Mga Salmo 74
1 Usa ka maskil ni Asaf. O Dios, nganong gisalikway mo kami sa kahangtoran? Ngano nga ang imong kasuko misunog batok sa karnero diha sa imong sibsibanan?
| משכיל לאסף למה אלהים זנחת לנצח יעשן אפך בצאן מרעיתך |
2 Hinumdomi ang imong katawhan, nga imong gipalit niadtong karaang kapanahonan, ang banay nga imong gitubos nga mahimo nga imong kaugalingong panulundon, ug ang Bukid sa Zion, diin ikaw mipuyo.
| זכר עדתך קנית קדם-- גאלת שבט נחלתך הר-ציון זה שכנת בו |
3 Ngari tan-awa ang hingpit nga pagkagun-ob, ang tanang kadaot nga gibuhat sa mga kaaway sa balaang dapit.
| הרימה פעמיך למשאות נצח כל-הרע אויב בקדש |
4 Ang imong mga kaaway nagngulob taliwala sa imong piniling dapit; gipahimutang nila ang ilang mga bandira.
| שאגו צרריך בקרב מועדך שמו אותתם אתות |
5 Nanigbas (sila) gamit ang mga hatsa sama diha sa baga nga kalasangan.
| יודע כמביא למעלה בסבך-עץ קרדמות |
6 Gidugmok nila ug gipangguba ang tanang kinulitan; giguba nila kini pinaagi sa mga hatsa ug mga maso.
| ועת (ועתה) פתוחיה יחד-- בכשיל וכילפות יהלמון |
7 Gisunog nila ang imong puluy-anan; gipanamastamasan nila ang imong pinuy-anan; gipukan kini ngadto sa yuta.
| שלחו באש מקדשך לארץ חללו משכן-שמך |
8 Miingon (sila) sa ilang mga kasingkasing, “Laglagon nato silang tanan.” Gisunog nila ang tanan nimong tigomanan sa yuta.
| אמרו בלבם נינם יחד שרפו כל-מועדי-אל בארץ |
9 Wala na kitay makita nga mga timaan, wala nay mga propeta, ug walay usa kanato ang nasayod kung hangtod kanus-a kini molungtad.
| אותתינו לא ראינו אין-עוד נביא ולא-אתנו ידע עד-מה |
10 Hangtod kanus-a, O Ginoo, nga magtamay ang kaaway kanimo? Ang kaaway magpasipala ba sa imong ngalan sa kahangtoran?
| עד-מתי אלהים יחרף צר ינאץ אויב שמך לנצח |
11 Nganong imo mang gipugngan ang imong kamot, ang imong tuong kamot? Ipagawas ang imong tuong kamot sa imong bisti ug laglaga (sila)
| למה תשיב ידך וימינך מקרב חוקך (חיקך) כלה |
12 Bisan pa niini ang Dios maoy akong hari gikan pa sa karaang kapanahonan, nga nagadala sa kaluwasan sa kalibotan.
| ואלהים מלכי מקדם פעל ישועות בקרב הארץ |
13 Gibahin mo ang dagat pinaagi sa imong kusog; gidugmok mo ang mga ulo sa makalilisang nga mga mananap diha sa katubigan.
| אתה פוררת בעזך ים שברת ראשי תנינים על-המים |
14 Gidugmok mo ang mga ulo sa Leviatan; gipakaon mo siya sa mga nagpuyo sa kamingawan.
| אתה רצצת ראשי לויתן תתננו מאכל לעם לציים |
15 Giablihan mo ang mga tuboran ug kasapaan; gipahubas mo ang mga kasubaan.
| אתה בקעת מעין ונחל אתה הובשת נהרות איתן |
16 Imo ang adlaw, ug ang kagabhion imo man usab; gipahimutang mo ang adlaw ug bulan sa ilang dapit.
| לך יום אף-לך לילה אתה הכינות מאור ושמש |
17 Gipahimutang mo ang tanang utlanan sa kalibotan; ug ikaw ang naghimo sa ting-init ug sa tingtugnaw.
| אתה הצבת כל-גבולות ארץ קיץ וחרף אתה יצרתם |
18 Hinumdomi kung giunsa sa kaaway paglabay ug mga pagtamay kanimo, O Yahweh, ug ang pagpasipala sa mga buangbuang nga mga tawo sa imong ngalan.
| זכר-זאת--אויב חרף יהוה ועם נבל נאצו שמך |
19 Ayaw itugyan ang kinabuhi sa imong salampati ngadto sa ihalas nga mananap. Ayaw kalimti hangtod sa kahangtoran ang kinabuhi sa dinaugdaog nimong katawhan.
| אל-תתן לחית נפש תורך חית ענייך אל-תשכח לנצח |
20 Hinumdomi ang imong kasabotan, kay ang mangitngit nga mga rehiyon sa yuta napuno sa mga dapit sa kabangis.
| הבט לברית כי מלאו מחשכי-ארץ נאות חמס |
21 Ayaw itugot nga ang dinaugdaog mahibalik uban sa kaulaw; itugot nga ang kabos ug ang dinaugdaog modayeg sa imong ngalan.
| אל-ישב דך נכלם עני ואביון יהללו שמך |
22 Bangon, O Dios; panalipdi ang imong kadungganan; hinumdomi kung giunsa ka pagtamay sa mga buangbuang sa tibuok adlaw.
| קומה אלהים ריבה ריבך זכר חרפתך מני-נבל כל-היום |
23 Ayaw kalimti ang tingog sa imong mga kaaway o ang kabanha niadtong padayon nga nagsupak kanimo.
| אל-תשכח קול צרריך שאון קמיך עלה תמיד |
