Mga Salmo 29
1 Ang salmo ni David. Dayega si Yahweh, kamong mga anak sa Dios! Dayega si Yahweh tungod sa iyang himaya ug kusog.
Give unto the LORD, O all of you mighty, give unto the LORD glory and strength.
2 Ihatag kang Yahweh ang himaya nga angay sa iyang ngalan. Yukboi si Yahweh diha sa katahom sa pagkabalaan.
Give unto the LORD the glory due unto his name; worship the LORD in the beauty of holiness.
3 Ang tingog ni Yahweh nadungog ibabaw sa katubigan; ang Dios sa mahimayaong dalogdog, nagdalogdog si Yahweh ibabaw sa daghang katubigan.
The voice of the LORD is upon the waters: the God of glory thunders: the LORD is upon many waters.
4 Ang tingog ni Yahweh gamhanan; ang tingog ni Yahweh halangdon.
The voice of the LORD is powerful; the voice of the LORD is full of majesty.
5 Ang tingog ni Yahweh nagbali sa mga cedro; gibalibali ni Yahweh ang mga cedro sa Lebanon.
The voice of the LORD breaks the cedars; yea, the LORD breaks the cedars of Lebanon.
6 Gipalukso niya ang Lebanon ug ang Sirion sama sa nating baka.
He makes them also to skip like a calf; Lebanon and Sirion like a young unicorn (ox).
7 Ang tingog ni Yahweh nagpadala sa nagdilaab nga kalayo.
The voice of the LORD divides the flames of fire.
8 Ang tingog ni Yahweh nagauyog sa kamingawan; si Yahweh nagauyog sa kamingawan sa Cades.
The voice of the LORD shakes the wilderness; the LORD shakes the wilderness of Kadesh.
9 Ang tingog ni Yahweh naglubag sa kahoy nga tugas ug gihukasan ang kalasangan. Ang tanan nga anaa sa sulod sa iyang templo nanag-ingon “Himaya!”
The voice of the LORD makes the hinds to calve, and discovers the forests: and in his temple does every one speak of his glory.
10 Milingkod si Yahweh ingon nga hari ibabaw sa lunop; naglingkod si Yahweh ingon nga hari hangtod sa kahangtoran.
The LORD sits upon the flood; yea, the LORD sits King for ever.
11 Maghatag si Yahweh ug kusog sa iyang katawhan; magpanalangin si Yahweh sa iyang katawhan diha sa pakigdait.
The LORD will give strength unto his people; the LORD will bless his people with peace.
