Mga Salmo 147
1 Dayega si Yahweh, kay maayo nga mag-awit sa mga pagdayeg sa atong Dios, maayo kini, ug angay ang pagdayeg.
| הללו-יה כי-טוב זמרה אלהינו-- כי-נעים נאוה תהלה |
2 Gitukod pag-usab ni Yahweh ang Jerusalem, gitigom niya ang mga nagkatibulaag nga katawhan sa Israel.
| בונה ירושלם יהוה נדחי ישראל יכנס |
3 Giayo niya ang nasakitan nga kasingkasing ug gibugkosan ang ilang mga samad.
| הרפא לשבורי לב ומחבש לעצבותם |
4 Naihap niya ang mga bituon, ginganlan niya kining tanan.
| מונה מספר לכוכבים לכלם שמות יקרא |
5 Bantogan ang atong Ginoo ug hilabihan kagamhanan, ang iyang panabot dili masukod.
| גדול אדונינו ורב-כח לתבונתו אין מספר |
6 Gipataas ni Yahweh ang mga dinaogdaog, ug gipalukapa niya ang mga daotan ngadto sa yuta.
| מעודד ענוים יהוה משפיל רשעים עדי-ארץ |
7 Awiti si Yahweh uban ang pagpasalamat, awiti ug mga pagdayeg ang atong Dios dinuyogan sa alpa.
| ענו ליהוה בתודה זמרו לאלהינו בכנור |
8 Gitabonan niya ang kalangitan sa mga panganod ug giandam ang ulan alang sa kalibotan, aron motubo ang sagbot sa kabukiran.
| המכסה שמים בעבים-- המכין לארץ מטר המצמיח הרים חציר |
9 Gihatagan niya ug mga pagkaon ang mga mananap ug ang mga pisu sa uwak sa dihang (sila) mopiyak.
| נותן לבהמה לחמה לבני ערב אשר יקראו |
10 Wala siya makakaplag ug kalipay diha sa kusog sa kabayo, wala siya mahimuot sa kusgan nga mga paa sa tawo.
| לא בגבורת הסוס יחפץ לא-בשוקי האיש ירצה |
11 Mahimuot lamang si Yahweh niadtong magpasidungog kaniya, nga naglaom sa iyang matinud-anon nga kasabotan.
| רוצה יהוה את-יראיו-- את-המיחלים לחסדו |
12 Dayega si Yahweh, Jerusalem, dayega ang imong Dios, Zion.
| שבחי ירושלם את-יהוה הללי אלהיך ציון |
13 Kay gipalig-on niya ang mga babag sa imong mga ganghaan, gipanalanginan niya ang imong mga anak taliwala kanimo.
| כי-חזק בריחי שעריך ברך בניך בקרבך |
14 Magdala siya ug kauswagan sulod sa imong mga utlanan, tagbawon ka niya sa labing maayo nga trigo.
| השם-גבולך שלום חלב חטים ישביעך |
15 Gipadala niya ang iyang kasugoan ngadto sa kalibotan, ang iyang sugo moabot dayon.
| השלח אמרתו ארץ עד-מהרה ירוץ דברו |
16 Gihimo niya ang niyebe sama sa balahibo sa karnero, gikatag niya ang gagmay nga ice sama sa abo.
| הנתן שלג כצמר כפור כאפר יפזר |
17 Nagpaulan siya ug ice sama sa dinugmok nga tinapay, kinsa man ang makaagwanta sa kabugnaw nga iyang gipadala?
| משליך קרחו כפתים לפני קרתו מי יעמד |
18 Gipadala niya ang iyang sugo ug nangalanay kini, gipahuros niya ang hangin ug gipadagayday ang tubig.
| ישלח דברו וימסם ישב רוחו יזלו-מים |
19 Gimantala niya ang iyang pulong ngadto kang Jacob, ang iyang kabalaoran ug ang iyang matarong nga kasugoan sa Israel.
| מגיד דברו ליעקב חקיו ומשפטיו לישראל |
20 Wala niya kini buhata sa uban nga nasod, ug mahitungod sa iyang kasugoan, wala (sila) masayod niini. Dayega si Yahweh.
| לא עשה כן לכל-גוי-- ומשפטים בל-ידעום הללו-יה |
