Mga Salmo 20

1 Alang sa pangulong musikero. Ang salmo ni David. Hinaot nga tabangan ka ni Yahweh sa adlaw sa kasamok; hinaot nga ang ngalan sa Dios ni Jacob magapanalipod kanimo

The LORD hear you in the day of trouble; the name of the God of Jacob defend you;

2 ug ipadala ang tabang gikan sa balaang dapit aron sa pagtabang kanimo gikan sa Zion.

Send you help from the sanctuary, and strengthen you out of Zion;

3 Hinaot nga hinumdoman niya ang imong mga halad ug pagadawaton ang imong halad sinunog. (Sela)

Remember all your offerings, and accept your burnt sacrifice; (Selah)

4 Hinaot nga ihatag niya kanimo ang gipangandoy sa imong kasingkasing ug tumanon ang tanan mong mga laraw.

Grant you according to your own heart, and fulfill all your counsel.

5 Unya sa imong kadaogan magmaya kita, ug diha sa ngalan sa atong Dios, ituboy nato ang mga bandila. Hinaot nga ihatag ni Yahweh ang tanan mong gipangamuyo.

We will rejoice in your salvation, and in the name of our God we will set up our banners: the LORD fulfill all your petitions.

6 Karon nasayod ako nga si Yahweh magaluwas sa iyang pinili; siya magatubag kaniya gikan sa iyang balaang langit uban sa kusog sa iyang tuong kamot nga makaluwas kaniya.

Now know I that the LORD saves his anointed; he will hear him from his holy heaven with the saving strength of his right hand.

7 Ang uban nagsalig sa ilang mga karwahe ug ang uban sa ilang mga kabayo, apan motawag kita kang Yahweh nga atong Dios.

Some trust in chariots, and some in horses: but we will remember the name of the LORD our God.

8 Mangalaglag (sila) ug mangapukan, apan mobangon kita ug mobarog nga matarong!

They are brought down and fallen: but we are risen, and stand upright.

9 O Yahweh, luwasa ang hari; tabangi kami sa dihang magatawag kami.

Save, LORD: let the king hear us when we call.