Mga Salmo 89
1 Ang maskil ni Etan ang Ezrahanon. Magaawit ako sa kahangtoran mahitungod sa mga buhat sa pagkamatinud-anon sa kasabotan ni Yahweh. Imantala ko ang imong pagkamatinud-anon sa umaabot nga mga kaliwatan.
| משכיל לאיתן האזרחי חסדי יהוה עולם אשירה לדר ודר אודיע אמונתך בפי׃ |
2 Kay ako nagaingon, “Ang pagkamatinud-anon sa kasabotan molahutay sa kahangtoran; ang imong pagkamatinud-anon nga imong gitukod sa kalangitan.”
| כי אמרתי עולם חסד יבנה שמים תכן אמונתך בהם׃ |
3 “Naghimo ako ug kasabotan uban sa akong pinili, nanumpa ako kang David nga akong sulugoon.
| כרתי ברית לבחירי נשבעתי לדוד עבדי׃ |
4 Himoon ko nga magpadayon ang imong mga kaliwat sa kahangtoran, ug himoon ko nga molahutay ang imong trono sa tanang henerasyon.” (Selah)
| עד עולם אכין זרעך ובניתי לדר ודור כסאך סלה׃ |
5 Ang kalangitan nagadayeg sa imong mga kahibulongan, Yahweh; gidayeg ang imong pagkamatinud-anon diha sa pundok sa mga balaan.
| ויודו שמים פלאך יהוה אף אמונתך בקהל קדשים׃ |
6 Kay si kinsa man sa kalangitan ang ikatandi kang Yahweh? Kinsa man sa mga anak sa mga dios ang sama kang Yahweh?
| כי מי בשחק יערך ליהוה ידמה ליהוה בבני אלים׃ |
7 Siya ang Dios nga gipasidunggan pag-ayo sa pundok sa mga balaan ug takos kahadlokan sa mga nag-alirong kaniya.
| אל נערץ בסוד קדשים רבה ונורא על כל סביביו׃ |
8 Yahweh, Dios nga makagagahom, kinsa ang kusgan sama kanimo, Yahweh? Napalibotan ka sa imong pagkamatinud-anon.
| יהוה אלהי צבאות מי כמוך חסין יה ואמונתך סביבותיך׃ |
9 Gimandoan mo ang bangis nga dagat; kung ang mga balod motaas, palinawon mo (sila)
| אתה מושל בגאות הים בשוא גליו אתה תשבחם׃ |
10 Gidugmok mo ang Rahab sama sa gipatay. Pinaagi sa imong kusgan nga bukton gipatibulaag mo ang imong mga kaaway.
| אתה דכאת כחלל רהב בזרוע עזך פזרת אויביך׃ |
11 Imo ang kalangitan, ug ang kalibotan man usab. Gibuhat mo ang kalibotan ug ang tanang anaa niini.
| לך שמים אף לך ארץ תבל ומלאה אתה יסדתם׃ |
12 Gibuhat mo ang amihan ug ang habagatan. Ang Tabor ug ang Hermon nagmaya diha sa imong ngalan.
| צפון וימין אתה בראתם תבור וחרמון בשמך ירננו׃ |
13 Aduna kay gamhanang bukton ug kusgan nga kamot, ug taas ang imong tuong kamot.
| לך זרוע עם גבורה תעז ידך תרום ימינך׃ |
14 Pagkamatarong ug hustisya mao ang mga patukoranan sa imong trono. Ang pagkamatinud-anon sa kasabotan ug ang pagkamasaligan naggikan kanimo.
