Mga Salmo 9
1 Alang sa pangulong musikero; nga gikan sa Muth Labben nga pamaagi. Ang salmo ni David. Pasalamatan ko ikaw O Yahweh sa tibuok kong kasingkasing; isugilon ko ang mga kahibulongan mong mga buhat.
| למנצח על-מות לבן מזמור לדוד ב אודה יהוה בכל-לבי אספרה כל-נפלאותיך |
2 Maglipay ug magmaya ako diha kanimo; ug magaawit ako sa pagdayeg sa imong ngalan, O Labing Halangdon!
| אשמחה ואעלצה בך אזמרה שמך עליון |
3 Sa dihang motalikod ang akong mga kaaway, mangapokan ug mangahanaw (sila) diha sa imong atubangan.
| בשוב-אויבי אחור יכשלו ויאבדו מפניך |
4 Kay gidapigan mo ang akong katarong; milingkod ka sa imong trono, usa ka matarong nga maghuhukom!
| כי-עשית משפטי ודיני ישבת לכסא שופט צדק |
5 Gibadlong mo ang kanasoran; gilaglag mo ang mga daotan; gipapas mo ang ilang mga ngalan hangtod sa kahangtoran.
| גערת גוים אבדת רשע שמם מחית לעולם ועד |
6 Napukan ang kaaway sama sa kalaglagan sa dihang gibuntog mo ang ilang mga siyudad. Nangahanaw ang tanan nilang handomanan.
| האויב תמו חרבות--לנצח וערים נתשת--אבד זכרם המה |
7 Apan si Yahweh magpabilin hangtod sa kahangtoran; gitukod niya ang iyang trono alang sa katarong.
| ויהוה לעולם ישב כונן למשפט כסאו |
8 Hukman niya ang kalibotan uban ang pagkamatarong, ug pagahukman niya ang kanasoran uban ang kaangayan.
| והוא ישפט-תבל בצדק ידין לאמים במישרים |
9 Si Yahweh mao usab ang dalangpanan sa mga dinaogdaog, ang dalangpanan sa panahon sa kalisdanan.
| ויהי יהוה משגב לדך משגב לעתות בצרה |
10 Kadtong nakaila sa imong ngalan nagsalig diha kanimo, alang kanimo, O Yahweh, ayaw isalikway kadtong nangita kanimo.
| ויבטחו בך יודעי שמך כי לא-עזבת דרשיך יהוה |
11 Awiti ug mga pagdayeg si Yahweh, nga naghari sa Zion; suginli ang kanasoran kung unsa ang iyang nahimo.
| זמרו--ליהוה ישב ציון הגידו בעמים עלילותיו |
12 Kay ang Dios nga manimalos sa naulang dugo magahinumdom; wala niya hikalimti ang hilak sa mga dinaogdaog.
| כי-דרש דמים אותם זכר לא-שכח צעקת עניים (ענוים) |
13 Kaloy-i ako, O Yahweh; tan-awa kung giunsa ako pagdaogdaog niadtong nagdumot kanako, ikaw nga makasakmit kanako gikan sa mga ganghaan sa kamatayon.
| חננני יהוה--ראה עניי משנאי מרוממי משערי מות |
14 O, aron maimantala ko ang tanan nimong pagdayeg. Diha sa mga ganghaan sa anak nga babaye sa Zion magmaya ako diha sa imong kaluwasan!
| למען אספרה כל-תהלתיך בשערי בת-ציון--אגילה בישועתך |
15 Nangahulog ang kanasoran ngadto sa bangag nga ilang kinalot; ang ilang mga tiil nalit-ag sa pukot nga ilang gitagoan.
| טבעו גוים בשחת עשו ברשת-זו טמנו נלכדה רגלם |
16 Gipaila ni Yahweh ang iyang kaugalingon; maghukom siya; nangalit-ag ang mga daotan pinaagi sa ilang kaugalingong mga buhat. (Sela)
| נודע יהוה--משפט עשה בפעל כפיו נוקש רשע הגיון סלה |
17 Ang mga daotan mibalik ug gipadala sa Sheol, ang dangatan sa tanang kanasoran nga nakalimot sa Dios. (Sheol h7585)
| ישובו רשעים לשאולה כל-גוים שכחי אלהים (Sheol h7585) |
18 Kay ang nagkinahanglan dili mahikalimtan, ni mahanaw sa kahangtoran ang mga paglaom sa mga dinaogdaog.
| כי לא לנצח ישכח אביון תקות ענוים (עניים) תאבד לעד |
19 Barog, O Yahweh; ayaw tugoti nga ang tawo modaog batok kanimo; hinaot nga ang kanasoran mahukman diha sa imong panan-aw.
| קומה יהוה אל-יעז אנוש ישפטו גוים על-פניך |
20 Lisanga (sila) O Yahweh; hinaot nga ang kanasoran masayod nga tawo lamang (sila, Sela)
| שיתה יהוה מורה--להם ידעו גוים--אנוש המה סלה |
