Mga Salmo 24

1 Ang salmo ni David. Ang kalibotan iya ni Yahweh, ug ang tanan niini, ang kalibotan, ug ang tanang nagpuyo niini.

[A Psalm by David.] The earth is Jehovah's, and its fullness; the world, and those who dwell in it.

2 Kay gitukod niya kini ibabaw sa kadagatan ug gipalig-on kini ibabaw sa kasapaan.

For he has founded it on the seas, and established it on the floods.

3 Kinsa ba ang motungas sa bukid ni Yahweh? Kinsa ba ang mobarog sa iyang balaang dapit?

Who may ascend to Jehovah's hill? Who may stand in his holy place?

4 Siya nga adunay hinlo nga mga kamot ug putli nga kasingkasing; nga wala nagpasaka ug kabakakan, ug wala manumpa aron sa pagpanlimbong.

He who has clean hands and a pure heart; who has not lifted up his soul to falsehood, and has not sworn deceitfully.

5 Makadawat siya sa panalangin nga gikan kang Yahweh ug ang pagkamatarong gikan sa Dios sa iyang kaluwasan.

He shall receive a blessing from Jehovah, righteousness from the God of his salvation.

6 Ingon niini ang kaliwatan niadtong nangita kaniya, kadtong nagapangita sa panagway sa Dios ni Jacob. (Sela)

This is the generation of those who seek Him, who seek the face of the God of Jacob. (Selah)

7 Ablihi ang mga ganghaan; ablihi ang walay kataposang mga pultahan, aron ang Hari sa himaya makasulod!

Lift up your heads, you gates. Be lifted up, you everlasting doors, and the King of glory will come in.

8 Kinsa ba kining Hari sa himaya? Si Yahweh ang kusgan ug makagagahom; si Yahweh ang makagagahom sa panggubatan.

Who is the King of glory? Jehovah strong and mighty, Jehovah mighty in battle.

9 Ablihi ang mga ganghaan; ablihi ang walay kataposang mga pultahan, aron makasulod ang Hari sa himaya!

Lift up your heads, you gates; lift them up, you everlasting doors, and the King of glory will come in.

10 Kinsa ba kining Hari sa himaya? Si Yahweh sa panon, siya ang Hari sa himaya. (Sela)

Who is this King of glory? Jehovah of hosts is the King of glory. (Selah)