pagahinloan? Ug siya nga gipanganak sa babaye aron siya magamatarung?
| מה אנוש כי יזכה וכי יצדק ילוד אשה׃ |
15 Ania karon, siya dili mosalig sa iyang mga balaan. Oo, ang kalangitan dili mahinlo sa iyang mga mata:
| הן בקדשו לא יאמין ושמים לא זכו בעיניו׃ |
16 Labi pang dili ang tawo nga dulumtanan ug mahugaw, Ang usa ka tawo nga nagainum sa kadautan ingon sa tubig!
| אף כי נתעב ונאלח איש שתה כמים עולה׃ |
17 Ipakita ko kanimo, patalinghugi ako; Ug ang butang nga akong nakita akong ipahayag kanimo.
| אחוך שמע לי וזה חזיתי ואספרה׃ |
18 (Nga gisugid sa mga tawong maalam Gikan pa sa ilang mga amahan, ug wala magtago niini;
| אשר חכמים יגידו ולא כחדו מאבותם׃ |
19 Nga kanila lamang ang yuta gihatag, Ug walay dumuloong nga sa ilang kinataliwad-an nakaagi):
| להם לבדם נתנה הארץ ולא עבר זר בתוכם׃ |
20 Ang tawong dautan magaantus sa kasakit sa tanan niyang mga adlaw, Bisan pa ang gidaghanon sa katuigan nga giandam alang sa madaugdaugon.
| כל ימי רשע הוא מתחולל ומספר שנים נצפנו לעריץ׃ |
21 Anaa sa iyang mga igdulungog ang lanog sa mga butang kahadlokan; Sa kaadunahan ang manlalaglag modangat kaniya.
| קול פחדים באזניו בשלום שודד יבואנו׃ |
22 Siya dili motoo nga gikan sa kangitngitan siya magabalik, Ug ang espada kaniya giandam.
| לא יאמין שוב מני חשך וצפו הוא אלי חרב׃ |
23 Siya nagasuroysuroy sa laing dapit sa pagpangitag tinapay, sa pag-ingon: Hain ba? Siya nasayud nga ang adlaw sa kangitngit anaa giandam kaniya.
| נדד הוא ללחם איה ידע כי נכון בידו יום חשך׃ |
24 Ang kasamok ug kaguol makapahadlok kaniya; Siya makadaug kaniya, sama sa usa ka hari nga magapadulong sa panggubatan.
| יבעתהו צר ומצוקה תתקפהו כמלך עתיד לכידור׃ |
25 Kay iyang gituy-od ang iyang kamot batok sa Dios, Ug sa Makagagahum siya nagpasipala;
| כי נטה אל אל ידו ואל שדי יתגבר׃ |
26 Sa liog nga pinatikig siya nagaasdang kaniya, Sa kinabag-an nga bukobuko sa iyang kalasag;
| ירוץ אליו בצואר בעבי גבי מגניו׃ |
27 Kay iyang gilukop ang iyang nawong sa iyang tambok, Ug nagtigum ug tambok sa iyang hawak;
| כי כסה פניו בחלבו ויעש פימה עלי כסל׃ |
28 Ug siya nagpuyo sa mga lungsod nga biniyaan, Sa mga balay nga walay tawo nga nagpuyo, Nga dili na madugay mangagun-ob;
| וישכון ערים נכחדות בתים לא ישבו למו אשר התעתדו לגלים׃ |
29 Siya dili gayud madato, dili usab magapadayon ang iyang bahandi, Ang ilang mga abut dili usab modagsang sa ibabaw sa yuta.
| לא יעשר ולא יקום חילו ולא יטה לארץ מנלם׃ |
30 Siya dili mogula gikan sa kangitngitan; Ang siga sa kalayo magalaya sa iyang mga sanga, Ug ang hinuyop sa baba sa Dios maoy magpapahawa kaniya.
| לא יסור מני חשך ינקתו תיבש שלהבת ויסור ברוח פיו׃ |
31 Ayaw siya pagpasaliga sa kakawangan sa paglimbong sa iyang kaugalingon; Kay kakawangan usab ang balus kaniya.
| אל יאמן בשו נתעה כי שוא תהיה תמורתו׃ |
32 Kana matapus sa dili pa modangat ang iyang panahon, Ug ang iyang sanga dili modangat sa kalunhaw.
| בלא יומו תמלא וכפתו לא רעננה׃ |
33 Siya ingon sa usa ka balagon magauyog sa iyang bunga nga linghod, Ug ingon sa kahoyng oliva magapulak siya sa iyang bulak.
| יחמס כגפן בסרו וישלך כזית נצתו׃ |
34 Kay ang katilingban niadtong walay Dios dili makabunga, Ug ang kalayo magasunog sa mga balong-balong sa paghiphip.
| כי עדת חנף גלמוד ואש אכלה אהלי שחד׃ |
35 Manamkon sila ug kalapasan ug manganak ug kasal-anan, Ug ang ilang kasingkasing magaandam ug iglilimbong.
| הרה עמל וילד און ובטנם תכין מרמה׃ |
