Mga Salmo 37
1 Ayaw kalagot tungod sa mga nagbuhat og daotan; ayaw kasina niadtong dili matarong ang binuhatan,
| לדוד אל-תתחר במרעים אל-תקנא בעשי עולה |
2 Kay sa dili madugay mangalaya (sila) sama sa mga sagbot ug mangalarag sama sa lunhaw nga mga tanom.
| כי כחציר מהרה ימלו וכירק דשא יבולון |
3 Salig kang Yahweh ug buhata ang maayo; puyo sa yuta ug sibsib sa pagkamatinud-anon.
| בטח ביהוה ועשה-טוב שכן-ארץ ורעה אמונה |
4 Unya paglipay diha kang Yahweh, ug ihatag niya ang gitinguha sa imong kasingkasing.
| והתענג על-יהוה ויתן-לך משאלת לבך |
5 Ihatag ang imong mga pamaagi kang Yahweh; salig kaniya, ug siya motabang kanimo.
| גול על-יהוה דרכך ובטח עליו והוא יעשה |
6 Ipakita niya ang imong hustisya sama sa kahayag sa adlaw, ug ang imong pagkawalay sala, sama sa udtong tutok.
| והוציא כאור צדקך ומשפטך כצהרים |
7 Pagmalinawon diha kang Yahweh ug hulata siya nga mapailubon. Ayaw kasuko kung adunay nagmalampuson sa iyang gibuhat, o kung maglaraw siyag daotan.
| דום ליהוה-- והתחולל-לו אל-תתחר במצליח דרכו באיש עשה מזמות |
8 Ayaw kasuko ug ayaw kalain. Ayaw kabalaka. Maghimo lamang kinig kasamok.
| הרף מאף ועזב חמה אל-תתחר אך-להרע |
9 Ang nagbuhat og daotan pagaputlon, apan kadtong naghulat kang Yahweh makapanunod sa yuta.
| כי-מרעים יכרתון וקוי יהוה המה יירשו-ארץ |
10 Sa makadiyot ang daotang tawo mahanaw; tan-awon mo ang iyang nahimutangan, apan wala na siya.
| ועוד מעט ואין רשע והתבוננת על-מקומו ואיננו |
11 Apan ang mapainubsanon makapanunod sa yuta ug magmalipayon sa dako nga kauswagan.
| וענוים יירשו-ארץ והתענגו על-רב שלום |
12 Ang daotang tawo maglaraw ug magpangagot sa iyang ngipon batok sa mga matarong.
| זמם רשע לצדיק וחרק עליו שניו |
13 Ang Ginoo mokatawa sa daotang tawo, tungod kay nakita niya nga ang iyang adlaw moabot na.
| אדני ישחק-לו כי-ראה כי-יבא יומו |
14 Ang mga daotan mihulbot sa ilang mga espada, ug miinat sa ilang mga pana aron sa pagpukan sa mga dinaugdaog ug sa mga nanginahanglan, aron sa pagpatay niadtong matarong.
| חרב פתחו רשעים-- ודרכו קשתם להפיל עני ואביון לטבוח ישרי-דרך |
15 Ang ilang mga espada motusok sa ilang kaugalingong mga kasingkasing, ug ang ilang mga pana mangabali.
| חרבם תבוא בלבם וקשתותם תשברנה |
16 Mas maayo ang diyutay nga nabatonan sa tawong matarong kay sa kadagaya sa mga daotan.
| טוב-מעט לצדיק-- מהמון רשעים רבים |
17 Kay ang mga bukton sa mga daotan mangabali, apan tabangan ni Yahweh ang mga tawo nga matarong.
| כי זרועות רשעים תשברנה וסומך צדיקים יהוה |
18 Sa matag adlaw gibantayan ni Yahweh ang mga walay sala, ug ang ilang napanunod molungtad.
| יודע יהוה ימי תמימם ונחלתם לעולם תהיה |
19 Dili (sila) maulawan kung ang panahon dili maayo. Sa dihang moabot ang kagutom, aduna silay igong makaon.
| לא-יבשו בעת רעה ובימי רעבון ישבעו |
20 Apan ang daotang mga tawo mangalaglag. Ang mga kaaway ni Yahweh mahisama sa himaya sa mga bulak diha sa sibsibanan; mangasunog (sila) ug mahanaw diha sa aso.
