Mga Salmo 96
1 O, awiti si Yaweh ug bag-ong awit; awiti si Yahweh, sa tibuok kalibotan.
| שירו ליהוה שיר חדש שירו ליהוה כל-הארץ |
2 Awiti si Yahweh, dayga ang iyang ngalan; ipahibalo ang iyang kaluwasan sa matag adlaw.
| שירו ליהוה ברכו שמו בשרו מיום-ליום ישועתו |
3 Imantala ang iyang himaya sa tanang kanasoran, ang iyang katingalahang buhat sa tanang kanasoran.
| ספרו בגוים כבודו בכל-העמים נפלאותיו |
4 Kay bantogan si Yahweh ug angayan siyang daygon. Angayan siyang kahadlokan labaw sa tanang dios.
| כי גדול יהוה ומהלל מאד נורא הוא על-כל-אלהים |
5 Kay ang tanang dios sa kanasoran mga diosdios, apan si Yahweh ang nagbuhat sa kalangitan.
| כי כל-אלהי העמים אלילים ויהוה שמים עשה |
6 Ang katahom ug kahalangdon anaa sa iyang presensya. Ang kalig-on ug katahom anaa sa iyang templo.
| הוד-והדר לפניו עז ותפארת במקדשו |
7 Hatagi ug pagdayeg si Yahweh, kamong mga banay sa katawhan, hatagi ug pagdayeg si Yahweh tungod sa iyang himaya ug kusog.
| הבו ליהוה משפחות עמים הבו ליהוה כבוד ועז |
8 Ihatag kang Yahweh ang himaya nga angay sa iyang ngalan. Pagdala kamo ug halad ug adto sa hawanan sa iyang templo.
| הבו ליהוה כבוד שמו שאו-מנחה ובאו לחצרותיו |
9 Yukbo ngadto kang Yahweh nga nagsul-ob ug bisti nga nagpasidungog sa iyang pagkabalaan. Pangurog sa iyang atubangan, tibuok kalibotan.
| השתחוו ליהוה בהדרת-קדש חילו מפניו כל-הארץ |
10 Isulti taliwala sa kanasoran, “Naghari si Yahweh.” Natukod usab ang kalibotan; ug dili kini matarog. Hukman niya ang katawhan nga may kaangayan.
| אמרו בגוים יהוה מלך-- אף-תכון תבל בל-תמוט ידין עמים במישרים |
11 Tugoti nga maglipay ang kalangitan, ug magmaya ang kalibotan; tugoti nga magdahunog ang kadagatan ug ang anaa niini managsinggit sa kalipay.
| ישמחו השמים ותגל הארץ ירעם הים ומלאו |
12 Tugoti nga magmaya ang mga kaumahan ug ang tanan nga anaa niini. Unya tugoti ang tanang mga kahoy sa kalasangan nga managsinggit sa kalipay
| יעלז שדי וכל-אשר-בו אז ירננו כל-עצי-יער |
13 atubangan ni Yahweh, kay siya hapit na moabot. Moabot siya aron sa paghukom sa kalibotan. Hukman niya ang kalibotan inubanan sa pagkamatarong ug ang mga tawo sa iyang pagkamatinumanon.
| לפני יהוה כי בא-- כי בא לשפט הארץ ישפט-תבל בצדק ועמים באמונתו |