| צדק ומשפט מכון כסאך חסד ואמת יקדמו פניך׃ |
15 Bulahan ang mga tawo nga nagsimba kanimo! Yahweh, naglakaw (sila) uban sa kahayag sa imong panagway.
| אשרי העם יודעי תרועה יהוה באור פניך יהלכון׃ |
16 Sa tanang adlaw nagmaya (sila) diha sa imong ngalan, ug sa imong pagkamatarong gibayaw ka nila.
| בשמך יגילון כל היום ובצדקתך ירומו׃ |
17 Ikaw ang ilang halangdong kusog, ug pinaagi sa imong pabor nagmadaugon kami.
| כי תפארת עזמו אתה וברצנך תרים קרננו׃ |
18 Kay ang among taming iya kang Yahweh; ang among hari nahisakop sa Balaan sa Israel.
| כי ליהוה מגננו ולקדוש ישראל מלכנו׃ |
19 Kaniadto nakigsulti ka sa mga matinumanon kanimo pinaagi sa panan-awon; ikaw miingon, “Akong gikoronahan ang usa ka gamhanan; gituboy ko ang usa nga pinili gikan sa katawhan.
| אז דברת בחזון לחסידיך ותאמר שויתי עזר על גבור הרימותי בחור מעם׃ |
20 Gipili ko si David nga akong sulugoon; uban sa akong balaan nga lana gidihogan ko siya.
| מצאתי דוד עבדי בשמן קדשי משחתיו׃ |
21 Ang akong kamot motabang kaniya; ang akong bukton maoy molig-on kaniya.
| אשר ידי תכון עמו אף זרועי תאמצנו׃ |
22 Walay kaaway ang molingla kaniya; walay anak sa pagkadaotan ang modaugdaog kaniya.
| לא ישא אויב בו ובן עולה לא יעננו׃ |
23 Pagadugmukon ko ang iyang mga kaaway diha sa iyang atubangan; patyon ko kadtong modumot kaniya.
| וכתותי מפניו צריו ומשנאיו אגוף׃ |
24 Ang akong kamatuoran ug ang akong pagkamatinud-anon sa kasabotan maanaa kaniya; pinaagi sa akong ngalan magmadaugon siya.
| ואמונתי וחסדי עמו ובשמי תרום קרנו׃ |
25 Ibutang ko ang iyang kamot ngadto sa dagat ug ang iyang tuong kamot ngadto sa mga suba.
| ושמתי בים ידו ובנהרות ימינו׃ |
26 Pagatawgon niya ako, 'Ikaw ang akong Amahan, ang akong Dios, ug ang bato sa akong kaluwasan.'
| הוא יקראני אבי אתה אלי וצור ישועתי׃ |
27 Isipon ko siya ingon nga akong kinamagulangang anak nga lalaki, ang pinakahalangdon sa mga hari sa kalibotan.
| אף אני בכור אתנהו עליון למלכי ארץ׃ |
28 Ang akong pagkamatinud-anon sa kasabotan diha kaniya molahutay hangtod sa kahangtoran; ug molungtad ang akong kasabotan uban kaniya.
| לעולם אשמור לו חסדי ובריתי נאמנת לו׃ |
29 Himoon ko nga ang iyang mga kaliwatan molahutay sa kahangtoran ug ang iyang trono magmalungtaron sama sa kalangitan nga anaa sa ibabaw.
| ושמתי לעד זרעו וכסאו כימי שמים׃ |
30 Kung kalimtan sa iyang mga anak ang akong balaod ug dili motuman sa akong kasugoan,
| אם יעזבו בניו תורתי ובמשפטי לא ילכון׃ |
31 kung supakon nila ang akong mga sugo ug dili tipigan ang akong mga mando,
| אם חקתי יחללו ומצותי לא ישמרו׃ |
32 silotan ko ang ilang pagkamasupilon gamit ang sungkod ug ang ilang kasal-anan uban sa mga hampak.
| ופקדתי בשבט פשעם ובנגעים עונם׃ |
33 Apan dili ko kuhaon gikan kaniya ang akong mapinadayunong gugma o dili magmatinumanon sa akong gisaad.
| וחסדי לא אפיר מעמו ולא אשקר באמונתי׃ |
34 Dili ko pakyason ang akong kasabotan o bag-ohon ang mga pulong sa akong mga ngabil.
| לא אחלל בריתי ומוצא שפתי לא אשנה׃ |
35 Sa makausa pa manumpa ako pinaagi sa akong pagkabalaan— dili ako magbakak kang David:
| אחת נשבעתי בקדשי אם לדוד אכזב׃ |
36 ang iyang mga kaliwatan magapadayon sa kahangtoran ug ang iyang trono sama sa adlaw nga molahutay sa akong atubangan.
