Mga Salmo 24

1 Ang salmo ni David. Ang kalibotan iya ni Yahweh, ug ang tanan niini, ang kalibotan, ug ang tanang nagpuyo niini.

Of David. A psalm. The earth is the Lord’s and all that it holds, the world and those who live in it.

2 Kay gitukod niya kini ibabaw sa kadagatan ug gipalig-on kini ibabaw sa kasapaan.

For he founded it on the seas, and on the floods he sustains it.

3 Kinsa ba ang motungas sa bukid ni Yahweh? Kinsa ba ang mobarog sa iyang balaang dapit?

Who may ascend the hill of the Lord? Who may stand in his holy place?

4 Siya nga adunay hinlo nga mga kamot ug putli nga kasingkasing; nga wala nagpasaka ug kabakakan, ug wala manumpa aron sa pagpanlimbong.

The clean of hands, the pure of heart, who sets not their heart upon sinful things, nor swears with intent to deceive:

5 Makadawat siya sa panalangin nga gikan kang Yahweh ug ang pagkamatarong gikan sa Dios sa iyang kaluwasan.

they win from the Lord a blessing: God is their champion and saviour.

6 Ingon niini ang kaliwatan niadtong nangita kaniya, kadtong nagapangita sa panagway sa Dios ni Jacob. (Sela)

Such must be those who resort to him, and seek the face of the God of Jacob. (Selah)

7 Ablihi ang mga ganghaan; ablihi ang walay kataposang mga pultahan, aron ang Hari sa himaya makasulod!

Lift high your heads, you gates – Higher, you ancient doors; welcome the glorious king.

8 Kinsa ba kining Hari sa himaya? Si Yahweh ang kusgan ug makagagahom; si Yahweh ang makagagahom sa panggubatan.

‘Who is the glorious king?’ ‘The Lord strong and heroic, the Lord heroic in battle.’

9 Ablihi ang mga ganghaan; ablihi ang walay kataposang mga pultahan, aron makasulod ang Hari sa himaya!

Lift high your heads, you gates – Higher, you ancient doors; welcome the glorious king.

10 Kinsa ba kining Hari sa himaya? Si Yahweh sa panon, siya ang Hari sa himaya. (Sela)

‘Who is the glorious king?’ ‘The Lord, the God of hosts, he is the glorious king.’ (Selah)