Mga Salmo 6

1 Alang sa pangulo sa musikero; sa mga tulonggon nga adunay kwerdas, gisunod ngadto sa Sheminith nga paagi. Ang salmo ni David. O Yahweh, ayaw ako badlonga sa imong kasuko o pantona sa imong kapungot.

For the Chief Musician; on stringed instruments, set to the Sheminith. A Psalm of David. O LORD, rebuke me not in thine anger, neither chasten me in thy hot displeasure.

2 O Yahweh, Kaloy-i intawon ako kay naluya na ako; ayoha ako O Yahweh, kay nagapangurog na ang akong kabukogan.

Have mercy upon me, O LORD; for I am withered away: O LORD, heal me; for my bones are vexed.

3 Ang akong kalag usab nahasol na pag-ayo. Apan ikaw, O Yahweh—hangtod kanus-a man kini magpadayon?

My soul also is sore vexed: and thou, O LORD, how long?

4 O Yahweh, balik ug tabangi na ako. Luwasa ako tungod sa imong matinud-anong kasabotan!

Return, O LORD, deliver my soul: save me for thy lovingkindness’ sake.

5 Kay sa kamatayon wala nay makahinumdom kanimo. Kinsa ba ang makapasalamat pa kanimo didto sa Sheol? (Sheol h7585)

For in death there is no remembrance of thee: in Sheol who shall give thee thanks? (Sheol h7585)

6 Naluya na ako sa tumang pag-agulo. Sa tibuok gabii nabasa ang akong higdaan sa akong mga luha; nabasa ang akong kama sa mga luha.

I am weary with my groaning; every night make I my bed to swim; I water my couch with my tears.

7 Mihalap na ang akong mga mata tungod sa kasubo; naluya na kini tungod sa tanan kong kaaway.

Mine eye wasteth away because of grief; it waxeth old because of all mine adversaries.

8 Palayo gikan kanako, kamong tanan nga nagbuhat ug sala; kay nadungog ni Yahweh ang tingog sa akong pagbakho.

Depart from me, all ye workers of iniquity; for the LORD hath heard the voice of my weeping.

9 Nadungog ni Yahweh ang tingog sa akong pagpangaliya; gidawat ni Yahweh ang akong pag-ampo.

The LORD hath heard my supplication; the LORD will receive my prayer.

10 Ang tanan kong kaaway maulawan ug mahasol pag-ayo. Motalikod (sila) ug dihadiha maulawan.

All mine enemies shall be ashamed and sore vexed: they shall turn back, they shall be ashamed suddenly.