| זרעו לעולם יהיה וכסאו כשמש נגדי׃ |
37 Molungtad kini sa kahangtoran sama sa bulan, ang matinud-anong saksi diha sa langit.” (Selah)
| כירח יכון עולם ועד בשחק נאמן סלה׃ |
38 Apan ikaw midumili ug misalikway; nasuko ka sa imong dinihogang hari.
| ואתה זנחת ותמאס התעברת עם משיחך׃ |
39 Imong gibawi ang kasabotan sa imong sulugoon. Gipasipalahan mo ang iyang korona ngadto sa yuta.
| נארתה ברית עבדך חללת לארץ נזרו׃ |
40 Gigun-ob mo ang tanan niyang paril. Giguba mo ang iyang mga kota.
| פרצת כל גדרתיו שמת מבצריו מחתה׃ |
41 Gikawatan siya sa tanang nanagpangagi. Nahimo siyang malaw-ay ngadto sa iyang mga silingan.
| שסהו כל עברי דרך היה חרפה לשכניו׃ |
42 Gipataas mo ang tuong kamot sa iyang mga kaaway; gihimo mo nga magmalipayon ang tanan niyang kaaway.
| הרימות ימין צריו השמחת כל אויביו׃ |
43 Gilumping mo ang sulab sa iyang espada ug wala mo siya patindoga sa gubat.
| אף תשיב צור חרבו ולא הקימתו במלחמה׃ |
44 Gitapos mo ang iyang katahom; gibutang mo sa yuta ang iyang trono.
| השבת מטהרו וכסאו לארץ מגרתה׃ |
45 Gipamubo mo ang mga adlaw sa iyang pagkabatan-on. Giputos mo siya sa kaulawan. (Selah)
| הקצרת ימי עלומיו העטית עליו בושה סלה׃ |
46 Hangtod kanus-a Yahweh? Igatago mo ba ang imong kaugalingon sa kahangtoran? Hangtod kanus-a magdilaab ang imong kasuko sama sa kalayo?
| עד מה יהוה תסתר לנצח תבער כמו אש חמתך׃ |
47 O, hunahunaa kung unsa ka mubo ang akong panahon, ug alang sa unsa nga pagkawalay pulos nga gibuhat mo ang tanang anak sa katawhan!
| זכר אני מה חלד על מה שוא בראת כל בני אדם׃ |
48 Si kinsa man ang mabuhi ug dili mamatay, o ang makaluwas sa iyang kaugalingon gikan sa kamot sa Seol? (Selah) (Sheol h7585)
| מי גבר יחיה ולא יראה מות ימלט נפשו מיד שאול סלה׃ (Sheol h7585) |
49 O Ginoo, asa ang imong mga buhat kaniadto sa pagkamatinud-anon sa kasabotan nga imong gisaad kang David diha sa imong kamatuoran?
| איה חסדיך הראשנים אדני נשבעת לדוד באמונתך׃ |
50 Hinumdomi, O Ginoo, ang pagbiaybiay batok sa imong mga sulugoon ug giunsa nako pagdala sa akong kasingkasing ang daghang mga pagtamay gikan sa mga nasod.
| זכר אדני חרפת עבדיך שאתי בחיקי כל רבים עמים׃ |
51 Nagtamay ang imong mga kaaway, Yahweh; ilang gibiaybiayan ang mga lakang sa imong dinihogan.
| אשר חרפו אויביך יהוה אשר חרפו עקבות משיחך׃ |
52 Pagadayegon si Yahweh sa kahangtoran. Amen ug Amen. Ikaupat nga Libro
| ברוך יהוה לעולם אמן ואמן׃ |