| כי רשעים יאבדו ואיבי יהוה כיקר כרים כלו בעשן כלו |
21 Ang daotang mga tawo manghulam apan dili mobayad, apan ang tawong matarong manggihatagon.
| לוה רשע ולא ישלם וצדיק חונן ונותן |
22 Kadtong gipanalanginan sa Dios makapanunod sa yuta; kadtong iyang gitunglo pagaputlon.
| כי מברכיו יירשו ארץ ומקלליו יכרתו |
23 Pinaagi kang Yahweh ang mga lakang sa tawo magmalampuson, ang tawo nga ang paagi nakapahimuot sa panan-aw sa Dios.
| מיהוה מצעדי-גבר כוננו ודרכו יחפץ |
24 Bisan kung mapandol siya, dili siya mahagba, kay naggunit kaniya ang kamot ni Yahweh.
| כי-יפל לא-יוטל כי-יהוה סומך ידו |
25 Sa batan-on pa ako ug karon tigulang na; wala gayod ako makakitag matarong nga gipasagdan o ang iyang mga anak nga nagapangayo ug pan.
| נער הייתי-- גם-זקנתי ולא-ראיתי צדיק נעזב וזרעו מבקש-לחם |
26 Sa tanang adlaw siya maluluy-on ug nagapahulam, ang iyang mga anak nahimong panalangin.
| כל-היום חונן ומלוה וזרעו לברכה |
27 Biya-i ang daotan ug buhata ang husto; ug maluwas ka hangtod sa kahangtoran.
| סור מרע ועשה-טוב ושכן לעולם |
28 Kay gihigugma ni Yahweh ang hustisya ug wala niya biya-i ang iyang matinud-anong mga sumusunod. Gitipigan (sila) sa walay kataposan, apan pagaputlon ang kaliwatan sa mga daotan.
| כי יהוה אהב משפט ולא-יעזב את-חסידיו לעולם נשמרו וזרע רשעים נכרת |
29 Ang matarong makapanunod sa yuta ug magpuyo didto hangtod sa kahangtoran.
| צדיקים יירשו-ארץ וישכנו לעד עליה |
30 Ang baba sa matarong nga tawo magsultig kaalam ug mopa-uswag sa hustisya.
| פי-צדיק יהגה חכמה ולשונו תדבר משפט |
31 Ang balaod sa Dios anaa sa iyang kasingkasing; ang iyang mga tiil dili madakin-as.
| תורת אלהיו בלבו לא תמעד אשריו |
32 Panid-an sa daotan ang matarong ug mangitag paagi sa pagpatay kaniya.
| צופה רשע לצדיק ומבקש להמיתו |
33 Apan dili siya pasagdan ni Yahweh ngadto sa kamot sa daotan o pakasad-on siya sa dihang siya hukman.
| יהוה לא-יעזבנו בידו ולא ירשיענו בהשפטו |
34 Hulat kang Yahweh ug pabilin sa iyang mga pamaagi, ug patindugon ka niya aron mapanag-iya ang yuta. Makita nimo ang mga daotan sa dihang (sila) pagaputlon.
| קוה אל-יהוה ושמר דרכו וירוממך לרשת ארץ בהכרת רשעים תראה |
35 Nakita ko ang daotan ug ang makalilisang nga tawo nga nagkatag sama sa lunhaw nga kahoy diha sa iyang kaugalingong yuta.
| ראיתי רשע עריץ ומתערה כאזרח רענן |
36 Apan sa dihang milabay ako pag-usab, wala na siya didto. Gipangita ko siya, apan dili na siya makit-an.
| ויעבר והנה איננו ואבקשהו ולא נמצא |
37 Panid-i ang tawong may baruganan, ug timan-i ang matarong; adunay maayong kaugmaon alang sa tawo nga may kalinaw.
| שמר-תם וראה ישר כי-אחרית לאיש שלום |
38 Mangalaglag gayod sa hingpit ang mga makasasala; ug putlon ang kaugmaon sa tawong daotan.
| ופשעים נשמדו יחדו אחרית רשעים נכרתה |
39 Ang kaluwasan sa mga matarong naggikan kang Yahweh; panalipdan niya (sila) panahon sa kagubot.
| ותשועת צדיקים מיהוה מעוזם בעת צרה |
40 Tabangan ug luwason (sila) ni Yahweh. Luwason (sila) gikan sa daotang mga tawo ug luwason (sila) tungod kay nagdangop man (sila) kaniya.
| ויעזרם יהוה ויפלטם יפלטם מרשעים ויושיעם--כי-חסו בו |
