Mga Salmo 99

1 Naghari si Yahweh; tugoti nga mangurog ang kanasoran. Siya naglingkod sa iyang trono ibabaw sa mga kerubin; molinog ang kalibotan.

The LORD reigns; let the people tremble: he sits between the cherubim; let the earth be moved.

2 Si Yahweh bantogan sa Zion; siya gibayaw ibabaw sa tanang kanasoran.

The LORD is great in Zion; and he is high above all the people.

3 Tugoti nga magdayeg (sila) sa imong bantogan ug halangdon nga ngalan; siya balaan.

Let them praise your great and terrible name; for it is holy.

4 Ang hari kusgan, ug siya nahigugma sa katarong. Imong gitukod ang kaangayan; nabuhat mo ang pagkamatarong ug hustisya kang Jacob.

The king’s strength also loves judgment; you do establish equity, you execute judgment and righteousness in Jacob.

5 Daygon si Yahweh nga atong Dios ug simbaha siya diha sa iyang tiilan. Siya balaan.

Exalt you the LORD our God, and worship at his footstool; for he is holy.

6 Si Moises ug Aaron lakip sa iyang mga pari, ug si Samuel usa niadtong nag-ampo kaniya. Nag-ampo (sila) kang Yahweh ug gitubag niya (sila)

Moses and Aaron among his priests, and Samuel among them that call on his name; they called on the LORD, and he answered them.

7 Siya nakigsulti kanila pinaagi sa haliging panganod. Gituman nila ang iyang balaan nga mga balaod ug ang mga sugo nga gihatag niya kanila.

He spoke to them in the cloudy pillar: they kept his testimonies, and the ordinance that he gave them.

8 Gitubag mo (sila) Yahweh nga among Dios. Dios ka nga mapinasayloon ngadto kanila, apan mosilot sa ilang makasasalang binuhatan.

You answered them, O LORD our God: you were a God that forgave them, though you took vengeance of their inventions.

9 Dalaygon si Yahweh nga atong Dios, ug panagsimba sa iyang balaang bungtod, tungod si Yahweh nga atong Dios balaan.

Exalt the LORD our God, and worship at his holy hill; for the LORD our God is holy.