Mga Salmo 41
1 Bulahan siya nga adunay pagtagad sa mga huyang; sa adlaw sa kagubot, luwason siya ni Yahweh.
| למנצח מזמור לדוד ב אשרי משכיל אל-דל ביום רעה ימלטהו יהוה |
2 Tipigan siya ni Yahweh ug ipabilin siya nga buhi, ug panalanginan siya sa kalibotan; dili siya itugyan ni Yahweh ngadto sa iyang mga kaaway.
| יהוה ישמרהו ויחיהו--יאשר (ואשר) בארץ ואל-תתנהו בנפש איביו |
3 Tabangan siya ni Yahweh diha sa higdaanan sa pag-antos; himuon mo ang iyang higdaanan sa mga balatian ngadto sa higdaanan sa kaayohan.
| יהוה--יסעדנו על-ערש דוי כל-משכבו הפכת בחליו |
4 Miingon ako, “Yahweh, kaloy-i ako! Ayoha ako, kay nakasala ako batok kanimo.”
| אני-אמרתי יהוה חנני רפאה נפשי כי-חטאתי לך |
5 Ang akong mga kaaway nagsultig daotan batok kanako, nga nag-ingon 'Kanus-a man siya mamatay ug ang iyang ngalan mahanaw?'
| אויבי--יאמרו רע לי מתי ימות ואבד שמו |
6 Kon ang akong kaaway moduaw kanako, magsulti siyag walay pulos nga mga butang; gitigom sa iyang kasingkasing ang mga daotang nahitabo kanako; ug sa dihang mobiya na siya kanako, ipanabi niya kini sa uban.
| ואם-בא לראות שוא ידבר--לבו יקבץ-און לו יצא לחוץ ידבר |
7 Ang tanan nga nagdumot kanako naghunghonganay batok kanako; naghandom (sila) sa pagsakit kanako.
| יחד--עלי יתלחשו כל-שנאי עלי--יחשבו רעה לי |
8 Miingon (sila) “Ang daotang sakit nagpabilin kaniya; karon nga naglubog siya, dili na gayod siya makabangon pag-usab.”
| דבר-בליעל יצוק בו ואשר שכב לא-יוסיף לקום |
9 Sa pagkatinuod, bisan ang suod nako nga higala, nga akong gisaligan, ug mikaon sa akong pan, nag-alsa sa iyang tikod batok kanako.
| גם-איש שלומי אשר-בטחתי בו-- אוכל לחמי הגדיל עלי עקב |
10 Apan ikaw, Yahweh, kaloy-i ug bangona ako aron nga kapanimaslan ko (sila)
| ואתה יהוה חנני והקימני ואשלמה להם |
11 Pinaagi niini masayran ko nga ikaw nahimuot kanako, kay wala nagmadaugon ang akong mga kaaway batok kanako.
| בזאת ידעתי כי-חפצת בי כי לא-יריע איבי עלי |
12 Alang kanako, gitabangan mo ako sa akong kaligdong ug gitipigan mo ako sa imong atubangan hangtod sa kahangtoran.
| ואני--בתמי תמכת בי ותציבני לפניך לעולם |
13 Hinaot nga si Yahweh, ang Dios sa Israel, daygon sa walay kataposan. Amen ug Amen. Ikaduhang Libro.
| ברוך יהוה אלהי ישראל--מהעולם ועד העולם אמן ואמן |
