Mga Salmo 23

1 Ang salmo ni David. Si Yahweh mao ang akong magbalantay; walay makulang kanako.

A Psalm by David. The LORD is my shepherd; I shall lack nothing.

2 Gipahigda niya ako sa lunhaw nga mga sibsibanan; gitultolan niya ako sa linaw nga tubig.

He makes me lie down in green pastures. He leads me beside still waters.

3 Gilig-on niya ang akong kinabuhi; gigiyahan niya ako sa hustong dalan tungod sa iyang ngalan.

He restores my soul. He guides me in the paths of righteousness for his name’s sake.

4 Bisan magalakaw ako latas sa walog sa labing mangitngit nga landong; dili ako mahadlok sa kadaot sanglit nag-uban ka man kanako; ang imong bunal ug ang imong sungkod nanalipod man kanako.

Even though I walk through the valley of the shadow of death, I will fear no evil, for you are with me. Your rod and your staff, they comfort me.

5 Giandam mo ang lamesa sa akong atubangan diha sa presensiya sa akong mga kaaway; gidihogan mo sa lana ang akong ulo; nagaawas ang akong kupa.

You prepare a table before me in the presence of my enemies. You anoint my head with oil. My cup runs over.

6 Ang pagkamaayo gayod ug ang matinud-anong kasabotan magasunod kanako sa tanang adlaw sa akong kinabuhi; ug magapuyo ako sa balay ni Yahweh sa hataas gayod nga panahon!

Surely goodness and loving kindness shall follow me all the days of my life, and I will dwell in the LORD’s house forever.